ಹಲ್ಮಿಡಿ
ಹಲ್ಮಿಡಿ ಹಾಸನ ಜಿಲ್ಲೆದ ಬೇಲೂರು ತಾಲೂಕುಡು ಇಪ್ಪುನ ಒಂಜಿ ಊರು.
ಕನ್ನಡದ ಸುರುತ ಶಾಸನ ಉಂದೇ ಊರುಡು ತಿಕ್ಕಿಂಡ್. ಅತ್ತಂದೆ ಆ ಶಾಸನೊಗು ಉಂದೆ ಊರುದ ಪುದರ್ ಸೇರ್‌ದ್ ಹಲ್ಮಿಡಿ ಸಾಸನ ಪನ್ಪಿ ಪುದರ್ ಬತ್ಂಡ್. ಆ ಶಾಸನಡ್‍ದಾವರ ಈ ಊರು ಪುಗರ್ತೆ ಪಡೆಂಡ್.
ಹಲ್ಮಿಡಿ ಹನುಮಿಡಿ | |
|---|---|
ಪೇಂಟೆ | |
 ಹಲ್ಮಿಡಿ ಸಾಸನೊದ ಪ್ರತಿರೂಪ | |
  ಹಲ್ಮಿಡಿ ಕರ್ನಾಟಕದ ನಕ್ಷೆಡ್ ಹಲ್ಮಿಡ್ ಇಪ್ಪುನ ಜಾಗೆ | |
| Coordinates: 13°14′41″N 75°49′14″E / 13.244833°N 75.820683°E 75°49′14″E / 13.244833°N 75.820683°E | |
| Country |  ಭಾರತ |
| State | ಕರ್ನಾಟಕ |
| Languages | |
| • Official | ಕನ್ನಡ |
| Time zone | UTC+5:30 |
| ISO 3166 code | IN-KA |
| Vehicle registration | ಕೆ‌ಎ |
| Website | karnataka |
ಕದಂಬ ವಂಸೊದ ರಾಜೆ ಕಾಕುಸ್ತವರ್ಮೆ(ಕಾಕುತ್ಸ್ತವರ್ಮ) ಈ ಹಲ್ಮಿಡಿ ಸಾಸನೊನು ಕ್ರಿ.ಶ. ಸುಮಾರ್ ೪೫೦ದ ಪೊರ್ತುಡು ಬರೆಪಾಯೆ ಪನ್ಪೆರ್. ೧೯೩೬ನೇ ಇಸವಿಡ್ ಮೈಸೂರು ಸಂಸ್ಥಾನೊದ, ಪುದರ್ ಪೋಯಿನ ಪುರಾತತ್ವ ಶಾಸ್ತ್ರಜ್ನೆರಾಯಿನ ಎಮ್. ಎಚ್ ಕೃಷ್ಣ ಮೇರ್ ಈ ಸಾಸನೊದ ಮಿತ್ ಸಂಸೋಧನೆ ಮಲ್ತ್‌ದ್, ಉಂದು ಕನ್ನಡ ಬಾಸೆದ ಸುರುತ ಸಾಸನ ಪಂಡ್ದ್ ಲೋಕೊರ್ಮೆ ತೆರಿಪಾಯೆರ್.
ಹಲ್ಮಿಡಿದ ಬಗ್ಗೆ
ಹಾಸನ ಜಿಲ್ಲೆ ಬುಕ್ಕ ಚಿಕ್ಕಮಗಳೂರು ಜಿಲ್ಲೆ ಸೇರುನ ಜಾಗೆಡ್ ಇಪ್ಪುನ, ಬೇಲೂರು ತಾಲೂಕುದ ಉತ್ತರ ಭಾಗೊಡು ಹಲ್ಮಿಡಿ ಉಂಡು. ತಾಲೂಕು ಕೇಂದ್ರವಾಯಿನ ಬೇಲೂರುಡ್ದು ಈ ಹಳ್ಳಿಗ್ ೩ ಕಿಲೋ ಮೀಟರ್ ಆಪುಂಡು. ಸುಮಾರ್ ೩೦೦ದಾತ್ ಇಲ್ಲ್‌ಲು ಉಪ್ಪುನ ಈ ಹಳ್ಳಿದ ಜನಸಂಖ್ಯೆ(೨೦೧೧ನೇ ಇಸವಿದ ಖಾನೇಸುಮಾರಿದ ಪ್ರಕಾರ) ೧೨೫೦.
ಹಲ್ಮಿಡಿದ ಇತಿಹಾಸ
ಹಲ್ಮಿಡಿ ಹಳ್ಳಿಗ್ ಸುಮಾರ್ ೧೦೦೦ ವರ್ಷದಾತ್ ಪಿರಾಕ್‌ದ ಇತಿಹಾಸ ಉಂಡೂಂದು ತೆರಿದ್ ಬರ್ಪುಂಡು. ಸಂಸೋಧನೆದ ಪ್ರಕಾರ, ಬೃಹತ್ ಶಿಲಾಯುಗದ ಪೊರ್ತುಡೆ ಜನಕುಲು ಮುಲ್ಪ ವಾಸ ಮಲ್ತೊಂದಿತ್ತೆರ್. ಅತ್ತಂದೆ, ಆ ಕಾಲೊಡೇ ಹಳ್ಳಿದ ಸುತ್ತ ಒಂಜಿ ಮಣ್ಣ್‌ದ ಕೋಟೆ ಇತ್ಂಡ್. ಕೋಟೆಗ್ ಪಡ್ಡಾಯಿ ಬುಕ್ಕ ಮೂಡಾಯಿಡ್ ದ್ವಾರೊಲು ಇತ್ತ. ಮೂಡಾಯಿದ ಮಹಾದ್ವಾರದ ಕೆಲವು ಭಾಗೊಲು ಇತ್ತೆಲಾ ತೂವರ ತಿಕ್ಕುಂಡು.
ಪಿರಾಕ್‌ದ ಸಾಸನೊಲೆಡ್ ಈ ಹಳ್ಳಿಗ್ ಪಲ್ಮಡಿ ಪಂಡ್ದ್ ಪುದರ್ ಇತ್ತ್ಂಡ್. ಕಾಲ ಪೋಯಿಲೆಕೊನೆ ಬೇತೆ ಬೇತೆ ರಾಜವಂಸೊದ ಆಡಳಿತ ಉಪ್ಪುನಗ ಈ ಹಳ್ಳಿದ ಪುದರ್ ಬದಲಾವೊಂದು ಪೋತುಂಡು. ಕದಂಬ ರಾಜವಂಸೊದ ೫ನೇ ರಾಜೆ ಇಮ್ಮಡಿ ಕೃಷ್ಣವರ್ಮೆ ಬರೆಪಾಯಿನ ತಾಮ್ರ ಸಸನೊಡು ಪಲ್ಮಡಿ ಗ್ರಾಮ ಪನ್ಪಿನ ಪುದರ್ ತೂವರ ತಿಕ್ಕುಂಡು. ಅಂಚನೆ, ಗಂಗವಂಸೊದ ರಾಚಮಲ್ಲೆ ಬರೆಪಾಯಿನ, ಕ್ರಿ.ಶ. ೮೯೯ನೇ ಇಸವಿದ ಸಾಸನೊ ಬುಕ್ಕ ೨ನೇ ಬೂತುಗ ಬರೆಪಾಯಿನ, ೯೫೯ನೇ ಇಸವಿದ ಸಾಸನೊಡು ಈ ಹಳ್ಳಿನ್ ಪಲ್ಮಾಡಿ ಪಂದ್ ಲೆತ್ತ್‌ದೆರ್. ೧೫೨೩ನೇ ಇಸವಿಡ್ ಶೃಂಗೇರಿದ ಬಸದಿಗ್ ದಾನ ಕೊರ್ತಿನ ದೇವಣ ಸೆಟ್ಟಿನ ಊರು ಹಲುಮಿಡಿ ಪಂದ್ ಉಂಡು. ಅತ್ತಂದೆ, ೧೫೨೪ನೇ ಇಸವಿದ ಬೇಲೂರು ಸಾಸನೊಡು ಹಲುಮಿಡಿ ಬುಕ್ಕ ಹಲುಮಿರಿ ಪಂದ್ ಪೂದರ್ ಸಿಕ್ಕುಂಡು. ಇಂಚ, ಸಾರ ವರ್ಷ ಪಿರಾಕ್‌ಡ್, ಈ ಗ್ರಾಮೊದ ಪುದರ್ ಪಲ್ಮಾಡಿ, ಹಲುಮಿಡಿ, ಹಲುಮಿರಿ ಇಂಚಾದ್ ಇತ್ತೆ ಹಲ್ಮಿಡಿ ಆದುಪ್ಪು.
ನನ, ಬ್ರಿಟೀಷೆರ್ ಬುಕ್ಕ ಮುಸ್ಲಿಮ್ ರಾಜೆರ್‌ನ ಆಡಳಿತ ಬನ್ನಗ ಹಲುಮಿಡಿ, ಹಲುಮಿರಿ ಪನ್ಪಿನವು, ಹನುಮಿಡಿ ಅತ್ಂಡ ಹಲ್ಮಿಡಿ(ಇತ್ತೆದ ಪುದರ್) ಆದ್ ಬದಲಾದ್ ಉಪ್ಪು.
ಉಂದೆನ್‌ಲಾ ತೂಲೆ
ಉಲ್ಲೇಕೊಲು
This article uses material from the Wikipedia ತುಳು article ಹಲ್ಮಿಡಿ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.