Qnmasan
sawn qinmasan (醃製蔬菜) hiya' ga, msaysyaw qu pinmuhi' ta' ttbihi' i~ ini' suqi maniq ru aki' bsyaq skun maha ta' ga, yasa qu mutux ta' 'bgan na cimu' ru tkrawn sa salaw ini' ga t'lusun, maha ni cikuy ga ana tkrawn sa btakan ga blaq uzi.
min'aring ta' kbalay qinmasan ga inblayqun gmlaping ru smr'zyut kwara' qu qqmasan ta', ini' pglgi' 'ruraw ru saysyup, ru inblayqun ptr'zyut mku sa bluku'.
msinxal qu bnku tbihi' lga rpsan cimu' ru inblayqun qmpul 'mpux ru s'imaw na kakay, ru mutux msbuq qu tbihi'. ru pinkatan cimu' kwara' lga, in_gyutun tkura' mku sa qsahuy na salaw ini' ga t'lusun. ru t'aring qmamas~qmpul ru tkrawn sa salaw lawzi. suqun kwra' lga 'mukan na abaw guquh tay babaw ru 'pxan na btunux ka ppsbuq na ttbihi', ru trhgan 'mumuk na abaw bgazyaw ru bhlan na snyu ka izyat nya' insngya' qu nqwaq na salaw. hmzinas qutux bzyacing lga ana in_gyutun maniq la.
izyat nanak tbihi' qu baqun qmamas, ana tawpu' ga blaq qmasan uzi.
blaq balay sramat mami' qu qinmasan.
This article uses material from the Wikipedia Tayal article qnmasan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 除非另有註明，否則頁面內容均以 CC BY-SA 4.0 條款授權。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tayal (DUHOCTRUNGQUOC.VN) is an independent company and has no affiliation with Wiki Foundation.