Низомнома - калимаи арабӣ буда, маънояш тартиб, интизом, услуб аст.
Низомнома — санади меъёрию ҳуқуқиест, ки мақоми ҳуқуқии ташкилот, тартиби фаъолияти мақоми давлатӣ, ташкилоту муассисаҳо, инчунин муносибатҳои мутақобилаи онҳоро бо дигар мақомот, ташкилот, муассисаҳо ва шаҳрвандон дақиқ муайян менамояд.
Дар амалияи ҳуқуқӣ дар зери мафҳуми низомнома санади меъёрию ҳуқуқие дар назар аст, ки он вазъи ташкилот, тартиби фаъолияти мақоми давлатӣ, ташкилоту муассисаҳо, инчунин муносибатҳои мутақобилаи онҳоро бо дигар мақомот, ташкилот, муассисаҳо ва шаҳрвандон муайян мекунад.
Низомнома шакли зуд-зуд истифодашавандаи санади меъёрию ҳуқуқии мақомоти давлатӣ ва мақомоти худидораи маҳаллӣ мебошад. Одатан Низомнома бо қарори мақомоти болоии давлатӣ тасдиқ мегардад. Масалан, Низомномаи мавриди амали Вазорати маорифи Ҷумҳурии Тоҷикистон бо қарори Ҳукумати Ҷумҳурии Тоҷикистон аз 29 июни с.2001 № 322 тасдиқ шудааст.
Низомнома дар асоси Конститутсия, қонунҳои Ҷумҳурии Тоҷикистон, санадҳои меъёрию ҳуқуқии мақомоти болоии давлатӣ тайёр ва тасдиқ карда мешавад.
This article uses material from the Wikipedia Тоҷикӣ article Низомнома, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Муҳтаво таҳти иҷозатномаи CC BY-SA 4.0 ва ё дигар дастрас аст. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тоҷикӣ (DUHOCTRUNGQUOC.VN) is an independent company and has no affiliation with Wiki Foundation.