Falintil
Falintil-Forças da Defesa de Timor-Leste ou FALINTIL-FDTL ou F-FDTL mak Forsas Armadas Timor-Leste nian nebe moris husi FALINTIL (Forças Armadas de Libertação Nacional Timor-Leste) nebe hamriik iha 20 Agostu 1975, F-FDTL hamriik iha UNTAET nia tempu iha loron 1 Febreiru 2001.
FALINTIL iha tempu invasaun Indonesia konyesidu hanesan Frente Armadas ba Libertasaun Timor Leste hamutuk ho frente rua tan mak: Frente klandestina no Frente Diplomatika. Iha tempu neba FALINTIL fahe ba (região) hat.
Kuandu kostitusaun oficialmente halao iha 20 Mei 2002, forsas armadas ne troka nia naran sai FALINTIL-FDTL (F-FDTL) ho nia boot Mayor Jenderal Taur Matan Ruak (José Maria de Vasconcelhos) nebe mak uluk gerilleiru FALINTIL nian.
F-FDTL too agora foin iha batalaun infanteria forsas terreno rua nebe konsentra iha munisípiu Baucau no munisípiu Lautein, kompi ida forsas naval (componente naval) nebe konsentra iha Hera, Dili, antantu forsas aereo sidauk iha. Alende ida nee iha mos unidade ida Polisia Militer (PM).
F-FDTL nia knaar
Tuir artikulu 146, paret lima Konstitusaun jeralmente organiza knaar principal FALINTIL-FDTL nian nebe mak garantia independensia nasional, integridade teritorial no seguransa eksternu.
Panglima F-FDTL
Panglima F-FDTL mak sai ulun-boot FALINTIL-FDTL nian. Tuir Konstitusaun, Panglima F-FDTL hili husi Presidente da Republika. Panglima F-FDTL oras ne mak Mayor Jenderal Taur Matan Ruak (José Maria de Vasconcelhos).
This article uses material from the Wikipedia Tetun article FALINTIL, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Conteúdo disponibilizado nos termos da CC BY-SA 4.0, salvo indicação em contrário. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tetun (DUHOCTRUNGQUOC.VN) is an independent company and has no affiliation with Wiki Foundation.