Сафорати Ҷумҳурии Тоҷикистон дар Федератсияи Русия — миссияи расмӣ-дипломатии Тоҷикистон дар Русия, ки дар шаҳри Маскав, ноҳияи Пресненский, дар тангкӯчаи Гранатный (рус.
Гранатный переулок), дар наздикии истгоҳи метрои «Баррикадная» қарор дорад.
9 сентябри соли 1991, ҶШС Тоҷикистон аз ИҶШС баромад ва соҳибистиқлол гардид. Ҷумҳурии Тоҷикистон аз рӯзҳои аввалини соҳибистиқлолиаш дар Маскав намояндагии доимии худро дошт. Муносибатҳои дипломати миёни кишварҳои соҳибистиқлол аз 9 апрели соли 1992 барқарор шуд, 4 майи соли 1992 дар Душанбе Сафорати Федератсияи Русия дар Тоҷикистон кушода шуд.
25 майи соли 1993 «Шартнома оиди дӯстӣ, ҳамкорӣ ва дастгирии ҳамдигар» баста шуд, ки ин боиси гузоштани пояҳои ҳуқуқии муносибатҳои Тоҷикистону Русия гардид. Маҷмӯъи қоидаҳои ин шартнома ҳамкориҳои дуҷонибаи Тоҷикистону Русияро дар ҳама самтҳо мустаҳкам намуд. 8 июни соли 1993 намояндагии Тоҷикистон ба намояндагии доимии Тоҷикистон дар Русия табдил ёфт ва аз 18 декабри соли 1993 Сафорати Ҷумҳурии Тоҷикистон дар Федератсияи Русия кушода шуд.
Дар тангкӯчаи Скатертный (рус. Скатертный переулок), хонаи 19 (пештар иморати шахсии И. И. Некрасов) шаҳри Маскав, хизматрасонии консулгарии сафоратхона ва намояндагии савдои Тоҷикистон ҷойгир шудааст.
This article uses material from the Wikipedia Тоҷикӣ article Сафорати Ҷумҳурии Тоҷикистон дар Федератсияи Русия, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Муҳтаво таҳти иҷозатномаи CC BY-SA 4.0 ва ё дигар дастрас аст. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тоҷикӣ (DUHOCTRUNGQUOC.VN) is an independent company and has no affiliation with Wiki Foundation.