Qalang Tranan 福山部落

Pinqzwan nqu mrhuw ta Yawi.Puna' ga,kahl kinhulan lkotas ta pinsbkan, ru magan squ kinqoyat biniq na Lkbuta lru rasun nya kwara cingasal nya si pkrayas squ hlahuy (  ),mintehuk squ qalang mstranan qani ,qsu’un nya psurux qalang beh gong cyaqung qasa, yasa qu qsu balay maki qalang beh yatux na llyung mstranan la,,baqaw ta kawas 1730 hazi mwah min’izyu sqani.suruw ryax nasa ga,  ktan nha talagay pizyux qqulih Tayal si qopu’ mutu’ babaw na qsya llyung ru cingay bal qsinuw nyux mhmut mlata’ mqyanux beh syaw gong ru rrgyax,pqasun balay inlungan nya mrhu Yawi.Puna' ini naga kzinga nya musa kmayal mrhu krahu kinholan nqu Lkbuta,pqutan nya Yawi.Puna' qenu qasa ? nanu lalu na? si knguray mnglung kma qu Yawi.Puna' mha: trang ryax nasa ga …..trang …ini nya baqi lalu nya ,iyat nya pnongan ana qutux uzi, nanu yasa si piray hmali nya mrhu Lkbuta’ mha: mstranan ,twangan nya an suruw trang lga lalu na Tayal” tranan “ mha la，ana musa qalang inu qalang Tayal ga ,pqzyu’ squ qalang mtranan ga misuw bal llungun nha rhzyal na hbuyaw qquliq Tayal ru qsinuw nhyun nqu mblaq qqoyat na qalang ,mwah squ tlelu mlahang lga 「xusan song」son nha la, ana betaq soni qu lalu na qalang la.

qalang mstranan ga n_gyut hbuyaw squliq mqyanux lga,musa mgayangpsgagay hkangi giqas na qyunam,cyugan kbhul kawas wayal ga kahul sa qalang na Takasan Toyengmkrayas bbu’ na lupi mbziq mhkangi kakay tehuk sqaniru kbalay qalanq kki’an,ini bsyaq qu phbuyaw squliq na qalang ru rasun nya pqasuw llaqi na musa pkbalay nanaq qu qqalang kki’an nhamaki zmagan qu llaqi nya Yawi.Puna' mtasaw balay inlungan nharu smsun balay kinbaqan nqu lkotas kwara nha.tun nya llaqi si lgluwllyung mstrnana mbziq musa hkzngi ‘san nha qalalang nanaq，yasaqu qsuyan laqi maray ga sbilun qalang kwara cingasal nya,te sazinglaqi Tana gaptqalang beh Rahaw;te cyugan laqi Iban ga pyqalang squ Ulay;te mpayat laqi ga mus ptqalang kraga;te zmzgan laqi ga ptqalang nqu Kayu’(Tampya),squliq na Tayal qani ga,si tryax mgluw llyung mstranan mbziq musa mlata tqulih ru qmalup,netaq qu gong talah ru mbiq squ llyung mintehuh rhzyal na bnka’ ru bsilung na benux lupi’mblaq balay mqyanux s\\qsahuy na qyunam bniq ni lkotas,kyopan ta na kmukan minkahul cinbwanan na thelulga ,si ta ryax mciraq pqqun rhzyal qnxun,ana gipun mwah klahng ita Taywan na ga sir u pciriq pkkyut krryax，nanu I kblayun nya qiway qqhoniq qu qes na Tayal ki kmukan lru yasa ini pciruq pkkut la,maki b’nux naqnahan Tayal qu ksu’ (Pyasan.Maray)qu tayal,nanu I syan nha muci Tayal na ubuy Ksyu’ lpi.

Ryax nasa ga musa hazi maki kbhul zmiman squliq na kya，baha hmswa maki qwang iyal nqu qalang sa ru ini nbah phtuw qalang,si muku mqumah ru mlata hlahuy qnxan nha kwara squliq qalang,baqaw ta aring kawas minkoku 70 ga,qalanq kyahu ga,t'aring prmuruw zyuwaw na lmosay hlahuy,phluzyun nha cingay be squliq hogan mwah qalang rgyax,gyahan nha blihul qalang mwah mkal ru mangay mblaq na ktal betunux na qqsya’ ki hlahuy la,squliq na kmkukan lga cingay uzi mwah pbaziy ru 'myuw qeqaya’ na Tayal,kruma kmukan lga n_gyut mwah tmwang maki sqani uzi la.

Kirsto Kyokay ru Tensukyo

qalang Tranan ga maki nyux msyobay na wahan gmzuy tbasaw na okyak;wahan maniq blaq na nniqun hlahuy wahan mhngaw m’abi, ru wahan mqbaq gaga tayal ka cinringan mze’a nqu lubuw tminun cinrngan.mqumah na rramat nniqun lpyung hogan, pbaziy pinbahu hiya ga ungat iyu’ na szyon mwah mani okyak ,ana ga knalay nha nniqun nya hekil ru qwaw trakis ru tqenuw tnahuk nha ali’rima ki ayanq ga s’utux nha baly maniq , spiyang na smya’ mwah mbaziy lpyung hogan la.

mzyup ta qalang Ulay ru hnasun ta tuqi usa mpiray hlahuy ru si lgluw musa qalang Rahaw mrkyas qmzit turuy musa ru baqaw ta 12 kore hazi stwahiq lga ptehuk qalang mtranana la.

Te qutux: koyeng kperay,maki sqi yatux na gong mtranan cingay pphpah syaw tuqi ru mtasaw qsya' gong, tehuk ryax 'bagan lga ,khmay be okyak mwah n'os tmnga, lmosay sqani.

Te sazing: hkngyan tuqi usa qalang giran Lompya ru usa toying, qalang na balung,mtmalam lhbaw qsilq na mkal tuqi hkngyan ,tuqi na p'agan squliq sraral.

Te cyugan:ska na tlingay qalang ga cyux pira i mniqan ru wahan mhngaw m’abi’hngawan,ru psluy pbiran qqaya’hlahuy.

Te mpayat:yatux na qalang cyux kya macyapaw ki syawme pqniqan ru p'byal wahan mhngaw lmosay,maki balay lhbaw mhhwah usuw qsliq inlungan squliq ki!