ಅಂತಾರಾಷ್ಟ್ರೀಯ ಸಾಂಸ್ಕೃತಿಕ ಜಾಂಬೂರಿ

ಸಂಸ್ಕೃತಿರ್ದ್ ಜವನೆರ್ನ ಮನಸ್ಡ್ ನಮ ಒಂಜೇ ಪನ್ಪಿನ ಉದ್ದೆಸೊ ಅತುಂಡು. ಜಾಂಬೂರಿಗ್ 50000 ರ್ದಲಾ ಜಾಸ್ತಿ ದೇಸೊ-ವಿದೇಸೊರ್ದ್ ಸ್ಕೌಟ್ಸ್ ಗೈಡ್ಸ್, ರೇಂಜರ್ಸ್ ಬೊಕ್ಕ ರೊವರ್ಸ್‌ದ ಜೋಕುಲು ಪಾಲು ಪಡೆಪೆರ್. ಬೇತೆ ಬೇತೆ ಸಂಸ್ಕೃತಿಳೆನ್ ಗುರುತಿಸಾದ್ ಐತ ಮೂಲಕ ಜ್ಞಾನೊ ಬೊಕ್ಕ ತಾಕ್ಕತ್ ಜಾಸ್ತಿ ಮಲ್ಪರೆ ಆಪುಂಡು. ಅಂತಾರಾಷ್ಥ್ರೀಯ ಮಟ್ಟದ ಸಾಂಸ್ಕೃತಿಕ ಜಾಂಬೂರಿಡ್ ಜೋಕುಲೆಗ್ ತೆರಿಯೊನಿಯೆರೆ ಬೋಡಾದ್ ಬೇತೆ ಬೇತೆ ಮೇಳೊಲೆನ್ ಏರ್ಪಾಡ್ ಮಲ್ತ್‌ದೆರ್.

ಜಾಂಬೂರಿಗ್ ಬರ್ಪಿನಕಲೆಗ್ ವಿಜ್ಞಾನದ ಲೋಕೊನ್ ಗೊತ್ತುಮಲ್ಪಾವುನ ದೃಷ್ಟಿಡ್ ವಿಜ್ಞಾನ ಮೇಳೊನ್ ನಡಪಾವೆರ್. ಈ ಮೇಳೊಡು ಪ್ರಾಥಮಿಕ ಜೊಕುಲ್ರೆದ್ ಇಂಜಿನಿಯರಿಂಗ್ ಬೊಕ್ಕ ಮೆಡಿಕಲ್ ಮುಟ್ಟ ಕಲ್ಪುನ ವ್ಯವಸ್ಥೆ ಮಲ್ದೆರ್. ಗಣಕ ವಿಜ್ಞಾನದ ಐಡಿಯಾಥಾನ್ ಬೊಕ್ಕ ಹಾಕಥಾನ್ಲಾ ಉಪ್ಪುಂಡು.

ಸುಮಾರ್ 12 ಎಕರೆ ಜಾಗೊಡ್ ಕೃಷಿ ಮೇಳ ನಡಪೆರೆ ಉಂಡು. ಮುಲ್ಪ 10-12 ಬೇತೆ ಬೇತೆ ಬಗೆತ ತರಕಾರಿ ಬೊಕ್ಕ ಪೂ ಉಂಡು,20 ಬಗೆತ ಬಜೆಯಿ, 110 ಬಗೆತ ಪರದೇಸೊದ ಫ್ರೂಟ್ಸ್, 40 ಬಗೆತ ಪರದೇಸೊದ ತರಕಾರಿಲು 100 ಬಗೆತ ಅರಿ ಉಪುಂಡು. ನನಲ ಬಗೆ ಬಗೆತ ವಸ್ತುಲಾ ಉಂಡು.