qmisan hya’ ga, ghyaq qu kayal nya, ru ungat iyal qu pcywagun na tayal.
maki tay wagiq na gluw tayal hya’ ga, ini si hoqil qu tnubux naha’, ru mhlhil kklhan naha’. nanu yasa qu mutu maki sqani qu pslkawtas naha’ laha’. maki tay hogal ka mayrroq rhyal na tayal hya’ ga, mkilux cikay kayal naha’ kya hya’, ru haylaw mhoqil pinbahuw naha’. nanu yasa qu mutu pslkawtas sa babaw ’bagan laha’.
kayal na qmisan hya’ ga, tmasuq mshuq kwara qu abaw na qqnoniq, gi mhgaw mrkyas kwara qu qqnoniq. kwara qu qeqaya’ na ngasal hya’ ga, mutu naha’ strang qmisan tmutu’, gi ungat qsya’ qsahuy nya, ru ini pziciy na kuy uzi. hazi anan na mhgaw m’abi na inrkyasan na qqhoniq hazi ga!
qmisan qani hya’ ga, mutu mwah qu mtzngsuy (寒流) na kayal, ru tl’tu’ qu kayal nya. nanu mutu yani qu hhgawan malah qsahuy ngasal ’tayal.
pcyuwagan na qmisan hya’ ga, ini ptnaq qalang tay maywaiq squ qalang mayhogal. qalang tay maywaiq hya’ ga, tl’tu’ ru mutu naha’ skehuy bling lqengan naha’ nniqun naha’ babaw nya, ru mutu smli’ sa ana nanu nniqun uzi. ru mutu maki sqani uzi kklhan naha’ trakis, ru babaw kmnloh lga, yasa qu t’aring pslkawtas kya la.
qalang tay mayhogal hya’ ga, yani qu ttbuxan naha’ trakis, gi tehuq ’bagan lga, yasa qu klhun kya qu trakis hya’. nanu zik na ptubux lga, mutu nama’ sm’atu ha. gi ini s’atu lga, ini klhangi na utux qu tnubux naha’.
This article uses material from the Wikipedia Tayal article qmisan(冬季), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 除非另有註明,否則頁面內容均以 CC BY-SA 4.0 條款授權。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tayal (DUHOCTRUNGQUOC.VN) is an independent company and has no affiliation with Wiki Foundation.