Rick Barry

Rick Barry

Rick Barry.jpg
Rick Barry
sraral hya’ga sisyuw na NBA, wal malaxmisuq qaniy la.
ryax na hintgan

kawas/byacing/ryax/rhzyal na hintgan

ryax 28 tay byacing na 3 kawas na 1944/ Elizabeth, New Jersey
ttman ppcyuwagan senmong pgnaw’ mari’ NBA
ki’an sa psspung pgnawgan mari praw maki’ tayglaing
kinwagiq/kinz’usuw 210 cm / 93 kg
banggo’ na lukus 24, 2, 4
malax pinqwasan (hmawh pinqwasan) raygak Miami (Florida) (1962–1965)
pgwazyaw giqas sinsyuw/binkgan lalu’ 1965 / tay 1 mthwiru’ / tay 2 binkgan lalu’
wal galun na gluw na pgnaw’ mari’ wal galun na San Francisco Warriors
kinmuci’ na pintzyuwaw niya’ ini’ga kirok
champion NBA (1975)

mspung champion na MVP nquw NBA (1975)

mspung na hayhyuw na NBA (1966, 1967, 1973–1978)

mspung sa pzyang balay maki’ yunaw na sinsyuw na NBA (1967)

galan gluw na ptqsu’ msspung sa kawas na NBA (1966, 1967, 1974–1976)

pszik sa gluw na psspung sa kawas na NBA (1973)

ginlgan niya’ gluw na ppspun mari’
1965–1967 San Francisco Warriors

1968–1970 Oakland Oaks / Washington Caps

1970–1972 New York Nets

1972–1978 Golden State Warriors

1978–1980 Houston Rockets

wal malax la

mhtuw kya qalang na New Jersey squw ryax tay 27 sa byacing tay 3 sa kawas tay 1944, krahu’ balay lalu’ niya na sinsyuw NBA sraral. 201 senci’ kinwagiq niya’ ruw 93 kiro’ kinz’usuw niya’, ruw knita’ naha’ sa hiya’ quw spzyang balay strahu’ naha’ kwara’ maha saxa’ na pglaing.

sa kawas tay 1965 ga minxal balay na’ quw pinthwiru’ mspung ga maki’satay sazing binkgan lalu’ niya’ ruw galun kya na San Francisco Warriors.

Aring sraral ruw micing sqaniy ga nanak hiya’ quw maki’ sa NBA、NCAA、ABA (ryax qasa ga ABA hya’ ga iyat sni’ sa Development Alliance na NBA) mnagal sa sinsyuw na senmung p’agal tins’.

spzyang niwan niya’ kanpang ga nanu’ iy phaw na na pbuling mari’ ga yan balay ttama’ sa matung ruw kya uziy qutux sinllwan naha’ maha yan gmiba’ ngahi’ na pbuling mari’ (yasa quw sawn naha’ kahul kyahu’ pbuling mari’), ga ini’ zyapu’ uziy, mnagal uziy ini’ zyapu’ balay na pbuling pinhaw na mari’ squw sinxalan mspung sa pt’iyugan kayal ga pzyang mecyuw na sinsyuw na pbuling mari’ (0.900).

mnaki’ kya warrior, New York Nets (kinraral na Brooklyn Nets), Houston Rockets.

Kinmuci’ na pintzyuwaw

champion na NBA sa (1975), spzyang maki’ yunaw na sinsyuw champion sa (1975), champion ABA sa (1969), ruw pinmspat galan gluw na psspung hayyo na NBA, ruw pzyang balay maki’ yunaw na kwara’ sinsyuw na hayyo NBA, minzmagal aty qutux gluw lahuy na NBA kawas, tay sazing gluw lahuy na NBA, minspayat galan gluw lahuy na psspung hayyo, minspayat galan tay qutux gluw lahuy na ABA kawas, pzyang balay blaq sinsyuw giqas na NBA kawas sa (1966), senmung p’agal tins’ na NBA sa (1967), ruw senmung pzingat mari’ ‘naras na squliq NBA sa (1975), ’mimaw sa 50 hi’ krahu’ balay na sinsyuw NBA, mincyugal galan senmung p’agal tins’ sa ABA, senmung p’agal tins’ sa NCAA, ’mimaw sa 50 hi’ krahu’ balay na sinsyuw NBA, ruw gluw qsahuy na giway kkrahu’ lalu’.

Kirok ryax qnxan na tmmari’

25279 kwara’ ‘’nagal niya’ tins’(heking inxalan niya’ msspung ga 24.8), 6863 kwara’ zningat niya’ mari’ zik yawa’ ttkran(heking inxalan niya’ msspung ga 6.7), 4952 quw rnaw niya’(heking inxalan niya’ msspung ga 4.9).

kirok ryax qnxan niya’

sa kawas tay1964-1965 ga, heking inxalan niya’ msspung ga 37.4 ting, wal niya’ galun kya quw spzyang p’agal tins’ na NCAA. sa kawas tay 1965-1966 ga, kahul sa lalu’ na ungat baqun mzyup sa pspngan na hayyo, ruw siy niya’ galiy kya 38 ting. Tmrang kawas qasa ga galun niya’ kya pzyang blaq balay na sinsyuw na giqas sa kawas.

sa kawas tay 1966-1967 ga, galun niya’ kya quw pspngan na hayyo MVP, ruw heking inxalan niya’ msspung ga 35.6 kinblaq na tins’ ruw galun niya’ kya quw senmung p’agal tins’ na alliance, ruw rasun niya’ gluw lahuy ppspung mari’ musa’ msspung na champion. maki’ sa msspung na champion ga, galun niya’ kya quw rikisi’ aring sraral ruw mucing misuw qaniy ga heking 40.8 ting kinwagiq ryax na ubuy gluw na pspngan qasa, ga kinnhriq hya’ ga ini’ naha’ galiy kya quw kupu’ na king.

sa kawas tay 1967-1968 ga, musa’ mshzi’ sa ABA, ruw heking sinxalan niya’ msspung ga 34 ting ruw pzyang wagiq tins’ ‘nagal niya’ sa icibang ini’ zyapu’ na pinbuling pinhaw na mari’ sa pinsspung niya’ sa qutux pin’iyugan kayal, rasun niya’ gluw lahuy na ppspung mari’ magal sa champion na ABA.

sa kawas tay 1969-70 ga, maki’ sa ABA ga magal lalu’ na spzyang p’agal tins’.

sa kawas tay 1970-1972 ga, siy pslluhing sazing kawas magal p’agal tins’ na ABA, ruw siy niya’ bingiy kya quw lalu’ na pzyang balay ini’ zyapu’ pbuling sa pinhaw na sinsyuw.

sa kawas tay 1973-1974 ga, mbzinah musa’ NBA, yasa quw mgspzyang balay ini’ zyapu’ na pbnuling mari’ pinhaw sa pinxalan msspung, ruw heking icibang pzyux zningat sa inrasan na squliq mari’, maras sa gluw lahuy na ppspung mari’ musa’ magal champion sa inxalan msspung qasa, ruw mg champion na MVP.

sa kawas tay 1979-1980 ga, wal niya’ galun kya quw 0.947tins’ kin’ini’ zyapu’ sa sinxalan msspung sa pt’iyuw kayal qasa, ruw mgtqsu’ balay na squliq rikisi’ kya aring sraral ruw mucing sa ryax qasa. ini’ qbsyaq lga squzi’ niya’ wagiq quw yamil niya’ la.

cinkhulan sa knita’ sa brbiru’

Tags:

Rick Barry Kinmuci’ na pintzyuwawRick Barry Kirok ryax qnxan na tmmari’Rick Barry kirok ryax qnxan niya’Rick Barry cinkhulan sa knita’ sa brbiru’Rick Barry

🔥 Trending searches on Wiki Tayal:

Shavkat MirziyoyevMarShon BrooksLesothoPratanPeruGeorge WeahJakov MilatovićDonald John TrumpMike BloomSwazilandUnited arab emiratesVanuatuDanny ArnoldMike BantomcinawMark AlarieTjavualjiAbdul Latif RashidFélix TshisekediTamahuTurkmenistanViktor OrbánNaveen AndrewsSeyso(Sinsman Ke Utux Kayal)zyana’ bisuwLuiz Inácio Lula da SilvaStanley AndrewsNarendra ModiVahu'syaAndrzej DudaMarino RiccardiAlbaniaFrank AlbaneseJoseph KabilaMadagascarJason AlexanderEd AmatrudoVladimir PutinMongoliaTaneti MaamaurhzyalPhilippinesJoko WidodoMaribasiLiberiaVietnamBhutanDinkamJames BlackwellLikavungtmangux abaxFrank BrianCikowa’ayAbe ShinzōGabonJoaquim de AlmeidaKunuanSomaliaHatoyama YukioHaisingJim Barnetttamayo’anTakofanPekus🡆 More