ಇನ್ನರ್ ವೀಲ್ ಕ್ಲಬ್ ಪನ್ಪಿನವು ಪೊಂಜೊವುಲೆನ ಅಂತರಾಷ್ಥ್ರೀಯ ಸಂಸ್ಥೆ.
ಉಂದೆತ್ತ ಉದ್ದೇಶ ದೋಸ್ತಿ, ಸೇವೆ ಬೊಕ್ಕ ಒರಿಯನೊರಿ ಅರ್ಥ ಮಲ್ತೊನುವು. ೧೦೦ ಡ್ದ್ ಲಾ ಜಾಸ್ತಿ ದೇಶೊಡ್, ೧೦೦೦೦೦ ಡ್ದ್ ಲಾ ಜಾಸ್ತಿ ಸದಸ್ಯೆರ್ ಇತ್ತಿನ ಒಂಜಿ ಜನಪ್ರಿಯ ಸಂಸ್ಥೆ.ಸುರುತ ಕ್ಲಬ್ ಇಂಗ್ಲೆಂಡ್ ದ ಮ್ಯಾಂಚೆಸ್ಟರ್ ಡ್ ಸುರು ಆಂಡ್.
೧೯೨೪ ಡ್ಡ್ ಅಧೀಕೃತವಾದ್ ಸುರು ಆಯಿನ ಈ ಸಂಸ್ಥೆನ್ ಒಲಿವೆರ್ ಗೊಲ್ಡಿಂಗ್. ಮೇರ್ ಒಂಜಿ ನರ್ಸ್, ಮೇರ್ ಒಂಜಿ ರೋಟೇರಿಯನ್ ನ ಬೊಡೆದಿ. ಮೇರ್ ನವೆಂಬರ್ ೧೯೨೩ ಡ್ ೨೬ ಬೇತೆ ರೋಟೇರಿಯನ್ ರೆನ ಬೊಡೆದಿಯೆರೆನೊಟ್ಟುಗ್ ಸೇರ್ದ್, ೧೦ ನೇ ಜನವರಿ ೧೯೨೪ ಡ್ ಸುರುತ್ತ ಸಭೆ ಮಲ್ತೆರ್. ಈ ಸಭೆಟ್ ೨೭ ಜನ ಪೊಂಜೊವುಲು ಸೇರ್ದಿತ್ತೆರ್. ಈ ದಿನೋನು ಇತ್ತೆ ಅಂತರಾಷ್ಥ್ರೀಯ ಇನ್ನರ್ ವೀಲ್ ದಿನ ಪಂಡ್ದ್ ಪನ್ಪೆರ್. ಉಂದು ಸುರುಕ್ಕ್ ರೊಟೇರಿಯನ್ ನ ಬೊಡೆದಿ ಬೊಕ್ಕ ಜೋಕುಲೆಗಾದ್ ಸುರುವಾದಿತ್ತ್ ಂಡಲಾ, ಇತ್ತೆ ಉಂದೆಕ್ಕ್ ಸೇರರೆ ರೋಟರಿದೊಟ್ಟುಗುದ ಕೊಂಡಿ ಅಗತ್ಯ ಇಜ್ಜಿ. ೧೯೩೪ ಡ್ ಬ್ರಿಟನ್ ಬೊಕ್ಕ ಐರ್ಲೇಂಡ್ ಡ್ ಉಂದು ಸಂಸ್ಥೆ ಸುರು ಆಂಡ್.
ಪ್ರಪಂಚದ ಬೇತೆ ಬೇತೆ ಭಾಗೊಡು ಉಂದು ಬುಲೆಯಿಲೆಕ್ಕನೇ, ೧೯೬೭ ನೇ ಇಸವಿಡ್ ಅಂತರಾಷ್ಥ್ರೀಯ ಇನ್ನರ್ ವೀಲ್ ಸುರು ಆಂಡ್. ಇತ್ತೆ ವಿಶ್ವದ ಪೂರಾ ಭಾಗೊಡುಲಾ ಈ ಕ್ಲಬ್ ಉಂಡು. ಈ ಕ್ಲಬ್ ಅಗತ್ಯ ಇತ್ತಿನಕಲೆಗ್ ಸಹಾಯ ಮಲ್ಪುನೆನೇ ತನ್ನ ಮುಖ್ಯ ಉದ್ದೇಶ ಮಲ್ತೊಂದುಡು. ೨೦೦೮ ನೇ ಇಸವಿದ ಪೊರ್ತುಗು ೧೦೨ ದೇಶೊಲೆಡ್, ೧,೦೦,೦೦೦ ಸದಸ್ಯರೆನೊಟ್ಟುಗು ವಿಶ್ವದ ಒಂಜಿ ಮಲ್ಲ ಪೊಂಜೊವುಲೆನ ಸಂಸ್ಥೆ ಪನ್ಪಿನ ಖ್ಯಾತಿ ಪಡೆತ್ತ್ ಂಡ್.
ಭಾರತೊಡು ಇನ್ನರ್ ವೀಲ್ ದ ಸುರುತ ಜಿಲ್ಲೆ ೧೯೬೪ ಡ್ ಆಂಡ್. ಸುರುಕ್ ಜಿಲ್ಲೆ-೭೫ ಪಂಡ್ದ್ ಪುದರ್ ಇತ್ತಿನ ಉಂದೆಕ್ಕ್ ಬೊಕ್ಕ ಜಿಲ್ಲೆ-೩೦೫ ಪಂಡ್ದ್ ಪುದರ್ ದೀಯೆರ್. 1969 ಡ್ ಶ್ರೀಮತಿ ಮಾಲತಿ ರಾಣ ಪನ್ಪಿನಾರ್ ಉಂದೆತ್ತ ಸುರುತ್ತ ಭಾರತೊದ ರಾಯಭಾರಿ ಆದಿತ್ತೆರ್. 1976ಡ್ ಇನ್ನರ ವೀಲ್ ಕ್ಲಬ್ ದ ಸಂಘ ಭಾರತ ಬೊಕ್ಕ ಶ್ರೀಲಂಕೊಡು ಸುರು ಆಂಡ್. ಉಂದೆತ್ತ ಸುರುತ್ತ ಅಧ್ಯಕ್ಷೆ ಶ್ರೀಮತಿ ರಕ್ಷಾ ಮೆಹ್ತಾ. ಈ ಸಂಘೊದ ಸುರುತ್ತ ಸಮ್ಮೇಳನ ಬೊಂಬಾಯಿಡ್ ೧೯೭೭ ಡ್ ಆಂಡ್. ಡಾ| ಬೀನ ವ್ಯಾಸ್ ಪನ್ಪಿನಾರ್ ೨೦೨೦-೨೧ನೇ ಸಾಲ್ ದ ಅಧ್ಯಕ್ಷೆಯಾದುಲ್ಲೆರ್. ಸುಮಾರ್ ೨೭ ಇನ್ನರ್ ವೀಲ್ ಜಿಲ್ಲೆಡ್ ಉಪ್ಪುನ ಬೇತೆ ಬೇತೆ ಕ್ಲಬ್ ಲು ಕೆಲಸ ಮಲ್ತೊಂದು ಉಲ್ಲ.ಇನ್ನರ್ ವೀಲ್ ಕ್ಲಬ್ ದ ಮೂಜಿ ಮುಖ್ಯ ಉದ್ದೇಶೊಲು : ೧. ನಿಜವಾಯಿನ ಸ್ನೇಹೊಗು ಉತ್ತೇಜನ ಕೊರ್ಪಿನ ೨. ಸೇವೆದ ಆದರ್ಶೋನು ಉತ್ತೇಜಿಸಾವುನ ೩.ಅಂತರಾಷ್ಟ್ರೀಯ ಸಹಬಾಳ್ವೆನ್ ಉತ್ತೇಜಿಸಾವುನ
ಕರ್ನಾಟಕದ ಜಿಲ್ಲೆಲಾಯಿನ ದಕ್ಷಿಣ ಕನ್ನಡ, ಉಡುಪಿ, ಚಿಕ್ಕಮಗಳೂರು, ಚಾಮರಾಜನಗರ, ಹಾಸನ, ಕೊಡಗು, ಮೈಸೂರು ಬೊಕ್ಕ ಶಿವಮೊಗ್ಗ ಸೇರ್ದ ಆತಿನ ಇನ್ನರ್ ವೀಲ್ದ ಜಿಲ್ಲೆ 318.
This article uses material from the Wikipedia ತುಳು article ಇನ್ನರ್ ವೀಲ್ ಕ್ಲಬ್, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.