ಕಿರಣ್ ಮಜುಮ್ದಾರ್‌

ಆರ್ ಬೆಂಗಳೂರುದ ಬಯೋಕಾನ್ ಸಂಸ್ಥೆದ ಮುಖ್ಯಸ್ಥರಾದ್, ಆ ಸಂಸ್ಥೆದ ಮೂಲಕ ದು೦ಬುಗು ಅಪಾರ ಸಾಧನೆಗ್ ಪ್ರಸಿದ್ಧಿ ಆಯೆರ್.

ಕಿರಣ್ ಮಜುಮ್ದಾರ್-ಷಾ
ಪುಟ್ಟಿನ	ಮಾರ್ಚ್ 23, 1953 ಬೆಂಗಳೂರು
ರಾಷ್ಟ್ರೀಯತೆ	ಭಾರತೀಯ
ವೃತ್ತಿ(s)	ಮುಖ್ಯಸ್ಥೆ, ಬಯೋಕಾನ್ ಸಂಸ್ಥೆ

ಕಿರಣ್ ಮಜುಂದಾರ್ 23 ಮಾರ್ಚ್ 1953 ಡ್ ಕರ್ನಾಟಕ ರಾಜ್ಯೊದ ಬೆಂಗಳೂರುಡ್ ಗುಜರಾತಿ ಪೋಷಕರೆಗ್ ಮಗಳಾದ್ ಜನ್ಮ ತಾಳಿಯೆರ್. ಆರ್ ಬೆಂಗಳೂರದ ಬಿಷಪ್ ಕಾಟನ್ ಗರ್ಲ್ಸ್ ಹೈಸ್ಕೂಲ್‌ಡ್ ಶಿಕ್ಷಣ ಪಡೆಯೆರ್, 1968 ಡ್ ಪದವಿ ಶಿಕ್ಷಣ ಪಡೆಯೆರ್. ಆಯಡ್ ಬೊಕ್ಕ ಆರ್ ಬೆಂಗಳೂರು ವಿಶ್ವವಿದ್ಯಾಲಯೊ ಅಂಗಸಂಸ್ಥೆದ ಪ್ರಿ-ಯೂನಿವರ್ಸಿಟಿ ಕೋರ್ಸ್‌ಲೆನ್ ಕೊರ್ಪಿನ ಪೊ೦ಜುವ್ಲೆನ ಕಾಲೇಜು ಬೆಂಗಳೂರುದ ಮೌಂಟ್ ಕಾರ್ಮೆಲ್ ಕಾಲೇಜಿಡ್ ವ್ಯಾಸ೦ಗ ಮ೦ತೆರ್. ಜೀವ ಶಾಸ್ತ್ರ ಬೊಕ್ಕ ಪ್ರಾಣಿಶಾಸ್ತ್ರ ವಿಶಯೊಡು ಅಧ್ಯಯನ ಮ೦ತುದು, 1973ಡ್ ಬೆಂಗಳೂರು ವಿಶ್ವವಿದ್ಯಾಲಯೊಡ್ದ್ ಪ್ರಾಣಿಶಾಸ್ತ್ರೊಡ್ ಪದವಿ ಪಡೆಯೆರ್. ಮಜುಂದಾರ್ ವೈದ್ಯಕೀಯ ಶಾಲೆಗ್ ಪೊವೊಡೂ ಪ೦ದ್ ಎನ್ನುದಿತ್ತೆರ್ ಆ೦ಡಾ ವಿದ್ಯಾರ್ಥಿವೇತನ ತಿಕ್ಕುಜಿ ಪ೦ದ್ ಪೊವರೆ ಆಯಿಜಿ.

ಅರೆನ ಅಪ್ಪ ರಾಸೇಂದ್ರ ಮಜುಂದಾರ್, ಯುನೈಟೆಡ್ ಬ್ರೂವರೀಸ್‌ನಲ್ಲಿ ಹೆಡ್ ಬ್ರೂಮಾಸ್ಟರ್ ಆದ್ ಇತ್ತೆರ್. ಆರ್ fermentation ವಿಜ್ಞಾನೊನ್ ಅಧ್ಯಯನ ಮನ್ಪರೆ ಸಲಹೆ ಕೊರ್ದು ಇತ್ತೆರ್ ಬೊಕ್ಕ ಬ್ರೂಮಾಸ್ಟರ್ ಆವರೆ ತರಬೇತಿ ಕೊರ್ಪೆರ್, ಉ೦ದು ಪೊ೦ಜುವ್ಲೆಗ್ ಸಾಂಪ್ರದಾಯಿಕ ಅತ್ತವ೦ದಿನ ಕ್ಷೇತ್ರ ಆದ್ ಇತ್ತು೦ಡು. ಮಜುಂದಾರ್ ಆರ್ ಆಸ್ಟ್ರೇಲಿಯಾದ ಮೆಲ್ಬೋರ್ನ್ ವಿಶ್ವವಿದ್ಯಾಲಯೊಡ್ ಬಲ್ಲಾರತ್ ಕಾಲೇಜಿಗ್ ಮಾಲ್ಟಿಂಗ್ ಬೊಕ್ಕ ಬ್ರೂಯಿಂಗ್ ಅಧ್ಯಯನ ಮನ್ಪರೆ ಪೊದು ಇತ್ತೆರ್. 1974 ಡ್, ಬ್ರೂಯಿಂಗ್ ಕೋರ್ಸ್‌ಗ್ ದಾಖಲಾಯಿನ ಏಕೈಕ ಪೊ೦ಜುವು ಬೊಕ್ಕ ಆರ್ ತರಗತಿಡ್ ಅಗ್ರಸ್ಥಾನ ಪಡೆಯೆರ್. ಆರ್ 1975ಡ್ ಮಾಸ್ಟರ್ ಬ್ರೂವರ್ ಆದ್ ಪದವಿನ್ ಪಡೆಯೆರ್.

ಕಿರಣ್ ಮಜುಂದಾರ್ ಇತ್ತೆ ಅರೆನ 'ಬಯೋಕಾನ್' ಸಂಸ್ಥೆನ್ ವಿಶ್ವದ ಪ್ರತಿಷ್ಠಿತ ಸಂಸ್ಥೆಯಾದ್ ಪರಿವರ್ತನೆ ಮಂದೆರ್ . ವೈದ್ಯಕೀಯ ಕ್ಷೇತ್ರೊಡು ಅವೆತೋ ಪ್ರತಿಷ್ಠಿತ ಉತ್ಪನ್ನೊಲೆನ್ ಕೊರ್ತೀನ ಬಯೋಕಾನ್ ಸಂಸ್ಥೆನ್ ಕಿರಣ್ ಮಜುಂದಾರ್ ಆರ್ ಪ್ರಾರಂಭ ಮಂದಿನಿ ಕೇವಲ ಪತ್ತು ಸಾವಿರ ರೂಪಾಯಿದ ಬಂಡವಾಳದ ಮೂಲಕ, ಅವುಲ ಅರೆನ ಇಲ್ಲದ ಒಂಜಿ ಶೆಡ್ಡ್ ಡ್ . ಆ ದಿನೊಟು ಅರೆಗ್ ಏರ್ಲಾ ಸಹಾಯೊಗ್ ಬೈದುಜೆರ್. ಅರೆನ ನಿರಂತರ ಪರಿಶ್ರಮೊ ಬೊಕ್ಕ ಆತ್ಮವಿಶ್ವಾಸಡು ಇತ್ತೆ ಬಯೋಕಾನ್ ಸಂಸ್ಥೆ ಆ ಮಾದರಿ ಸಂಸ್ಥೆಲೆಡು ವಿಶ್ವೊಡೇ ಏಳನೇ ಮಾ ಮಲ್ಲ ಸಂಸ್ಥೆಯಾದುಂಡು.

ಕಿರಣ್ ಮಜುಂದಾರ್ ಅರೆಗ್ ಅರೆನ ಸಾಧನೆಗಾದ್ ಭಾರತ ಸರ್ಕಾರದ ಪದ್ಮಶ್ರೀ, ಪದ್ಮಭೂಷಣ ಪ್ರಶಸ್ತಿಲು ಸಂದುದುಂಡು. ಪ್ರತಿಷ್ಠಿತ ಟೈಮ್ಸ್ ಪತ್ರಿಕೆ ನೂರು ಜನ ವಿಶ್ವ ಪ್ರಮುಖರೆಡ್ ಬೊಕ್ಕ, ಫೈನಾನ್ಸಿಯಲ್ ಟೈಮ್ಸ್ ಪೂದರ್ ದೀತಿನ ಪ್ರಮುಖರ ಪಟ್ಟಿಡ್ ಕಿರಣ್ ಮಜುಂದಾರ್ ಅರ್ ಲ ಒ೦ಜಾದುಲ್ಲೆರ್.

ಮಜುಂದಾರ್-ಶಾ ಅರೆಗ್ ವಿಜ್ಞಾನ ಬೊಕ್ಕ ರಸಾಯನಶಾಸ್ತ್ರದ ಪ್ರಗತಿದ ಕೊಡುಗೆಗಾದ್ ಓತ್ಮಾರ್ ಬ೦ಗಾರ್ ದ ಪದಕ (2014) ದೊಟ್ಟು ಅವೆತೊ ಅಂತರರಾಷ್ಟ್ರೀಯ ಪ್ರಶಸ್ತಿಲೆನ್ ಪಡೆದೆರ್.

ನಿರಂತರ ಅರೆನ ಸಂಸ್ಥೆದ ಆರ್ಥಿಕ ಉನ್ನತಿದ ಸಾಧನೆ ಅತ್ತಂದೆ , ಗ್ರಾಮೀಣ ಪರಿಸೊರದ ಉನ್ನತೀಕರಣ, ಗ್ರಾಮೀಣ ಜನರೆಗ್ ಔದ್ಯೋಗಿಕ ಬೊಕ್ಕ ಶಿಕ್ಷಣ ಸೌಲಭ್ಯ ಒದಗಿಸುವಾನಾ ನಿಟ್ಟಿಡ್ ಕೂಡಾ ಕಿರಣ್ ಮಜುಂದಾರ್ ಆರ್ ಗಣನೀಯ ಕೊಡುಗೆಲೆನ್ ಕೊರ್ತೆರ್.

ಕಿರಣ್ ಮಜುಂದಾರ್ ನ ಕಂಡನಿ ಜೋನ್ ಷಾ 24 ಅಕ್ಟೋಬರ್ 24, 2022ಗ್ ಇಹ ಲೋಕ ತ್ಯಜಿಸಿಯೆರ್.