ಲಾಲ್ ಬಹಾದುರ್ ಮೊಘಲ್ ಸಾರಾಯ್ಡ್ ಪುಟ್ಟುದೆರ್. ೧೯೨೧ಟ್ ಮಹಾತ್ಮ ಗಾಂಧಿಜಿನ ಅಸಹಕಾರ ಚಳುವಳಿಟ್ ಪಾಲ್ ಪಡೆತೇರ್ ಆರೆನಾ ಓದನ್ ಮುಂದುವರಿಸಾಯೇರಾ ಸಹಕಾರ ಕೊರ್ಂಟಾಲಾ ಅರ್ದೊಡೆ ಬುಡುಯೇರ್. ೧೯೨೬ ಟ್ ಆರೆಗ್ ಶಾಸ್ತ್ರಿ ಪನ್ಪಿ ಬಿರ್ದ್ನ್ ಕಾಶಿ ವಿದ್ಯಾ ಪೀಠಡ್ದ್ ಕೊರ್ತೇರ್. ಒಟ್ಟು ೯ ವರ್ಷ ಕಾಲ ಸ್ವಾತಂತ್ರ್ಯಕ್ಕಾತ್ ಕಾರಾಗೃಹವಾಸ ಮಾಲ್ತೇರ್ ಆರ್ ಸತ್ಯಾಗ್ರಹ ಚಳುವಳಿ ಸುರುವಾಯಿ ಬುಕ್ಕೊ ೧೯೪೬ ಮುಟ್ಟ ಜೈಲು ಶಿಕ್ಷೆ ಅನುಭವಿಸಾತೇರ್.
ಭಾರತ ಸರಕಾರಕ್ಕ್ ಸಲ್ಲಾಯಿನ ಸೇವೆ
ಸ್ವಾತಂತ್ರ ತಿಕ್ಕಿ ಬುಕ್ಕ ಆರ್ ಗೋವಿ೦ದ ವಲ್ಲಭ ಪ೦ತ್ ಸರಕಾರಟ್ ಪೋಲಿಸ್ ಖಾತೆನ್ ನಿರ್ವಹಣೆ ಮಾಲ್ತೇರ್. ೧೯೫೧ಟ್ ಆರ್ ಲೋಕ ಸಭೆ ಜನರಲ್ ಸೆಕ್ರೆಟರಿ ಆತ್ ಆಯ್ಕೆಯಾತೆರ್. ಅಯಿಕ್ಕ್ ದುಂಬು ರೈಲ್ವೆ ಖಾತೆ ವಹಿಸಿಸೊಂಡೇರ್.
ಅರಿಯಳೂರು ತಲ್ಪ ಆಯಿನ ರೈಲ್ವೆ ದುರಂತಡ್ತ್ ಬುಕ್ಕ ಆರ್ ತಮ್ಮ ಖಾತೆಗ್ ರಾಜೀನಾಮೆ ಕೊರ್ತೆರ್. ಬುಕ್ಕೊಂಜಿ ಸರ್ತಿ ಆರ್ ಕ್ಯಾಬಿನೆಟ್ಗ್ ವಾಪಸ್ಸ್ ಬತ್ತೆರ್. ದುಂಬು ಸಾರಿಗೆ ಮಂತ್ರಿ ಯಾತ್, ಬುಕ್ಕ ೧೯೬೧ಟ್ ಗೃಹ ಮಂತ್ರಿಯಾತೆರ್. ಮೇ ೨೭, ೧೯೬೪ತಾನಿ ಜವಾಹರ್ಲಾಲ್ ನೆಹರು ಕಾರ್ಯಕಾಲಟ್ ಸೈತೇರ್.
ಕಾಂಗ್ರೆಸ್ತ ಕೆಲ ಪ್ರಮುಖೊ ಬೊಡಾಯಿನ ಬೆಂಬಲ ತಿಕ್ಕುನ ಕಾರಣ ಮಲ್ಲ ಸರಳ ಅಧಿಕಾರ ದಾಹಿಯೇ ಇಜ್ಜಿಯಂತೆ ಶಾಸ್ತ್ರಿಗ್ ಪ್ರಧಾನಿಯಾಪುನ ಅವಕಾಶ ತಿಕ್ಕುಂಡು. ಆರ್ ಅವೇ ವರ್ಷ ಜೂನ್ ೯ ರಡ್ಡೆಗ್ ಭಾರತತ ಪ್ರಧಾನಿಯಾತೆರ್.
ಪ್ರಧಾನಿಯಾಯಿನ ಲಾಲ್ ಬಹಾದುರ್ ಶಾಸ್ತ್ರಿ
ಆ ಸಮಯೊಡು ಮುಖ್ಯ ಸಮಸ್ಯೆ ಪಾಕಿಸ್ತಾನವಾದ್ ಇತ್ತ್ಂಡ್. ಕಚ್ ತಲ್ಪ ನಡೆತಿನ ಲಡಾಯಿ ಯುಎನ್ ಮಧ್ಯಸ್ಥಿಕೆಯಿಡ್ಡತ್ ಉಂತುತು ಪೊಂಡು ಜಮ್ಮು-ಕಾಶ್ಮೀರಟ್ ರಡ್ಡನೇ ಭಾರತ-ಪಾಕ್ ಯುದ್ಧ ಸುರುಆಂಡ್ ಭಾರತತ ಪಡೆ ಲಾಹೋರ್ ಶಾಂತಿ ಒಪ್ಪಂದ ಮಾಲ್ತೆರ್.
ಜನವರಿ ೧೯೬೬ಟ್ ಶಾಸ್ತ್ರಿ ಬುಕ್ಕ ಮಹಮ್ಮದ್ ಆಯೂಬ್ ಖಾನ್ ಅಲೆಕ್ಸೈ ನಿಕೊಲಯೆವಿಚ್ ಕೊಸಿಜಿನ್ ಅರ್ ಆಯೋಜಿಸಿನ ಟಾಷ್ಕೆಂಟ್ಟ್ ನಡಪಾಯಿನ ಪಾತೆರಕತೆಡ್ ಪಾಲ್ ಪಡೆತ್ತೆರ್. ಶಾಸ್ತ್ರಿಲು ಭಾರತದೊಟ್ಟಗ್ ಜನವರಿ ೧೦ ದಾನಿ ಒಂಜಿ ಒಪ್ಪಂದಕ್ಕ್ ಸಹಿ ಪಾಡ್ತೇರ್. ಅವೆ ಟಾಶ್ಕೆಂಟ್ ಡಿಕ್ಲೆರೇಶನ್.
ಬುಕ್ಕೊಂಜಿ ದಿನ ಆರ್ ಹೃದಯಾಘಾತ ಆದ್ ಸೈತೆರ್; ಪಾಕಿಸ್ತಾನದಕುಲು ಅರೆಗ್ ವನಸ್ಸ್ಡ್ ವಿಷೊ ಪಾಡ್ತ್ ಕೊರ್ತೆರ್ಂದ್ ಊಹೆ ಇತ್ತಂಡ್. ಆಂಡ ಅಯಿಕ್ಕ್ ಅಲ್ಪದ ವೈದ್ಯೆರ್ ದೃಡ ಮಾಲ್ತಜ್ಜೇರ್.ಅರೆನ ಕಾರ್ಯಕಾಲೊಡು ದೇಶೊಡ್ದಂಚಿಗ್ ಸೈತಿನ ಏಕೈಕ ಭಾರತತ ಪ್ರಧಾನ ಮಂತ್ರಿ ಅಂಚನೆ ಈ ರೀತಿದ ದುರಂತೊಗು ತಿಕ್ಕ್ದ್ ಇತಿಹಾಸಟ್ ಬಹುಶಃ ಕೆಲವೇ ಕೆಲವು ಸರಕಾರತ ಮುಖ್ಯಸ್ಥೆರೆಟ್ ಒರಿಯಾದುಲ್ಲೆರ್
ಪ್ರಾಮಾಣಿಕ, ಸ್ವಾಭಿಮಾನಿ
ಆರ್ ಬಹುಶಃ ಭಾರತ ತುಯಿನ ಪ್ರಾಮಾಣಿಕ, ದಕ್ಷ ಪ್ರಧಾನಿಯಾದ್ ಇತ್ತೆರ್. ಅರೆನ್ ಪ್ರಾಮಾಣಿಕತೆಗ್ ಮಸ್ತ್ ಜನಕ್ಕುಲು ಪುಗಾರ್ವೇರ್. ಅಂಚನೆ ಸ್ವಾಭಿಮಾನ, ದೇಶಾಭಿಮಾನ.
ಶಾಸ್ತ್ರಿ ಸೋಮವಾರ
ಆರ್ ಭಾರತೊನ್ ಸ್ವಾಭಿಮಾನಿ ದೇಶವಾದ್ ಮಲ್ಪುರೆ ಶ್ರಮೊವಹಿಸದೆರ್. ಅರ್ ಪ್ರಧಾನಿಯಾಯಿನ ಸಂದರ್ಭೊಡು ದೇಸೊಗು ಬರಗಾಲ ಬಂತ್ತಂಡ್. ಆಪಗ ಆರ ವಿದೇಶೊಡ್ದು ತೆನಸ್ಸ್ ಆಮದು ಮಾಲ್ತೆರ್. ಸಾಲದ ಪುದೆ ಜಾಸ್ತಿ ಇತ್ತ್ಂಡ್.
ಅಯಿನ್ ತೆರಿನ ಶಾಸ್ತ್ರಿ ವಾರೊಡು ಒಂಜಿ ದಿನ ವನಸ್ಸ್ ಬುಡ್ಂಡ ಎತೊ ತೆನಸ್ಸ್ ಸಂಗ್ರಹವಾಪುಂಡುಂದು ಲೆಕ್ಕಾಚಾರ ಪಾಡ್ತ್, ಸೋಮವಾರ ರಾತ್ರಿ ವನಸ್ಸ್ ಬುಡುಯರ ಜನೊಕುಲೆಡ ಬಿನ್ನಯಿಪು ಮಾಲ್ತೆರ್.ಆರ್ ಸಮೇತ ಸೋಮವಾರದ ವನಸ್ಸ್ ಬುಡ್ಯೆರ್. ಮಸ್ತ್ ಕಡೆಟ್ ಇನಿಲ ಶಾಸ್ತ್ರಿನಲೆಕ್ಕೊದ ಸೋಮವಾರ ಪ್ರಚಲಿತ ಉಂಡು. ಆ ನಿರ್ಣಯ ಅರೆನ ಸ್ವಾಭಿಮಾನ ಯಾತ್ರೆಗ್ಕಿರೀಟ ದೀಲೆಕ್ಕೊ ಉಂಡು
ಪ್ರಶಸ್ತಿಲು
ಅರೆಗೆ ಸೈತಿನ ಬುಕ್ಕೊ ಭಾರತ ರತ್ನೊಪ್ರಶಸ್ತಿ ಪ್ರಧಾನ ಮಾಲ್ತೆರ್. ಆರೆನ ನೆಂಪುಗು ದೆಹಲಿಟ್ ಸ್ಮಾರಕ ನಿರ್ಮಾನ ಮಾಲ್ತೆರ್. ಆರೆನಾ ಜನಪ್ರಿಯ ವಾಕ್ಯ ಜೈ ಜವಾನ್, ಜೈ ಕಿಸಾನ್ ಇತ್ತಿ ಚಿರವಾತ್ ಉಂತುಂಡು.
This article uses material from the Wikipedia ತುಳು article ಲಾಲ್ ಬಹಾದುರ್ ಶಾಸ್ತ್ರಿ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.