ವೀರೇಂದ್ರ ಹೆಗ್ಗಡೆ: ಧರ್ಮಸ್ಥಳತ ಧರ್ಮಾಧಿಕಾರಿ

ದಕ್ಷಿಣ ಕನ್ನಡ ಜಿಲ್ಲೆದ ಪುಣ್ಯಕ್ಷೇತ್ರವಾಯಿನಧರ್ಮಸ್ಥಳ ಶ್ರೀ ಮಂಜುನಾಥೇಶ್ವರ ದೇವಸ್ಥಾನತ ಧರ್ಮಾಧಿಕಾರಿ ಆದ್ ಉಲ್ಲೇರ್. ಸಮಾಜ ಸೇವೆಗ್ ಇಂಬೆರ್ ಪ್ರಸಿದ್ಧರಾದ್ ಪುದರ್ ಪಡೆವೊಂದೆರ್.

ವೀರೇಂದ್ರ ಹೆಗ್ಗಡೆ
ಬೇತೆ ಪುದರ್/ಲು	ಖಾವಂದೆರ್
Personal
ಪುಟ್ಟು	(1948-11-25) 25 November 1948 (age 75) ಬಂಟ್ವಾಳ, ದಕ್ಷಿಣ ಕನ್ನಡ, ಕರ್ನಾಟಕ
ಧರ್ಮ	ಜೈನ ಧರ್ಮ
ಅಡ್ಡಪುದರ್	ಖಾವಂದೆರ್
Senior posting}
ಊರು	ಧರ್ಮಸ್ಥಳ, ಕರ್ನಾಟಕ, ಭಾರತ
ಅಧಿಕಾರೊ ಬತ್ತಿನ ಪೊರ್ತು	೧೯೬೮ಡ್ದು ಇತ್ತೆ
ದುಂಬುದಾರ್	ರತ್ನವರ್ಮ ಹೆಗ್ಗಡೆ
ಕಸುಬುದ ಪುದರ್	ಧರ್ಮಾಧಿಕಾರಿ
ಜಾಲತಾನೊ	www.veerendraheggade.in

• ಬಂಟ್ವಾಳದ ಬೋರ್ಡ್ ಶಾಲೆಡ್ ಪ್ರಾಥಮಿಕ ಶಿಕ್ಷಣ. ಉಜಿರೆಡ್ ಪ್ರೌಢ ಶಿಕ್ಷಣ. ಸಿದ್ಧವನ ಗುರುಕುಲಡ್ ವಿದ್ಯಾಭ್ಯಾಸ. ಬೆಂಗಳೂರುದ ಶೇಷಾದ್ರಿಪುರಂ ಪ್ರೌಢಶಾಲೆ, ಸೈಂಟ್ ಜೋಸೆಫ್ ಶಾಲೆಡ್ ಶಿಕ್ಷಣ. ೧೯೬೩ರಲ್ಲಿ ಎಸ್ಸೆಸ್ಸೆಲ್ಸಿ ಪರೀಕ್ಷೆಗ್ ಬರೆದ್. ಬೆಂಗಳೂರುದ ಸೈಂಟ್ ಜೋಸೆಫ್ ಜೂನಿಯರ್ ಕಾಲೇಜಿಡ್ ವಾಣಿಜ್ಯ ಶಿಕ್ಷಣ. ಕಾಮರ್ಸ್ ಬೊಡ್ಚಿಂದು, ಪಿಯುಸಿ ಬುಕ್ಕ ಕಲಾ ವಿಭಾಗೊನ್ ಆರ್ ದೆತೊಂದೆರ್. ಬುಕ್ಕ ಬಿ.ಎ ಪದವೀಧರೆ.
• ಕಾನೂನು ಪದವಿ ಪಡೆಯಿನ ಅರೆನ ಆಸೆಗ್ ಅರ್ಧಡು ತೆರೆ ಬೂರ್ಂಡು. ಅರೆನ ಬದುಕ್ ಡ್ ಮಹತ್ವವಾಯಿನ ನೆಲೆಟ್ಟ್ ತಿರ್ಂಗ್ಂಡ್. ಧರ್ಮಾಧಿಕಾರಿ ರತ್ನವರ್ಮ ಹೆಗ್ಗಡೆರ್ ಅನಾರೋಗ್ಯೊಗು ಗುರಿಯಾಯೆರ್. ಅರೆನ ಆರೈಕೆಡ್ ವೀರೇಂದ್ರ ಹೆಗ್ಗಡೆರ್ ಪಾಲುಪಡೆವೊಡಾಯಿನ ಸಂದರ್ಬ ಬತ್ತ್ಂಡ್. ೧೯೬೮ಟ್ ರತ್ನವರ್ಮ ಹೆಗ್ಗಡೆ ತೀರ್‍ದ್ ಪೋಯೆರ್. ಆರೆರ್ದ್ ಬೊಕ್ಕ ಅ.೨೪, ೧೯೬೮ಗ್ ವೀರೇಂದ್ರ ಹೆಗ್ಗಡೆರ್ ಧರ್ಮಾಧಿಕಾರಿಯಾದ್ ಅಧಿಕಾರೊಗು ಬತ್ತೆರ್. ಅರೆನ ೨೦ನೇ ಪ್ರಾಯೊಡು ಅರ್ ಧರ್ಮಸ್ಥಳ ಶ್ರೀ ಕ್ಷೇತ್ರದ ೨೧ನೇ ಧರ್ಮಾಧಿಕಾರಿಯಾದ್ ಪಟ್ಟಾಭಿಷಿಕ್ತರಾಯೆರ್.

ವೀರೇಂದ್ರ ಹೆಗ್ಗಡೆ ನವೆಂಬರ್ ೨೫, ೧೯೪೮ ರಂದು ಪುಟ್ಟುಯೆರ್. ಅರೆಗ್ ೨೦ ವರ್ಷ ಆನಾಗ ಆರ್ ಧರ್ಮಸ್ಥಳ ಶ್ರೀ ಮಂಜುನಾಥೇಶ್ವರ ದೇವಸ್ಥಾನದ ಧರ್ಮಾಧಿಕಾರಿಯಾಯೆರ್. ಸ್ವತಃ ಜೈನರಾದ್ ಹಿಂದೂ ದೇವಸ್ಥಾನತ ಧರ್ಮದರ್ಶಿಯಾದ್ ಜವಾಬ್ದಾರಿನ್ ಪಡೆಯೆರ್. ವೀರೇಂದ್ರ ಹೆಗ್ಗಡೆರ್ ಧರ್ಮಸ್ಥಳ ಕ್ಷೇತ್ರಗ್ ಧಾರ್ಮಿಕ ಸಹಿಷ್ಣುತೆ ಕ್ಷೇತ್ರಂದ್ ಪುದಾರ್ ಪಡೆಯೆರೆ ಕಾರಣರಾಯೆರ್.ಧರ್ಮಸ್ಥಳದ ಬಾರಿ ಮಲ್ಲ ಬಾಹುಬಲಿಯ ಮೂರ್ತಿನ್ ಕೆತ್ತ್ ದ್ ಸ್ಥಾಪನೆ ಅಯೆರೆ ಇಂಬೆರ್ ಕಾರಣ. ಧರ್ಮಸ್ಥಳದಲ್ಲಿ ಪ್ರತಿ ದಿನ ಕ್ಷೇತ್ರಗ್ ಬರ್ಪುನ ಭಕ್ತೆರೆಗ್ ಧರ್ಮದ ಓಣಸ್‍ದ ವ್ಯವಸ್ಥೆ (ಅನ್ನದಾನ). ಪ್ರತಿ ದಿನಲೊ ಸುಮಾರು ಮೂಜಿ ಸಾರ ಜನಕ್‍ಲೆಗ್ ಓಣಸ್‍ದ ವ್ಯವಸ್ಥೆ ಮಲ್ಪುವೆರ್.

• ಧರ್ಮಸ್ಥಳ ಮತ್ತು ಇತರ ಜಾಗೆಡ್ ಸಮಾಜ ಸೇವೆ, ಆರೋಗ್ಯ ವಿಕಾಸ, ಶಿಕ್ಷಣ ಇಂಚಿನ ಬೇತೆ-ಬೇತೆ ಕಾರ್ಯಕ್ರಮಗಳೆನ್ ನಡಪಾತ್ತೆರ್ .
• ಉತ್ತರ ಕರ್ನಾಟಕದಲ್ಲಿ ಕ್ಷಾಮ ಬನ್ನಗ ಅಗತ್ಯವಿತ್ತ್ನ ಕಡೆ ಪರಿಹಾರ ಕಾರ್ಯಕ್ರಮೊನ್ ಪಾಡ್ತೆರ್.
• ದಕ್ಷಿಣ ಕನ್ನಡ ಜಿಲ್ಲೆಡ್ ೧೯೭೪ ಪ್ರವಾಹ.
• ಗದಗ್ ಡ್ ೧೯೯೨ ಪ್ರವಾಹ ಬನ್ನಗ ಪುನರ್ನಿರ್ಮಾಣ ಕಾರ್ಯ ಬುಕ್ಕ ಪರಿಹಾರಗ್ ಸಹಾಯ ಮಾಲ್ತೆರ್.

ಗ್ರಾಮೀಣಾಭಿವೃದ್ಧಿ

ವೀರೇಂದ್ರ ಹೆಗ್ಗಡೆ ಆರ್ ಮಸ್ತ್ ಗ್ರಾಮೀಣಾಭಿವೃದ್ಧಿ ಕಾರ್ಯಕ್ರಮೊಲೆನ್ ಪಾಡೊಂತೆರ್. ೧೯೮೨ಡ್ ಆರಂಭವಾಯಿನ ಶ್ರೀಕ್ಷೇತ್ರ ಧರ್ಮಸ್ಥಳ ಗ್ರಾಮೀಣಾಭಿವೃದ್ಧಿ ಯೋಜನೆ ಬೆಳ್ತಂಗಡಿಯ ೮೧ ಗ್ರಾಮೊಡ್ ೧೮,೦೦೦ ಇಲ್ಲ್ಹ್ ಸಹಾಯವಾಯಿನ ಕಜ್ಜ. ೧೯೭೨ಡ್ ಆರಂಭವಾಯಿನ ಧರ್ಮಸ್ಥಳದಲ್ಲಿ "ಸಾಮೂಹಿಕ ವಿವಾಹ" ಕಜ್ಜನ್ ಆರಂಭ ಮಾಲ್ತೆರ್. ಇತ್ತೆ ವರಸೊಗ್ ೫೦೦ ಮಿತ್ತ್ ದಂಪತಿಲು ಧರ್ಮಸ್ಥಳದಲ್ಲಿ ಮದ್ಮೆ ಅಪೆರ್. ಪ್ರತಿಯೊರಿಯೆಗ್ ಅರೆನ ಧಾರ್ಮಿಕ ವಿಧಿಯನುಸಾರವಾತ್ ಮದ್ಮೆ ಅಪುಂಡು. ಇತ್ತೆ 28 ಜಿಲ್ಲೆಡ್ ಯೋಜನೆ ಉಂಡು ನಮ್ಮ ರಾಜ್ಯ ಬುಕ್ಕ ಕಿಟ್ಟ ರಾಜ್ಯ ಕೇರಳ ರಾಜ್ಯಕ್ಕೂಲ ಯೋಜನೆ ವಿಸ್ತಾರಣೆ ಯಾತ್‍ಂಡು.

ಆರೋಗ್ಯ

ಆರೋಗ್ಯ ವಿಕಾಸಕ್ಕಾತ್ ವೀರೇಂದ್ರ ಹೆಗ್ಗಡೆ ಆರ್ ಮಸ್ತ್ ಬೆಲೆ ಮಾಲ್ತೆರ್. ಸಂಚಾರಿ ಆಸ್ಪತ್ರೆಲು, ಧರ್ಮಸ್ಥಳ ಮಂಜುನಾಥೇಶ್ವರ ವೈದ್ಯಕೀಯ ಸಂಸ್ಥೆತಾರ್ ನಡಪ್ಪುನ ಕ್ಷಯರೋಗ ಚಿಕಿತ್ಸಾಲಯ (ಮಂಗಳೂರು), ಉಡುಪಿ ಬುಕ್ಕ ಹಾಸನಗಳಲ್ಲಿ ಆಯುರ್ವೇದ ಆಸ್ಪತ್ರೆ, ಮಂಗಳೂರುತ ಎಸ್ ಡಿ ಎಮ್ ಕಣ್ಣಿನ ಆಸ್ಪತ್ರೆ ಬುಕ್ಕ ದಂತ ಚಿಕಿತ್ಸಾಲಯ, ಯೋಗ ತರಬೇತಿ ಶಿಬಿರಲು ಇಂಚ ಬೇತೆ-ಬೇತೆ ಸಂಸ್ಥೆ-ಕಾರ್ಯಕ್ರಮೊನ್ ನಡುಪ್ಪುವೆರ್.

ಶಿಕ್ಷಣ

ವೀರೇಂದ್ರ ಹೆಗ್ಗಡೆ ಆರ್ ಸ್ಥಾಪನೆ ಮಾಲ್ತತೆರ್ ಶ್ರೀ ಮಂಜುನಾಥೇಶ್ವರ ಸಾಂಸ್ಕೃತಿಕ ಸಂಶೋಧನಾ ಕೇಂದ್ರ ಧರ್ಮ, ಸಾಹಿತ್ಯ ಬುಕ್ಕ ಕಲೆ ಅಯಿನಾ ಬಗೆಟ್ ಸಂಶೋಧನೆನ್ ನಡಪಾವೆರ್. ಬೇತ್ ಸಮಕಾಲೀನ ಬುಕ್ಕ ಪ್ರಾಯೋಗಿಕ ಶೈಕ್ಷಣಿಕ ಸಂಸ್ಥೆ - ಬೇತೆ ಕಾರ್ಯಕ್ರಮೊನ್ ಹೆಗ್ಗಡೆ ನಡೆಪುವೆರ್. ಉಚಿತ ವಿದ್ಯಾರ್ಥಿ ನಿಲಯ, ಇಂಚ ಬೇತೆ ಪ್ರಾಥಮಿಕ, ಪ್ರೌಢ ಶಾಲೆಲು ಬುಕ್ಕ ಕಾಲೇಜುಲು ಸ್ಥಾಪನೆ ಮಾಲ್ತೆರ್....

ಸಂಸ್ಕೃತಿ

ಕರ್ನಾಟಕತ ವಿಶಿಷ್ಟ ನೃತ್ಯ ಪದ್ಧತಿ ಯಕ್ಷಗಾನತ ಬೆಳವಣಿಗಾಗತ್ ಮಸ್ತ್ ಬೆಲೆ ಮಾಲ್ತೆರ್. ಅಂಚನೆ ಬೆತೆ ಕುಶಲ ಕಲೆಗಾರಿಕೆಗೆಗ್ ಸಂಬಂಧಪಟ್ಟಿನ ಕಾರ್ಯಕ್ರಮೊನ್ ನಡೆಪ್ಪುವೆರ್.

ಧರ್ಮೋತ್ಥಾನ ಟ್ರಸ್ಟ್‌

• ಜೀರ್ಣೋದ್ಧಾರ ಸಮಿತಿ ಅಧ್ಯಕ್ಷೆರ್ ಡಾ.ಡಿ. ವೀರೇಂದ್ರ ಹೆಗ್ಗಡೆ, ಪ್ರಾಚೀನ ದೇವಾಲಯೊ ಜೀರ್ಣೋದ್ಧಾರೊನ್ ೧೯೯೧ ಧರ್ಮೋತ್ಥಾನ ಟ್ರಸ್ಟ್‌ಡ್‍ತ್ತ್ ಕೈಪಾಡಿಯೆರ್. ಧರ್ಮೋತ್ಥಾನ ಟ್ರಸ್ಟ್ ನಾಡಿನಾದ್ಯಂತ ದೇವಾಲಯ ಜೀರ್ಣೋದ್ಧಾರ ಮಾಲ್ಪೆರ್. ಪೂಜೆ ನಡಪ್ಪುನ ದೇವಸ್ಥಾನಕ್ಕ್ ಮೊದಲ ಆದ್ಯತೆ. ಇತ್ತೆ ಈ ಸಂಖ್ಯೆ ೧೭೧ ಕರಿಂಡ್. ಅಯಿಟ್ ೧೫೪ ದೇವಸ್ಥಾನಲು ಕೆಲಸ ಪೂರ್ಣವಾತ್ಂಡ್.
• ೧೬ ದೇವಸ್ಥಾನಲು ಪೂಜಾವಿಧಿ ಸುರು ಅವೊಡ್ ಆತೆ. ೧೧೨ ದೇವಸ್ಥಾನ ಬೆಲೆಗ್ ಪ್ರಾಚ್ಯವಸ್ತು ಇಲಾಖೆ ಸಹಭಾಗಿತ್ವ ತಿಕ್ಕ್‌ಂಡ್. ಈವರೆಗ್ ಟ್ರಸ್ಟ್. ೧೪೯೪ ಲಕ್ಷ ವೆಚ್ಚ ಮಾಲ್ತ್ಂಡ್, ರೂ. ೫೬೧ ಲಕ್ಷ ಟ್ರಸ್ಟ್‌, ರೂ. ೪೪೯ ಲಕ್ಷ ಸರ್ಕಾರಿ ಅನುದಾನೊಡ್, ರೂ. ೪೮೪ ಲಕ್ಷ ದೇವಸ್ಥಾನ ಸಮಿತಿಯಿಂದ ಕೊರ್ತ್ತೆರ್‍. ೨೫ ಜಿಲ್ಲೆಡ್ ಧರ್ಮೋತ್ಥಾನ ಟ್ರಸ್ಟ್ ಕೆಲಸ ಮಾಲ್ಪಂಡು.

• ವೀರೇಂದ್ರ ಹೆಗ್ಗಡೆರ್‍ನ ಕಾರ್ಯೊನ್ ಗುರುತಿಸಾತ್ ಸರ್ಕಾರ ಬುಕ್ಕ ಅನೇಕ ಸಂಸ್ಥೆಲು ಅರೆಗ್ ಪ್ರಶಸ್ತಿ-ಗೌರವಲನ್ ಕೊರ್ತ್ತೆರ್.

1. ೨೦೨೨ನೇ ಇಸವಿಡ್ ಭಾರತ ಸರಕಾರ ರಾಜ್ಯಸಭೆಗ್ ನಾಮನಿರ್ದೇಶನ ಮಲ್ತದ್ ಗೌರವ ಕೊರಿಯೆರ್
2. ೨೦೧೫ ಭಾರತ ಸರಕಾರಡ್ ಪದ್ಮವಿಭೂಷಣ ಪ್ರಶಸ್ತಿ.
3. ೧೯೮೫ ಕರ್ನಾಟಕ ಸರ್ಕಾರಡ್ ರಾಜ್ಯೋತ್ಸವ ಪ್ರಶಸ್ತಿ ಮತ್ತು
4. ೧೯೯೩ ರಾಷ್ಟ್ರಪತಿ ಶಂಕರ್ ದಯಾಳ್ ಶರ್ಮಾ ಆರ್ "ರಾಜರ್ಷಿ" ಗೌರವ ಇಂಬೆರೆಗ್ ಕೊರ್ತ್ತಂಡ್.
5. ಅನೇಕ ಧಾರ್ಮಿಕ ಮಠಲು ಇಂಬೆರೆಗ್ "ಧರ್ಮರತ್ನ", "ಧರ್ಮಭೂಷಣ". "ಅಭಿನವ ಚಾವುಂಡರಾಯ", "ಪರೋಪಕಾರ ಧುರಂಧರ" ಇಂಚಿನ ಬಿರುದ್‍ನ್ ಇಂಬೆರೆಗ್ ಕೊರ್ತ್ತೆರ್.
6. ೧೯೯೪ ಇಂದಿರಾ ಗಾಂಧಿ ಪ್ರಿಯದರ್ಶಿನಿ ಪ್ರಶಸ್ತಿ ತಿಕ್ಕ್‍ಂಡ್. ಮಂಗಳೂರು ವಿಶ್ವವಿದ್ಯಾಲಯ ಇಂಬೆರೆಗ್ ಗೌರವ ಡಾಕ್ಟರೇಟ್ ಕೊರ್ತ್‍ಂಡ್.
7. ೨೦೦೪ "ವರ್ಷದ ಕನ್ನಡಿಗ" ಗೌರವ ವೀರೇಂದ್ರ ಹೆಗ್ಗಡೆಗ್ ಬತ್ತ್ಂಡ್.
8. ಸನ್.೨೦೧೩, ದೇವಿ ಅಹಲ್ಯಾಬಾಯಿ ರಾಷ್ಟ್ರೀಯ ಪುರಸ್ಕಾರ.
9. ಮಧ್ಯಪ್ರದೇಶತ ಇಂದೂರ್ ನಗರತ ಶ್ರೀ ಅಹಿಲೋತ್ಸವ ಸಮಿತಿ ಕೊರ್ಪುನ ಗೌರವ ಪ್ರಶಸ್ತಿ.
10. ೨೦೧೧ ಡಾ| ವೀರೇಂದ್ರ ಹೆಗ್ಗಡೆ ೨೦೦೯ನೇ ಸಾಲ್‍ತ ಕರ್ನಾಟಕ ಸರಕಾರ ಕೊರ್‍ಪುನ ರಾಜ್ಯತ ಅತ್ಯುನ್ನತ ಪ್ರಶಸ್ತಿಯಾಯಿನ "ಕರ್ನಾಟಕ ರತ್ನ" ಪುರಸ್ಕರ ಬತ್ತ್‍ಂಡ್..
11. ರಾಜ್ಯ ವಾಣಿಜ್ಯ ಬುಕ್ಕ ಕೈಗಾರಿಕಾ ಮಹಾಸಂಸ್ಥೆ ವತಿಡ್‍ತ್ ಪ್ರತಿವರ್ಷ ಕೊರ್ಪುನ ಸರ್‌ ಎಂ. ವಿಶ್ವೇಶ್ವರಯ್ಯ ಪ್ರಶಸ್ತಿ ೨೦೧೧ನೇ ಸಾಲ್ಘಡ್ ಧರ್ಮಸ್ಥಳದ ಧರ್ಮಾಧಿಕಾರಿ ಬತ್ತ್‌ಂಡ್.
12. ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆಯು ಲಂಡನ್‌ತ ಪ್ರತಿಷ್ಠಿತ ‘ಆಶ್ಡೆನ್ ಸಂಸ್ಥೆಯು ನೀಡುವ "ಜಾಗತಿಕ ಹಸಿರು ಆಸ್ಕರ್ "ಎಂದೇ ಪರಿಗಣಿಸಲಾದ ೨೦೧೨ರ "ಆಶ್ಡೆನ್ ಸುಸ್ಥಿರ ಇಂಧನ ಕಾರ್ಯಕ್ರಮ ಪ್ರಶಸ್ತಿ’ಗ್ ಪಾತ್ರರಾತೆರ್