ಕೆ.ವಿ.ರಾವ್

ವಿಜ್ಞಾನೊನು ಜನ ಮನಕ್ ಮುಟ್ವವುನ ಮಾಮಲ್ಲ ಕಜ್ಜೊ ಮಲ್ತೊಂದುಲ್ಲೆರ್.

ಡಾ. ಕೆ. ವಿ. ರಾವ್
ಪುಟ್ಟಿನ	(೧೯೪೪-೦೮-೧೬)೧೬ ಆಗಸ್ಟ್ ೧೯೪೪ ದಕ್ಷಿಣಕನ್ನಡ ಜಿಲ್ಲೆದ ಕೋಟೆ
ಶಿಕ್ಷಣ	ಎಮ್ಎಸ್ಸಿ. ಪಿಹ್‌ಡಿ.
Alma mater	ರಾಮನ್ ರಿಸರ್ಚ್ ಇನ್ಸ್ಟಿಟ್ಯೂಟ್
Scientific career
ಕಾರ್ಯ ಕ್ಷೇತ್ರೊ	ಭೌತಶಾಸ್ತ್ರ

ಮೇರ್ ಉಡುಪಿ ಜಿಲ್ಲೆದ ಕಟಪಾಡಿದ ಕೈತಲ್ ಇಪ್ಪುನ ಕೋಟೆ ಪನ್ಪುನ ಊರುಡು ಪುಟ್ಟ್‌ನಾರ್. ಮೇರೆನ ಅಮ್ಮೆರ್ ಕೋಟೆ ಸುಬ್ಬರಾವ್, ಯಕ್ಷಗಾನೊದ ಎಡ್ಡೆ ಅರ್ತೊ ಪನ್ಪುನಾರ್ ಆದ್ ಮಟ್ಟಿ ಸುಬ್ಬರಾವ್ ಪಂಡ್‌ದ್ ಪುದರ್ ಪಡೆಯಿನಾರ್. ಮೇರೆನ ಅಪ್ಪೆ ಮುತ್ತಮ್ಮ. ಮೇರೆನ ಅಪ್ಪೆ ಬಾಸೆ ತುಳು.

1. ಮೇರ್ ಎಲ್ಯ ಕ್ಲಾಸ್ ನ್ ಅಂಬಾಡಿ ಗ್ರಾಮೊದ ಪಾಂಗಾಳ ವರದರಾಯ ನಾಯಕ್ (PVN) ಪ್ರಾಥಮಿಕ ಸಾಲೆಡ್ ಕಲ್ತೆರ್.
2. ಹೈಸ್ಕೂಲ್ ನ್ ಕಟಪಾಡಿದ ಶ್ರೀ ವೆಂಕಟರಮಣ ಸ್ವಾಮಿ(SVS) ಹೈಸ್ಕೂಲ್ಡು ಕಲ್ತೆರ್.
3. ಉಡುಪಿದ ಮಹಾತ್ಮ ಗಾಂಧಿ ಮೆಮೋರಿಯಲ್ (MGM ) ಕಾಲೆಜಿಡ್ ಕಾಲೇಜ್ ಕಲ್ತೆರ್.
4. ಮೈಸೂರು ವಿಶ್ವವಿದ್ಯಾನಿಲಯಡ್ ಭೌತಶಾಸ್ತ್ರ ಡ್ ಎಮ್.ಎಸ್ಸಿ.
5. ಬೆಂಗಳೂರುದ ರಾಮನ್ ರಿಸರ್ಚ್ ಇನ್ಸ್ಟಿಟ್ಯೂಟ್ (RRI) ಅಧ್ಯಯನ ಮಲ್ತ್ ದ್ ಮೈಸೂರು ವಿಶ್ವವಿದ್ಯಾನಿಲಯದ್ ಪಿಎಚ್.ಡಿ.ಪದವಿನ್ ದೆತೊಂಡೆರ್. ಭೌತಶಾಸ್ತ್ರದ ಮಲ್ಲ ಪುದರ್ದ ಎಸ್. ಚಂದ್ರಶೇಖರ್ ಮೇರೆನ ಪಿಎಚ್.ಡಿ ಮಾರ್ಗದರ್ಶಕೆರ್.

 

1. ಸಂತ ಅಲೋಶಿಯಸ್ ಕಾಲೇಜ್ ಡ್ ಉಪನ್ಯಾಸಕೆ ಆದ್ ಬೇಲೆ ಮಲ್ತೆರ್ ಬೊಕ್ಕ ವಿಭಾಗೊದ ಗುರ್ಕಾರೆಲಾ ಅಯೆರ್.
2. ಮಂಗಳೂರು ವಿಶ್ವವಿದ್ಯಾನಿಲಯ ದ ಲೆಪ್ಪುದ ಮಿತ್ತ್ ಗ್ ಅಲ್ತ ಕಾಲೇಜ್ ಡೆವಲಪ್ಮೆಂಟ್ ಕೌನ್ಸಿಲ್ ಬೊಕ್ಕ ವಿದ್ಯಾರ್ಥಿ ಕೌನ್ಸಿಲ್ ದ ನಿರ್ದೇಶಕೆರ್ ಆದ್ ಬೇಲೆ ಮಲ್ತೆರ್.
3. ಮಂಗಳೂರು ವಿಶ್ವವಿದ್ಯಾನಿಲಯ ದ ಮಾಷ್ಟ್ರನುಕುಲೆನ ಸಂಘದ (AMUCT) ಸುರುತ ಕಾರ್ಯದರ್ಶಿಯಾದ್ ಕೆಲಸ ಮಲ್ತೆರ್.
4. ಮಂಗಳೂರು ವಿಶ್ವವಿದ್ಯಾನಿಲಯ ದ ಭೌತಶಾಸ್ತ್ರ ಮಾಷ್ಟ್ರನುಕುಲೆನ ಸಂಘದ (APTMU) ಅಧ್ಯಕ್ಷೆ ಆದ್ ಬೇಲೆ ಮಲ್ತೆರ್

1. ಪಿಲಿಕುಳದ ವಿಜ್ಞಾನ ಕೇಂದ್ರೊದ ನಿರ್ದೇಶಕೆರಾದ್ ಆರ್ ಮಲ್ಲ ಸೇವೆ ಮಲ್ತೆರ್. ಇಂಟೆರ್ನೆಟ್ ಅಪರೂಪ ಆದ್ ಇತ್ತಿನ ಕಾಲೋಡು ಬೇತೆ ಬೇತೆ ಶಾಲೆದ ಜೋಕುಲೆನ್ ಅಲ್ಪಲ್ಪ ಸೇರಾದ್ ಸ್ಟೂಡೆಂಟ್ ಇಂಟರ್ನೆಟ್ ವರ್ಲ್‌ಡ್ ಪನ್ಪುನ ಕಾರ್ಯೊ ಮಲ್ತೆರ್.
2. ಪಿಲಿಕುಳದ ವಿಜ್ಞಾನೊ ಕೇಂದ್ರೊನು ಶಾಲೆ-ಶಾಲೆಗ್ ಎತ್ತವುನ ಕಾರ್ಯೊ ಮಲ್ತೆರ್. ಶಾಲೆದ ಮಾಸ್ಟ್‌ನುಕುಲೆಗ್, ಟೀಚರ್ನಕುಲೆಗ್ ಬೇತೆ-ಬೇತೆ ತರಬೇತಿ ಕೊರಿಯೆರ್.
3. ಏಷ್ಯಾಡೇ ಮಲ್ಲ ಸ್ವಾಮಿ ವಿವೇಕಾನಂದ ತಾರಾಲಯಾ ಉಂಡು ಮಲ್ತಿನ ಕೆ.ವಿ.ರಾವ್ ಮಲ್ತ್‌ನ ಮಲ್ಲ ಸಾದನೆ.
4. ಜನಕುಲೆಗ್ ಬೋಡಾಯಿನ ಅನುಕೂಲೊನು ಮಲ್ತ್ ಕೊರ್ತೆರ್
5. ಪಿಲಿಕುಳಟ್ ಫುಲ್ ಡೋಮ್ ಫಿಲ್ಮ್ ಫೆಸ್ಟಿವಲ್ ಮಲ್ತೆರ್
6. ಮಂಗಳೂರು ಆಕಾಶವಾಣಿಡ್ ವಿಜ್ಞಾನದ ವಿಸಯೊಲೆಡ್ ಭಾಷಣ, ಪೇಪರ್ ಡ್ ಅಂಕಣ ಬರಹ
7. ಮಂಗಳೂರು ವಿಶ್ವವಿದ್ಯಾನಿಲಯದ ಸೆನೆಟ್ ಬೊಕ್ಕ ಅಕಾಡೆಮಿಕ್ ಕೌನ್ಸಿಲ್‌ದ ಸದಸ್ಯೆರ್.
8. ಅಮೆಚ್ಚುರ್ ಆಸ್ಟ್ರೋನೊಮಿ ಕ್ಲ‌ಬ್‌ದ ಗುರಿಕಾರೆರ್.
9. ಜಿಲ್ಲಾಮಟ್ಟದ್ ವಿಜ್ಞಾನ ಬೊಕ್ಕ ತಂತ್ರಜ್ಞಾನ ಸಮಿತಿದ ಗೌರವ ಕಾರ್ಯಂತೆರ್.
10. ಕಾಲೇಜಿದ ಮಾಸ್ಟ್ರೆನುಕುಲೆನ ಎಲೆಕ್ಟ್ರಾನಿಕ್ಸ್, ಮೈಕ್ರೋಪ್ರೊಸೆಸರ್ ಬೊಕ್ಕ ಕಂಪ್ಯೂಟರ್ಸ್‌ಡ್ ತರಬೇತಿ ಏರ್ಪಾಡ್ ಮಲ್ತೆರ್.

1. ೨೦೨೨ ನೇ ಇಸವಿಡ್ ಕಲ್ಕುರ ಪ್ರತಿಷ್ಟಾನ ಬೊಕ್ಕ ಕಾರಂತ ಪುಟ್ಟುನದಿನ ಆಚರಣೆ ಸಮಿತಿ ಕೆ.ವಿ.ರಾಯೆರೆಗ್ ಕಾರಂತ ಫ್ರಶಸ್ತಿ ಕೊರಿಯೆರ್
2. ಎಮಿನೆಂಟ್ ಅಲೋಯ್ಸಿಸ್ಸ್ ಅಲುಮ್ನಿ ಪ್ರಶಸ್ತಿ
3. ಕರ್ನಾಟಕ ಸ್ಟೇಟ್ ಸೈನ್ಸ್ ಅಂಡ್ ಟೆಕ್ನಾಲಜಿ ಅಕಾಡೆಮಿ(KSTA) ಜೀವಮಾನ ಸಾದನೆ ಪ್ರಶಸ್ತಿ.
4. ವಿಜ್ಞಾನ ಪ್ರಸಾರೊಗು ಕೊರ್ಪುನ ಫಾ.ಥಿಯೋ ಮಥಾಯಿಸ್ ಪ್ರಶಸ್ತಿ.
5. ಜೋಕುಲೆನ ವಿಜ್ಞಾನ ಕಾಂಗ್ರೆಸ್‌ದ ಗುಣೋತ್ತ ಸಂಯೋಜಕೆರ್.
6. ವಿಜ್ಞಾನದ ಪ್ರಸಾರೊಗು ಕೊರ್ಪುನ ಜಿಲ್ಲಾ ಮಟ್ಟೊದ ಪ್ರಶಸ್ತಿ.
7. ಪರಿಸರ ಪ್ರಶಸ್ತಿ, ಅಂಚನೆ ರೋಟರಿ ಕ್ಲಬ್, ಲಯನ್ ಕ್ಲಬ್‌ದಕುಲು ಕೊರ್ಪುನ ಪ್ರಶಸ್ತಿಲು.