Lebron James: Senmong pgnaw mari na NBA na Amirika

LeBron hya ga pzyang baq balay praw maki’ tayglaing na NBA.

LeBron James
LeBron James
qalang nya	ryax tay 30 byacing na 12 kawas na 1984/ Akron, Ohio
ttman ppcyuwagan	senmong pgnaw’ mari’ NBA
ki’an sa psspung pgnawgan mari	praw maki’ tayglaing
kinwagiq/kinz’usuw	2.06 m / 113 kg
banggo’ na lukus	23
pgwazyaw giqas sinsyuw/binkgan lalu’	2003/ cinxalan naha pgwazyaw lga, tqs’un naha mwazyaw galan naha sa gluw
wal galun na gluw na pgnaw’ mari’	wal galun na Cleveland Cavaliers
kinmuci’ na pintzyuwaw niya’ ini’ga kirok
min 4 galun nya kya qu champion na NBA (kawas tay 2012, 2013, 2016, 2020) min 4 galun nya kya qu MVP na champion na NBA (kawas tay 2012, 2013, 2016, 2020) min 4 galun nya kya qu MVP na NBA (kawas tay 2009, 2010, 2012, 2013) min 17 sangka’ ka hayyo na sensyuw pawsun naha mspung (kawas tay 2005-2021) min 3 galun nya kya qu MVP na hayyo na sensyuw (kawas tay 2006, 2008, 2018) pzyang baq balay sensyuw na meti na TIME (kawas tay 2020) min 4 galun nya kya qu pzyang baq balay sensyuw na AP (kawas tay 2013, 2016, 2018, 2020) min 3 galun nya kya qu Ohio Mr. Basketball (kawas tay 2001-03)
ginlgan niya’ gluw na ppspun mari’
Cleveland Cavaliers (kawas tay 2003–2010) Miami Heat (kawas tay 2010–2014) Cleveland Cavaliers (kawas tay 2014–2018) Los Angeles Lakers (kawas tay 2018-)

mrkays beh Akron, State of Ohio, na Amirika, LeBron hya ga mqwas biru sa St. Vincent–St. Mary pqwsan biru seneng. kawas tay 2003 tmasuq mqwas biru, galan tay 1 lpgan sinsyuw na Cleveland Cavaliers na NBA qu LeBron. t’aring kawas tay 2003 tehuk kawas tay 2010, min 2, LeBron wal magal sa pzyang balay maki’ yunaw na sinsyuw sa kawas na NBA. rasun na LeBron rantay naha’ musa’ sangka’ kya mspung champion na NBA (kawas tay 2007). kawas tay 2010 wal malax Cleveland Cavaliers, ru musa sangka Miami Heat. kawas tay 2011-12 lga, yasa qu misan magal icibang sa ryax nya mqyanux. kawas tay ’nyal lga magal lawzi tay sazing ici bang, ru sipslluhing lawzi biqan naha maha MVP ru Finals MVP.

kawas tay 2014 lga wal malax Miami Heat, ru musa lawzi sa Cleveland Cavaliers la. pspngan tay 2015-16 lga, rasun nya Cleveland Cavaliers musa mspung ru slaqux nya Golden State Warriors, galun nya kya tay 3 na champion. tmasuq pspngan qasa lga, wal mshriq sa Cleveland Cavaliers, ru musa mlu Los Angeles Lakers, ru wal pbiru spayat kawas keyak kya la. pspngan mari’ tay 2019-20, sgleng nya qu Los Angeles Lakers slaqux naha’ kya qu Miami Heat, magal lawzi tay spayat na champion, ru tay spayat na Finals MVP.

ryax pingnawgan mari ni LeBron ga sazing qu kinpay na orinpik, min spayat NBA MVP, min spayat Finals MVP, min 3 pspngan na Hayyo Tay MVP, ru minxal qu biqan naha maha senmong p’agal tensu, ru ana misuw qani na ga hya na qu senmong p’agal tensu na’. ana qu pspngan krayryax uzi ga hya’ na qu spzyang wagiq tensu na. misu qani lga kwara’ ka krahu lalu na pspngan mari’ qani ga, aLna inu ga nanu yaqu LeBron qani qu sawn naha maha spzyang balay baq gmnaw sawn naha, kwara ka plpgan lalu nya ga msnzik cikay lalu na Jordan.

mqwas sa cyugak

minsangka’ The Amateur JJ Union, maymaw naha sawn maha spzyang baq balay gmnaw mari’, kinnhriq hya ga wal ini agal icibang sa tmsuqan na mspung mari’ qasa.

kocyuw ziray

21teng wal nya galun ru 6 qu zningat nya mari, ru wal magal icibang qu ’nagal niya tensu sa ’nwah naha mspung Ohio Division III State.

pspngun kwara ‘nwah naha mspung ga 25.2tinsu’ ‘nagal nya’, ru mpitu qu zningat nya mari’, magal icibang qu ‘naras nya qutux gluw qasa, yasa qu sllwan naha kya maha Ohio's Mr. Basketball. Ru spgluw naha squ lalu na USA Today, yasa qu binzyagan naha maha icibang balay gluw na kocyuw Amerika ka USA Today.

kocyuw sanneng se lga nanak hya qu wal naha phtgun sa zasi’ na Sports Illustrated. pspngun kwara ‘nwah naha mspung ga 29tinsu’ ‘nagal nya’, ru min 8.3 qu zningat nya mari’, yasa qu sllwan naha lawzi maha Ohio's Mr. Basketball. mspung mari squ Ohio Division II State Championship lga, wal slaqux kya na Roger Bacon qu gluw naha la. balay ga min 23 lalu naha maki sa plpgan na zengkok han, ru maki sa ginleng nya iga magal sa zengkok icibang lalu naha’ la, yasa qu sllwan naha kya maha: mawpuw kawas na LeBron ga haynasun nya qu kinmawpuw kawas na Kobe.

maki sa kocyuw yonneng, kawas qani ga, pspngun kwara ‘nwah naha mspung ga 31.6 tinsu’ ’nagal nya’, ru min 9.6 qu zningat nya mari’, min 4.6 qu rnaw nya magal tinsu, ru min 3.4 qu zningat nya mari’, yasa qu sllwan naha lawzi maha Ohio's Mr. Basketball. ru spgluw naha squ lalu na USA Today, yasa qu binzyagan naha lawzi maha icibang balay gluw na kocyuw Amerika ka USA Today.

ryax pingnawgan mari’

Cleveland Cavaliers (kawas tay 2003-2010)

ryax tay 26 byacing na 6 kawas tay 2003, cinxalan naha pgwazyaw lga, tqs’un naha mwazyaw galan naha sa gluw na Cleveland Cavaliers na NBA. ryax tay 29 byacing na 10, ryax nya mspung mari ka cinqs’an nya mspung mari’ ga, yaqu gluw na Sacramento Kings, pspngun kwara ‘nwah naha mspung ga 25tinsu’ ‘nagal nya’, ru min 6 qu zningat nya mari’, ru minmqiru’ rnnaw nya magal tinsu, hmzinas smka’ kin mecyuw niya.

pspngan tay 2004-05 ga, cinqs’an naha mwazyaw sa qalang tay htgan wagi ka hayyo na sensyuw pawsun naha, ga 13tinsu’ ‘nagal nya’, ru min 8 qu zningat nya mari’, ru min 6 rnnaw nya magal tinsu, sgleng nya qu qalang tay htgan wagi ru 125-115 slaqux naha’ kya qu qalang tay kzyaw pan wagi.

pspngan tay 2005-06 lga, pinspsalun naha mwazyaw hayyo na sensyuw pawsun naha mspung, ga 29 tinsu’ ru min 6 qu zningat nya mari’, ru min 2 rnnaw nya magal tinsu, ru 122-120 lqu wal naha slaqux kya qu qalang tay kzyaw pan wagi.

kawas tay 2006-07 ga, mincyugal galan hayyo na sensyuw.

kawas tay 2006-07 ga, mzyup sa pspngan na pucing balay pspngan na mzingat champion.

kawas tay 2007-08 lga, minspayat galan hayyo na sensyuw, ru 27tinsu’ ’nagal nya’, ru min 8 qu zningat nya mari’, ru minmqiru’ rnnaw nya magal tinsu, ru minsazing zmingat mari’, ru wal magal sa MVP.

Miami Heat (kawas tay 2010-2014)

ryax tay 8 byacing na 7 kawas na 2010, LeBron hya ga skahul nya squ kamuk na ESPN ka「The Decision」ps’rux musa magal syasing na pinspngan naha mari musa smbbaq sa wal smi keyak sa Miami Heat, musa mgluw ps’rux qutux gluw musa mspung.

pspngan tay 2010-11 ga, min 7 galan hayyo na sensyuw qu LeBron, pspngun kwara ‘nwah naha mspung ga 29 tinsu’ ’nagal nya’, ru min 12 qu zningat nya mari’, ru min 10 rnnaw nya magal tinsu.

2-4 qu pinspung naha ru slaqux kya na Dallas Mavericks, min 2 zmahuq sa lalu na champion.

pspngan tay 2011-12 lga, min 8 galan pspngan hayyo qu LeBron, mtnaq sa pinspngan naha qasa squ Durant magal spzyang wagiq tinsu, pspngun kwara ‘nwah naha mspung ga 36 tinsu’ ’nagal nya’, ru min 6 qu zningat nya mari’, ru min 7 rnnaw nya magal tinsu. 4-1 slaqux naha’ kya qu Oklahoma City Thunder. galun nya kya qu champion. pspngun kwara ‘nwah naha mspung ga 28.6 tinsu’ ’nagal nya’, ru min 10.2 qu zningat nya mari’, ru min 7.4 rnnaw nya magal tinsu, galun nya kya qu MVP na champion.

pspngan tay 2012-13 ga, ru 4-3 tinsu naha, ru haynasun naha kya qu San Antonio Spurs, galun nya lawzi kya qu champion, pspngun kwara ‘nwah naha mspung ga 25.3tinsu’ ’nagal nya’, ru min 10.9 qu zningat nya mari’, ru min 7 rnnaw nya magal tinsu. galun nya lawzi kya qu champion na MVP. pspngan kawas tay 2012-13 lga, 1-4 slaqux kya na San Antonio Spurs.

mwah lawzi sa Cleveland Cavaliers (kawas tay 2014-2018)

msspung na mzingat champion sa kawas tay 2014-15, pspngun kwara ‘nwah naha mspung ga 35.8tinsu’ ’nagal nya’, ru min 13.3 qu zningat nya mari’, ru min 8.8 rnnaw nya magal tinsu, aw ga 2-4 slaqux kya na Golden State Warriors.

msspung na mzingat champion sa kawas tay 2015-16, slaqux naha’ kya qu Golden State Warriors, min 3 nya galun nya kya qu MVP na champion.

pspngan tay 2016-17 lga, pspngun kwara ‘nwah naha mspung ga 33.6tinsu’ ’nagal nya’, ru min 12 qu zningat nya mari’, ru min 10 rnnaw nya magal tinsu. aw ga slaqux kya na Golden State Warriors.

msspung na mzingat champion sa kawas tay 2017-18, aw ga 0-4 qu pinspung naha ru slaqux kya na Golden State Warriors.

Los Angeles Lakers (kawas tay 2018-)

kawas tay 2019-20, sgleng nya qu Los Angeles Lakers, galun nya kya qu champion na NBA. pspngun kwara ‘nwah naha mspung ga 29.8tinsu’ ’nagal nya’, ru min 11.8 qu zningat nya mari’, ru min 8.5 rnnaw nya magal tinsu, min 4 galun nya kya qu MVP na NBA champion.

kinblayqan pincyuwagan sa qnxan niya’

pspngan mari sa may yugal yacing

kawas	ginlgan niya’ gluw na ppspun mari’	inxalan mspung pgnawgan mari’ (games played)	ryax na ptqs’un pawsa’ mspung (games started)	kinbsyaqan na pinspngan (minutes per game)	kinmecyuw na pbuling mari’(niteng mari’)% (field goal)	kinmecyuw na sanyeng mari’% (3-point)	kinmecyuw na pinhaw pbuling mari’% (free throw)	zningat nya’ zik na tkran mari’ (rebounds)	rin’agan nya’ tkura’ mari’ (assists)	zningat nya’ inrasan mari’ na squliq (steals)	tnucing nya’ mari’ aki’ tkrawn na squliq (blocks)	’nagal nya’ tingsu’ inxalan mspung (points per game)
2003–04	Cleveland	79	79	39.5	.417	.290	.754	5.5	5.9	1.6	.7	20.9
2004–05	Cleveland	80	80	42.4	.472	.351	.750	7.4	7.2	2.2	.7	27.2
2005–06	Cleveland	79	79	42.5	.480	.335	.738	7.0	6.6	1.6	.8	31.4
2006–07	Cleveland	78	78	40.9	.476	.319	.698	6.7	6.0	1.6	.7	27.3
2007–08	Cleveland	75	74	40.4	.484	.315	.712	7.9	7.2	1.8	1.1	30.0
2008–09	Cleveland	81	81	37.7	.489	.344	.780	7.6	7.2	1.7	1.1	28.4
2009–10	Cleveland	76	76	39.0	.503	.333	.767	7.3	8.6	1.6	1.0	29.7
2010–11	Miami	79	79	38.8	.510	.330	.759	7.5	7.0	1.6	.6	26.7
2011–12†	Miami	62	62	37.5	.531	.362	.771	7.9	6.2	1.9	.8	27.1
2012–13†	Miami	76	76	37.9	.565	.406	.753	8.0	7.3	1.7	.9	26.8
2013–14	Miami	77	77	37.7	.567	.379	.750	6.9	6.4	1.6	.3	27.1
2014–15	Cleveland	69	69	36.1	.488	.354	.710	6.0	7.4	1.6	.7	25.3
2015–16†	Cleveland	76	76	35.6	.520	.309	.731	7.4	6.8	1.4	.6	25.3
2016–17	Cleveland	74	74	37.8	.548	.363	.674	8.6	8.7	1.2	.6	26.4
2017–18	Cleveland	82	82	36.9	.542	.367	.731	8.6	9.1	1.4	.9	27.5
2018–19	L.A. Lakers	55	55	35.2	.510	.339	.665	8.5	8.3	1.3	.6	27.4
2019–20	L.A. Lakers	67	67	34.6	.493	.348	.693	7.8	10.2	1.2	.5	25.3
Career		1,265	1,264	38.4	.504	.344	.734	7.4	7.4	1.6	.8	27.1
All-Star		16	16	28.8	.525	.328	.725	6.3	6.0	1.2	.4	24.1

masuq mspung mari sa pspngan mari na maycyugal byacing lga

kawas	ginlgan niya’ gluw na ppspun mari’	inxalan mspung pgnawgan mari’ (games played)	ryax na ptqs’un pawsa’ mspung (games started)	kinbsyaqan na pinspngan (minutes per game)	kinmecyuw na pbuling mari’(niteng mari’)% (field goal)	kinmecyuw na sanyeng mari’% (3-point)	kinmecyuw na pinhaw pbuling mari’% (free throw)	zningat nya’ zik na tkran mari’ (rebounds)	rin’agan nya’ tkura’ mari’ (assists)	zningat nya’ inrasan mari’ na squliq (steals)	tnucing nya’ mari’ aki’ tkrawn na squliq (blocks)	’nagal nya’ tingsu’ inxalan mspung (points per game)
2006	Cleveland	13	13	46.5	.476	.333	.737	8.1	5.8	1.4	.7	30.8
2007	Cleveland	20	20	44.7	.416	.280	.755	8.1	8.0	1.7	.5	25.1
2008	Cleveland	13	13	42.5	.411	.257	.731	7.8	7.6	1.8	1.3	28.2
2009	Cleveland	14	14	41.3	.510	.333	.749	9.1	7.3	1.6	.9	35.3
2010	Cleveland	11	11	31.8	.502	.400	.733	9.3	7.6	1.7	1.8	29.1
2011	Miami	21	21	43.9	.466	.353	.763	8.4	5.9	1.7	1.2	23.7
2012†	Miami	13	23	42.7	.500	.259	.739	9.7	5.6	1.9	.7	30.3
2013†	Miami	23	23	41.7	.491	.375	.777	8.4	6.6	1.8	.8	29.5
2014	Miami	20	20	38.2	.565	.407	.806	7.1	4.8	1.9	.6	27.4
2015	Cleveland	20	20	42.2	.417	.227	.731	11.3	8.5	1.7	1.1	30.1
2016†	Cleveland	21	21	39.1	.525	.340	.661	9.5	7.6	2.3	1.3	26.3
2017	Cleveland	18	18	41.3	.565	.411	.698	9.1	7.8	1.9	1.3	32.8
2018	Cleveland	22	22	41.9	.539	.342	.746	9.1	9.0	1.4	1.0	34.0
2020†	L.A. Lakers	21	21	36.3	.560	.370	.720	10.8	8.8	1.2	.9	27.6
Career		260	260	41.6	.496	.335	.741	9.0	7.2	1.7	1.0	28.8

pgnaw sa tkura’ mari ka kin’iwan sa kokka

kawas tay 2004, min 1 sgleng nya qu pgnaw sa tkura’ mari ka kin’iwan sa kokka na orinpik, pspngun kwara ‘nwah naha mspung ga 7.2tinsu’ ’nagal nya’, ru min 1.3 qu zningat nya mari’, ru min 2.2 rnnaw nya magal tinsu.

kawas tay 2006, sgleng nya qu pgnaw sa tkura’ mari ka kin’iwan sa kokka, pspngun kwara ‘nwah naha mspung ga 13.9 tinsu’ ’nagal nya’, ru min 4.8 qu zningat nya mari’, ru min 4.1 rnnaw nya magal tinsu.

kawas tay 2008, sgleng nya qu pgnaw sa tkura’ mari ka kin’iwan sa kokka na orinpik, pspngun kwara ‘nwah naha mspung ga 15.5tinsu’ ’nagal nya’, ru min 5.3 qu zningat nya mari’, ru min 3.8 rnnaw nya magal tinsu, galun nya kya qu kinpay na orinpik.

kawas tay 2012, sgleng nya qu pgnaw sa tkura’ mari ka kin’iwan sa kokka na orinpik, pspngun kwara ‘nwah naha mspung ga 13.3tinsu’ ’nagal nya’, ru min 5.6 qu zningat nya mari’, ru min 5.6 rnnaw nya magal tinsu, hmzinas smka’ kin mecyuw niya. galun kinpay na orinpik Amerika.

kin ini ptnaq na pspung mari’

baq balay tekura mari qu LeBron. kawas tay 2012-13 ga cinkura’ nya mari’ ga wal nya skkrawn sawbih tayhuk smka kinmecyuw nya. nanak qutux ini pintayhuk hya ga, yaqu musa pgmma pbuling mari sa blingan mari sa patas na pinhaw. Min 8.6 qu cinsgabil naha pbuling mari ga 6.5 nanak qu wal mzyup. LeBron hya ga baq balay hmtuy sa musa tkura mari, ru sa zmingat mari’. min 7 qu zningat nya mari’.

zik na ppspung mari’ ga blaq nya smawm qmu na iyat kkhzyuci’ na qba’, blaq iyal ktan kwara’ na musa zmangay mspung mari, yasa qu niwan snzyunaw sa lalu’ nya la.

qnxan nya nanak

cyugal qu spzyang nya rangi maki sa pspung mari qani, Dwyane Wade, Carmelo Anthony, aw ru Chris Paul.

kawas tay 2011, qu LeBron qani ga maki sa sinqas naha sa zik tmsuqan kawas ga tzyay’un nya kya qu rangi niya kneril ka Savannah Brinson, ru kekong sa ryax tay 14 na byacing tay 9 nqu kawas tay 2013, kekong squ San Diego, California. babaw nya lga cyugal ’laqi naha： Bronny (qalang nya kawas tay 2004), Bryce (qalang nya kawas tay 2007), and Zhuri (qalang nya kawas tay 2014).

knita na meti na Amerika squ hiya

meti na Amerika NBA Centrel kmal squ LeBron hya ga: iyat min qwas biru, ru ungat yaba nya, ru iyat minkunreng sa senmong na pinqbaqan. au ga yan qani na squliq ga thuzyay mghayyo na NBA. wal msqun squ cinqsu nya reng’ay, ru iyat kizyap na kinsat, ru iyat mnaniq sa iyu’ uzi, ru iyat qmnapar sa zyuwaw na kknayril smsazyux knayril niya’, ini kzyan na bzinah na sinsyuw ka kya nanak ‘laqi’ naha’ tau bzinah,ryax niya mawpuw msyaw kawas qasa ga yasa si ptnaq krayryax.

kinhulan s’utu biru

This article uses material from the Wikipedia Tayal article LeBron James, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 除非另有註明，否則頁面內容均以 CC BY-SA 4.0 條款授權。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tayal (DUHOCTRUNGQUOC.VN) is an independent company and has no affiliation with Wiki Foundation.