ಕಟ್ಟತ್ತಿಲ ಮಠ ದಕ್ಷಿಣ ಕನ್ನಡ ಜಿಲ್ಲೆದ ಒಂಜಿ ಧಾರ್ಮಿಕ ಜಾಗೆ.
ಈ ಮಠೊತ್ತ ಆಡಳಿತನ್ ಉಡುಪಿದ ಅದಮಾರು ಮಠತಕ್ಕುಲು ನಡಪಾವೊಂದು ಬರೊಂದುಲ್ಲೆರ್. ಉಂದೆನ್ ಅದಮಾರು ಮಠತ್ತ ಶಾಖೆ ಪಂದ್ ಪನ್ಪೆರ್. ಮೂಲು ಮಧ್ವಾಚಾರ್ಯೆರ್ ಸ್ಥಾಪನೆ ಮಲ್ತಿನ ವೇಣುಗೋಪಾಲ ಕೃಷ್ಣೆ ದೇವೆರೆನ್ ಪೂಜೆ ಮಲ್ಪುವೆರ್.
ಕಟ್ಟತ್ತಿಲ ಮಠೊಕ್ಕು ಸುಮಾರ್ ೭೦೦ ವರ್ಷೊ ಪಿರಾಕ್ ದ ಇತಿಹಾಸೊ ಉಂಡು. ಮಧ್ವಾಚಾರ್ಯೆರ್ ಈ ಜಾಗೆಗ್ ಕಡೆಕಾದ್ ಬತ್ತಿ ಪೋಯಿನೆರ್ದಾತ್ರ ಈ ಜಾಗೆಗ್ ಕಡ್ತಿಲ ಪನ್ಪಿನ ಪುದರ್ ಬತ್ತಂಡ್. ಕಾಲ ಕರಿಲೆಕನೆ ಕಡ್ತಿಲ ಪನ್ಪಿನ ಪುದರ್ ಕಟ್ಟತ್ತಿಲ ಪಂದ್ ಬದಲಾಂಡ್. ಈ ಮಠತ್ತ ಕೈತಲ್ ಒಂಜಿ ಪುಸ್ತಕ ತೀರ್ಥ ಪನ್ಪುನ ಜಾಗೆ ಉಂಡು. ಅಲ್ಪ ಮಧ್ವಾಚಾರ್ಯೆರ್ ಆರ್ ಬರೆತ್ತಿನ ಸಿದ್ದಾಂತೊಲೆನ್ ಮಣ್ದಡಿಟ್ಟ್ ದೀತೆರ್ ಪನ್ಪಿನ ನಂಬಿಕೆ ಉಂಡು. ಈ ಜಾಗೆಗ್ ಕಾವಲಾದ್ ನಾಗ ದೇವೆರೆನ ಸಾನಿಧ್ಯ ಉಂಡು.
ಕಟ್ಟತ್ತಿಲ ಮಠತ್ತ ಆಡಳಿತನ್ ಉಡುಪಿದ ಅದಮಾರು ಮಠತ್ತಕ್ಕುಲು ತೂವೊಂದುಲ್ಲೆರ್. ಗೋಪಾಲಕೃಷ್ಣ ಸೇವಾ ಸಂಘದಕುಲು ಇಂದೆತ್ತ ಉಸ್ತುವಾರಿ ಮಲ್ಪುವೆರ್. ವಷಂಪ್ರತಿ ಮೂಲು ೪ ದಿನತ್ತ ವರ್ಷಾವಧಿ ಉತ್ಸವೊ ಅದಮಾರು ಮಠೊತ್ತ ಸಹಯೋಗೊಡು ನಡಪುಂಡ್.
ಈ ಮಠಟ್ ವಾರೊಡು ಒಂಜಿ ದಿನ ಭಜನೆ ನಡಪ್ಪುಂಡು.ಪೇರ್ ಪಾಯಸ ಬೊಕ್ಕ ಬಜಿಲ್ ಮುಲ್ಪ ದೇವೆರೆಗ್ ವಿಶೇಷವಾಯಿನ ಪರಕೆ. ವರ್ಷೊಡು ಒರ ನಡಪುನ ವರ್ಷಾವಧಿ ಉತ್ಸವೊ, ವಿಷು ಸಂಕ್ರಮಣೊ, ಅಷ್ಟೆಮಿ ಭಾರಿ ಗೌಜಿಡ್ ನಡಪುಂಡು. ದೇವೆರೆಗ್ ವಿಶೇಷ ದಿನತ್ತಾನಿ ಬೊಂಡಾಭಿಷೇಕಲ ಮೂಲು ಮಲ್ಪುನ ಕ್ರಮ ಉಂಡು.
ಈ ಮಠ ಬಂಟ್ವಾಳ ತಾಲೂಕುದ ಸಾಲೆತ್ತೂರು ಪನ್ಪಿನ ಊರುಗು ಕೈತಲ್ ತಿಕ್ಕುಂಡು.ಕುಡ್ಲಡ್ದ್ ಮುಡುಪಿ ಸಾದಿಯಾದ್ ವಿಟ್ಲಗ್ ಪೋನಗ ಸಾಲೆತ್ತೂರುಗು ಪೋವೊಲಿ.
This article uses material from the Wikipedia ತುಳು article ಕಟ್ಟತ್ತಿಲ ಮಠ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.