2021: Taon

Tinakda sa 2021 ang mga pangunahing pangyayari na orihinal na itinakda para sa 2020, kabilang ang Wakas ng Liga ng mga Bansa ng CONCACAF ng 2020, Paligsahang Pang-awitin ng Eurovision, UEFA Euro 2020, Palarong Olimpiko sa Tag-init 2020, 2021 Copa América at Expo 2020, sa mga kaganapan na ipinagpaliban o kinansela dahil sa pandemya ng COVID-19.

Idineklera ng Mga Nagkakaisang Bansa ang 2021 bilang Internasyunal na Taon ng Kapayapaan at Tiwala, ang Internasyunal na Taon ng Malikhaing Ekonomiya para sa Napapanatiling Pag-unlad, ang Internasyunal na Taon ng mga Prutas at Gulay, at ang Internasyunal na Taon para sa Pagtanggal ng Paggawa ng Bata. Iproneklema ng Simbahang Katoliko ang 2021 bilang Taon ni San Jose.

Enero

• Enero 6 – Inatake ng mga tagasuporta ng Pangulo ng Estados Unidos na si Donald Trump ang Kapitolyo ng Estados Unidos, na ginambala ang sertipikasyon ng pampanguluhang halalan ng 2020 at pinuwersa na ilikas ang Kongreso. Limang tao ang namatay noong panahon ng kaguluhan, kabilang ang isang opisyal na pulis at isang babae na binaril at pinatay sa loob ng gusali ng Kapitolyo. Nauri ang kaganapan bilang isang domestikong terorismo pag-atake at nagdulot ng internasyunal na pagkondena.
• Enero 10 – Nahalal si Kim Jong-un bilang Pangkalahatang Kalihim ng namamayaning Partidong Manggagawa ng Korea, na minana ang titulo mula sa kanyang yumaong ama na si Kim Jong-il, na namatay noong 2011.
• Enero 15
  • Hinalal ng Partidong Rebolusyonaryong Bayan ng Laos si Thongloun Sisoulith bilang bago nitong Pangkalahatang Kalihim, na pinalitan ang nagretirong hepe na si Bounnhang Vorachith. Nahalal si Sisoulith para sa isang limang-taon na termino bilang pinakamataas na pinuno ng Laos.
  • Pandemya ng COVID-19: Umabot na ang bilang ng mga namatay sa COVID-19 sa 2 milyon sa buong mundo.
• Enero 20 – Pinasinayaan si Joe Biden bilang ika-46 na Pangulo ng Estados Unidos, na naging pinakamatandang indibiduwal na nahalal sa pagkapangulo.
• Enero 26 – Pandemya ng COVID-19: Umabot na ang bilang ng kumpirmadong kaso ng COVID-19 sa 100 milyon sa buong mundo.

Pebrero

• Pebrero 1
  • Isang kudeta sa Myanmar ang nagtanggal kay Aung San Suu Kyi mula sa kapangyarihan at naibalik ang pamamahalang militar.
  • Opisyal na itinatag ng Kosovo ang diplomatikong ugnayan sa Israel at ipinabatid ang balak na magbukas ng embahada sa Jerusalem.
  • Pandemya ng COVID-19: Umabot na ang bilang ng isinagawang pagbabakuna sa 100 milyon sa buong mundo.
• Pebrero 19 – Opisyal na muling sumali ang Estados Unidos sa Kasunduang Paris, 107 araw pagkatapos umalis ito.
• Pebrero 22 – Pandemya ng COVID-19: Ang Estados Unidos ay ang unang bansa na nagtala ng higit sa 500,000 kamatayan mula sa bayrus.

Marso

• Marso 5 – Ang Moldova ay naging unang bansa sa Europa na tumanggap ng bakuna para sa coronavirus sa pamamagitan ng COVAX.
• Marso 6
  • Pandemya ng COVID-19: Lumagpas na ang bilang ng isinasagawang pagbabakuna sa 300 milyon sa buong mundo.
  • Nakipagkita si Papa Francisco kay Gran Ayatollah Ali al-Sistani sa Najaf, Iraq. Ito ang pinakaunang pagpupulong sa pagitan ng isang papa at isang gran ayatollah.
• Marso 23
  • Naganap ang pangkalahatang halalan ng Israel, ang ikaapat na halalang Knesset sa dalawang taon.
  • Ang Ever Given, isa sa pinakamalaking kargamentong barko sa mundo, ay sumadsad at nagdulot ng pangunahing pagharang sa Kanal Suez. Nagresulta ito ng obstakulo sa mga barko na nagdulot ng isang pangunahing paggambala sa pandaigdigang kalakalan.
• Marso 25 – Pandemya ng COVID-19: Lumagpas na ang bilang ng isinagawang pagbabakuna sa 500 milyon sa buong mundo.
• Marso 29 – Abril 4 – Sumailalim ang Kalakhang Maynila, Laguna, Cavite, Rizal at Bulacan na kilala din bilang Malawakang Maynila sa pinag-ibayong pampamayanang kuwarantenas upang pigilan ang matinding pagtaas ng kaso ng COVID-19 sa Pilipinas na nasa higit sa 9,000 bagong kaso noong Marso 27.

Abril

• Abril 11 – Naganap ang isang pangkalahatang halalan sa Peru.
• Abril 17 – Pandemya ng COVID-19: Lumagpas na sa 3 milyon ang kabuuang namatay mula sa COVID-19 sa buong sanlibutan.

Mayo

• Mayo 8 – Nangyari ang isang Pagbomba sa eskwelahan sa Kabul ng 2021, mahigit 85 na katao ang nasawi sa pagsabog, kabilang mga batang estudyante na sinundan pa ng pangalawang pagsabog.

• Mayo 9 – Sumiklab at naging sanhi ng Epidemya ng fungus sa India ang isang uri ng bacterial infection na fungus ang mga baryanteng kulay ay kumalat sa iba't ibang rehiyon sa India.

• Mayo 12 – Patuloy ang Krisis sa Israel–Palestina ng 2021 sa pagitan ng Israel at Palestina, ilang mga raketa at missiles ang pinaulanan sa lungsod ng Gaza.

• Mayo 23 – Ang pungus sa India ay idineklara ng epidemya sa bansa dahil sa pagkalat at naglalabasang baryanteng kulay, 219 na ang naitalang nasawi sa fungal inpeksyon.

Hunyo

• Hunyo 1 – Sumiklab ang isang influenza ng H10N3 sa Tsina ng 2021 noong Mayo 28, idineklara sa kapitolyo sa Beijing ang isang lalaki na nagkasakit sa lungsod ng Zhenjiang lalawigan ng Jiangsu.

Hulyo

• Hulyo 7 – Pagpatay kay Jovenel Moïse: Ang Pangulo ng Hayti na si Jovenel Moïse ay binaril at binawian ng buhay sa oras na 1:00 ng umaga sa kanyang tahanan. Ang kanyang asawa na si Martine Moïse ay nasugatan at naospital.

Oktubre

• Oktubre 1 – Nagpaalam ang beteranong tagapag-ulat ng balita na si Natalie Morales magpapaalam sa programang Today Show ng NBC sa halos na 22 taon.

 

 

 

 

 

• Marso 24 – Jessica Walter, Amerikanong aktres (ipinanganak 1941)
• Abril 9 – Prinsipe Philip, Duke ng Edinburgh (ipinanganak 1921)
• Abril 28 – Michael Collins, Amerikanong astronata (ipinanganak 1930)
• Hunyo 24 – Benigno S. Aquino III, ika-15 Pangulo ng Pilipinas (ipinanganak 1960)
• Setyembre 28 – Bienvenido Lumbera, Pambansang Alagad ng Sining sa Panitikan (ipinanganak 1932)
• Oktubre 10 – Ramon Barba, Pambansang Alagad ng Agham (ipinanganak 1939)