Амитабҳ Баччан
Амитабҳ Баччан (англ. Amitabh Bachchan, ҳиндӣ: अमिताभ बच्चन, тав.
11 октябри соли 1942) — ҳунарпешаи синамо, сиёсатмадор, таҳиякунанда ва муҷрии телевизион. Барандаи се Ҷоизаи миллӣ ва 11 Filmfare Awards.
| ҳиндӣ: अमिताभ बच्चन | |
 | |
| Таърихи таваллуд: | 11 октябр 1942 (81 сол) |
| Зодгоҳ: | |
| Шаҳрвандӣ: | |
| Касб: | ҳунарпешаи синамо, таҳиякунандаи филм, овозхон, ҳунарпешаи телевизиюн, ҳунарпеша |
| Корнома: | 1969 — то ҳол |
| Ҷоизаҳо: |     National Film Award for Best Actor[d] (1990) Filmfare Lifetime Achievement Award[d] (1991) CNN-News18 Indian of the Year[d] (2011) |
| IMDb: | ID 0000821 |
| srbachchan.tumblr.com(англ.) | |
 Парвандаҳо дар Викианбор | |
Зиндагинома
Аз оилаи шоири машҳури Ҳиндустон Хариванш Рай Баччан. Дар коллеҷ ва Донишгоҳи Деҳлӣ хондааст.
Оила
Аз соли 1973 Амитабҳ Баччан ба ҳунарпеша Ҷая Баччан Баҳодурӣ издивоҷ кардааст. Фарзандон: духтар, Швета ва писараш ҳунарпеша Абҳишек Баччан аст, ки соли 2007 бо ҳунарпеша Айшвария Рай издивоҷ намудааст.
Синамо
Бори аввал дар кино соли 1969 (филми «Ҳафт ҳиндустонӣ») нақши асосӣ бозида, минбаъд дар филмҳои «Ишқ ҳаргиз намемирад» (ҷоизаи актёри беҳтарин), «Соли пурошӯб», «Достони ҳаёт» ва ғ. маҳораташро такмил додааст. Муваффақияти бештарро ба Амитабҳ Бачан филми «Занҷир» (1973) овард, ки дар он нақши асосӣ — афсари полис ва муборизааш бо беадолатиро хеле хуб иҷро намуд. Солҳои 1984-87 узви парлумони Ҳиндустон буд. Минбаъд аз сиёсат комилан даст кашид ва киноро афзал донист. Асосан нақши одамони софдилу мубориз ва адолатпарварро бозидааст. Солҳои охир дар офаридани нақшҳои драмавӣ ҳам муваффақ шудааст. Дар беш аз 100 филм нақшҳои марказиро иҷро кардааст. «Ҳаммол», «Қисос ва қонун», «Шоҳаншоҳ», «Умар, Акбар, Энтони», «Аз рӯйи қонуни виҷдон», «Оила», «Ҳукм», «Муаллим», «Зинапоя», «Ситораи муҳаббат» аз зумраи онҳоанд. Солҳои 2000-05 барандаи бозиҳои машҳури телевизионии «Кӣ миллионер шудан мехоҳад?» дар телевизиони Ҳиндустон буд. Соли 2010 ҳам ҷоизаи байналмилалӣ гирифт.
Филмшиносӣ
Амитабҳ Баччан аз соли 1969 то ҳоло дар синамои кинокомпания Болливудӣ Ҳиндустон ҳунарнамоӣ намуда дар филмҳо зиёда аз сад нақшҳои ҷолиб офаридааст.
Эзоҳ
Адабиёт
- Баччан Амитабх // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.
Пайвандҳо
- Амитабх Бачан ҷоизаи Наполеонро гирифт Бойгонӣ шудааст 8 феврали 2007 сол.
This article uses material from the Wikipedia Тоҷикӣ article Амитабҳ Баччан, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Муҳтаво таҳти иҷозатномаи CC BY-SA 4.0 ва ё дигар дастрас аст. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тоҷикӣ (DUHOCTRUNGQUOC.VN) is an independent company and has no affiliation with Wiki Foundation.