kgi (苧麻) ga ’yaya stinun naha, kgi ga pnuhi na Tayal nanak, kutun naha kgi laga, mkgi ro bkuyan naha wayey kya, ro stinun naha lukus Tayal kya.
kilgal kbaley lukus nya sbiru suruw: gmegey nuka:kutun naha kgi laga slayun naha abow kgi, hakut naha ro cyan naha bih kyan syasiy kya, s’agal naha ruma ro kgusun naha yula’, ro mkgi naha, ro srpux naha kgi ro gmegey naha nuka ro wagan naha bulit ro pgyan naha tanux.
p’ubuy wayey ro bkuy wayey: slyun kwara nuka gnegey naha ro inbuyan naha kwara wayey.
phagay wayey: s’agal naha phgayan wayey ro phagey wayey, tmwang khtuw ro musa hyuti ci ha’iy wayey.
tmahu’ wayey: tmagan ’sya ro bulit wayey ro thkun iyik bih tupih, sa’ing tmuting tpuyan ta, inwaxan urow nya ro galun syup nya, ro musa mlabuw wayey. "gaga cinmagan wayey hiya, tgmagan bulit ga musa mlabuw wayey haca, tmagan maci ro thpuyan ga musa mtalah, ro mtalah ha’iy."
kkbalay na latan Tayan hiya maga mutuw naha skahun sku kgiy muwah kbalay,utux utux sali ga niya mmuhiy na kgiy, kgiy hani ga aw mutuw pinhyun sku ryax na tmangu abaw, ’bagan, ru mshuw abaw. pinhyun nya sku rhyan hiya ga siki msmi tikay ru blay ms’uraw na rhyan, pyang blay ga siki mtesuruw na syax witux mutuw yenga pinhtgan sa wawi ru kthuy helaw balay mrkyas, ana wayay nuka nya ga mutuw blay pinhtgan nya.
sraral kgi ga klayun ta lukus ru pala.
This article uses material from the Wikipedia Tayal article kgi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 除非另有註明,否則頁面內容均以 CC BY-SA 4.0 條款授權。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tayal (DUHOCTRUNGQUOC.VN) is an independent company and has no affiliation with Wiki Foundation.