ಉಡುಪಿ ಜಿಲ್ಲೆ ಕರ್ನಾಟಕ ರಾಜ್ಯದ ಪಡ್ಡಾಯಿ ಕರಾವಳಿಡ್ ಉಪ್ಪುನ ಮೂಜಿ ಜಲ್ಲೆಲೆಡ್ ನಡುತವು.
ಉಡುಪಿ ಜಿಲ್ಲೆಗ್ ಉಡುಪಿ ಮುಖ್ಯಕೇಂದ್ರ, ಮುಖ್ಯ ನಗರ ಆದುಂಡು.ದಕ್ಷಿಣ ಕನ್ನಡ ಜಿಲ್ಲೆದ ಭಾಗವಾದಿತ್ತಿನ ಉಡುಪಿ ಆಗಸ್ಟ್ ೧೯೯೭ ಡುದು ಬೊಕ ಉಡುಪಿ ಜಿಲ್ಲೆಯಾದ್ ದುಂಬರಿಯಿಂಡ್. ಚಾರಿತ್ರಿಕವಾದ್ ಉಡುಪಿ ಮಹತ್ವದ ಪೇಂಟೆ: ಮಧ್ವಾಚಾರ್ಯೆರ್ ದ್ವೈತ ಧಾರ್ಮಿಕ ಸಿದ್ದಾಂತ ಸ್ಥಾಪನೆ ಮಲ್ತಿನ ಕ್ಷೇತ್ರ.
ಉಡುಪಿ ಜಿಲ್ಲೆ | |
---|---|
ಕರಾವಳಿ ಜಿಲ್ಲೆ |
ಪೋರ್ಚುಗೀಸೆರ್ ೧೭ನೆಯ ಶತಮಾನೊಡು ಕರಾವಳಿಡ್ ಕಾರಬಾರ ಮಲ್ತೊಂದು ಉಪ್ಪುನಗ ಕರಾವಳಿಗ್ ಕೆನರಾ ಇನ್ಪಿನ ಪುದರ್ ಕೊರ್ದಿತ್ತೆರ್. ೧೮೬೦ ಡು ಬ್ರಿಟಷೆರ್ ಕೆನರಾ ಕರಾವಳಿನ್ ಉತ್ತರ ಕೆನರಾ (ನಾರ್ಥ್ ಕೆನರಾ- North Canara ) ಬೊಕ ದಕ್ಷಿಣ ಕೆನರಾ (ಸೌಥ್ ಕೆನರಾ- South Canara ) ಇಂದ್ ರಡ್ಡ್ ಭಾಗ ಮಲ್ತೆರ್. ೧೮೬೨ಡು ಬ್ರಿಟಿಷೆರೆನ ಆಧಿಪತ್ಯೊಡು ಉತ್ತರ ಕೆನರಾ ಬಾಂಬೆ (ಬೊಂಬಾಯಿ) ಪ್ರೆಸಿಡೆನ್ಸಿ ಬೊಕ ದಕ್ಷಿಣ ಕೆನರಾ ಮದ್ರಾಸ್ ಪ್ರೆಸಿಡೆನ್ಸಿಗ್ ಆಡಳಿತ ವ್ಯವಸ್ಥೆ ಯಾದ್ ಸೇರಾಯೆರ್. ದೇಶೊಗು ೧೯೪೭ಡು ಸ್ವಾತಂತ್ರ ತಿಕ್ಕಿ ಬೊಕ ೧೯೫೬ಡು ಭಾಷಾವಾರು ಪ್ರಾಂತ್ಯೊಲೆನ ರಚನೆ ಆನಗ ಮೈಸೂರು ರಾಜ್ಯೊಗು ಉತ್ತರ ಬೊಕ ದಕ್ಷಿಣ ಕೆನರಾ ಜಿಲ್ಲೆಲು ಸೇರಿಯಾ.ಕ್ರಮೇಣ ಉತ್ತರ ಕೆನರಾ ಉತ್ತರ ಕನ್ನಡ ಆದ್ ದಕ್ಷಿಣ ಕೆನರಾ ದಕ್ಷಿಣ ಕನ್ನಡ ಆದ್ ಪುದರುಲು ಬದಲಾವಣೆ ಆಂಡ್.
೧೯೯೭ ನೆ ಇಸವಿಡು ಪೂರ್ವದ ದಕ್ಷಿಣ ಕನ್ನಡ ಜಿಲ್ಲೆನ್ ಬಾಗ ಮಲ್ತ್ ದ್ ದಕ್ಷಿಣ ಕನ್ನಡ ಬೊಕ ಉಡುಪಿ ಜಿಲ್ಲೆಲೆನ ರಚನೆ ಆಂಡ್.
ಉಡುಪಿ ಜಿಲ್ಲೆದ ಒಟ್ಟು ವಿಸ್ತೀರ್ಣ ೩೬೮೨ ಚದರ ಕಿಲೊಮೀಟರುಲು.ಉಂದೆಟ್ ಗ್ರಾಮಾಂತರ ಪ್ರದೇಶೊಲು ೩೩೩೮.೩೩ ಚದರ ಕಿಮಿ ಬೊಕ ನಗರ ಪ್ರದೇಶೊಲು ೨೪೩.೮೭ ಚದರ ಕಿಮಿ.(ಕಿಮಿ=ಕಿಲೊಮೀಟರುಲು). ಉಡುಪಿ ಜಿಲ್ಲೆಡು ಒಟ್ಟುಗು ೨೩೩ ಗ್ರಾಮೊಲು ಉಲ್ಲಾ. ನಗರ ಪ್ರದೇಶೊಲು ೪ ಉಲ್ಲಾ.
ಭಾರತದ ೨೦೧೧ ಇಸವಿದ ಜನಗಣತಿದ ಪ್ರಕಾರ ಉಡುಪಿದ ಜನಸಂಖ್ಯೆ ೧೧,೭೭,೩೬೧. ಉಂದೆಟ್ ಆಂಜೋವುಲು (ಪುರುಷೆರ್ ) ೫,೬೨,೧೩೧; ಪೊಂಜೋವುಲು (ಸ್ತ್ರೀಕುಲು) ೬,೧೫,೨೩೦.
1.http://www.census2011.co.in/census/district/268-udupi.html
2.https://www.districtsofindia.com/karnataka/udupi/demographics/index.aspx
This article uses material from the Wikipedia ತುಳು article ಉಡುಪಿ ಜಿಲ್ಲೆ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.