gaga Psani’ skura yow na mluyak (狩獵的禁忌)
te utux, y’aya lyakan ro lalow ga psani’ musa tringan ro tplan knerin. te saying, maki cyoli mluyak rgyax, knerin maki sali ga ini hmtiy tmring nuka. te tugal, alang kya ga t’luw gaga ms’unan, yow h’ilan, yow na pn’as, sm’as yow, ini ga t’luw yow mkuri’, ini nbah musa mluyak rgyax, ini gluw gaga ga maki cyoli magan ilis. te payat, cka tu’iy nwah mluyak Tayal, kyaku maki cyoli’ mga’in, magan ilis…, musa hngi kwara yow na mluyak, ro psbinah mwah Sali’. te magal, iyik musa mluyak ini myasa spyan nya, ini ga ya’eh p’wasan na sili’, musa mluyak lwey ga, musa ungat nagan naha, ini ga kngun musa magan ilis cyoli’. te tiyu, iyik musa mluyak ga mung pgleng na mrhow utux snlitan, ini hmtiy tbuci mluyak nanak. te pitu, cka na nya mluyak ga ini nbah cpung mkayan musa pisa galan naha sinuw.
江明清Yawi‧Nomin,葛雷散群(南澳)泰雅人的語言文化教材-歷史文化與社會文化篇。(臺灣:宜蘭縣原住民文教促進會. 101)
This article uses material from the Wikipedia Tayal article gaga Psani’ skura yow na mluyak, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 除非另有註明,否則頁面內容均以 CC BY-SA 4.0 條款授權。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tayal (DUHOCTRUNGQUOC.VN) is an independent company and has no affiliation with Wiki Foundation.