విరాట పర్వం, 2022లో విడుదలైన రొమాంటిక్ యాక్షన్ ఎంటర్టైనర్ సినిమా.
శ్రీలక్ష్మీ వెంకటేశ్వర సినిమాస్, సురేశ్ ప్రొడక్షన్స్ బ్యానర్లపై సుధాకర్ చెరుకూరి, సురేశ్ బాబు నిర్మించిన ఈ సినిమాకు వేణు ఊడుగుల దర్శకత్వం వహించగా నక్సలిజం నేపధ్యంలో రూపుదిద్దుకున్న ఈ చిత్రంలో రానా దగ్గుబాటి, సాయి పల్లవి, ప్రియమణి, నందితా దాస్ తదితరులు ప్రధాన పాత్రల్లో నటించారు. ఈ సినిమా 2022, జూన్ 17న థియెటర్లలో విడుదలై, జులై1న నెట్ఫ్లిక్స్ ఓటీటీలో తెలుగు, మలయాళం, తమిళం భాషల్లో విడుదలైంది.
విరాట పర్వం | |
---|---|
దర్శకత్వం | వేణు ఊడుగుల |
రచన | వేణు ఊడుగుల |
నిర్మాత | సుధాకర్ చెరుకూరి దగ్గుబాటి సురేష్ బాబు |
తారాగణం | సాయి పల్లవి దగ్గుబాటి రానా |
ఛాయాగ్రహణం | డాని సాంచెజ్-లోపెజ్ దివాకర్ మణి |
కూర్పు | శ్రీకర్ ప్రసాద్ |
సంగీతం | సురేష్ బొబ్బిలి |
నిర్మాణ సంస్థలు | శ్రీ లక్ష్మీ వెంకటేశ్వర సినిమాస్ సురేష్ ప్రొడక్షన్స్ |
విడుదల తేదీs | 2022 జూన్ 17(థియేటర్) 2022 జూలై 1 (ఓటీటీ) |
దేశం | భారతదేశం |
భాష | తెలుగు |
వెన్నెల (సాయి పల్లవి) కామ్రెడ్ అరణ్య అలియాస్ రవన్న (రానా) రచనలకు ప్రభావితం అయ్యి అతనిపై ప్రేమను పెంచుకుంటుంది. వెన్నెలను ఆమె బావ(రాహుల్ రామకృష్ణ)కు ఇచ్చి పెళ్లి చేయాలని తల్లిదండ్రులు(సాయిచంద్, ఈశ్వరి రావు) నిశ్చయిస్తారు. తనకు పెళ్లి ఇష్టం లేదని అందరితో ధైర్యంగా చెప్పి తల్లిదండ్రులకు లేఖ రాసి అరణ్య కోసం ఇంటి నుంచి వెళ్లిపోతుంది. దళనాయకుడైన రవన్నను పట్టుకునేందుకు పోలీసులు కూడా గాలిస్తుంటారు. వెన్నెల తనదైన శైలిలో ప్రయత్నాలు చేసి అడవిలోకి వెళుతుంది. అతణ్ణి చేరుకోవడం కోసం వెన్నెల ఎంత కష్టపడింది? వెన్నెల తనను ప్రేమిస్తుందని తెలిశాక రవన్న ఎలా స్పందించాడు? రవన్నతో వెన్నెల కలిశాక ఎలాంటి పరిణామాలు చోటు చేసుకున్నాయి? అనేదే మిగతా సినిమా కథ.
Untitled | ||||
---|---|---|---|---|
chronology | ||||
|
క్రమసంఖ్య | పేరు | గాయకులు | నిడివి |
---|---|---|---|
1. | "కోలు కోలు (రచన: చంద్రబోస్)" | దివ్య మల్లికా, సురేష్ బొబ్బిలి | 3:47 |
2. | "వీర తెలంగాణ (రచన: చంద్రబోస్)" | హేమచంద్ర | 2:28 |
3. | "నాగాదారిలో (రచన: ద్యావారి నరేందర్ రెడ్డి, సనాపతి భరద్వాజ్ పాత్రుడు)" | వరం | 3:21 |
4. | "చలో చలో- ది వారియర్ సాంగ్ (రచన: జిలకర శ్రీనివాస్ )" | సురేష్ బొబ్బిలి | 1:55 |
విరాటపర్వం సినిమా హైదరాబాదులోని రామానాయుడు స్టూడియోలో 2019 జూన్ 15న పూజ కార్యక్రమాలతో ప్రారంభమైంది.
ఈ చిత్రం 2021 ఏప్రిల్ 30న విడుదల కావాల్సి ఉండగా, కరోనా సెకండ్ వేవ్ కారణంగా విడుదల వాయిదా వేయబడింది. విరాట పర్వం సినిమా 2022 జూలై 1న ప్రపంచవ్యాప్తంగా థియేటర్లలో విడుదల చేస్తున్నట్లు ప్రకటించి, ఆ తరువాత ఈ సినిమాను జూన్ 17న విడుదల చేయనున్నట్లు ప్రకటించారు.
This article uses material from the Wikipedia తెలుగు article విరాట పర్వం (సినిమా), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). అదనంగా సూచించని పక్షంలో పాఠ్యం CC BY-SA 4.0 క్రింద లభ్యం Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki తెలుగు (DUHOCTRUNGQUOC.VN) is an independent company and has no affiliation with Wiki Foundation.