Sunu' Papa

nanu’ squ mnxal qasa ga yaqu qalang na Syawrin na Kosenggo’ qu pzyang balay lawkah hiriqan niya’, spayat kbhul ru mpitu’ pgan ru spayat hi’ wayal niya’ ’blun kiya.

haci gat gaci nici’ ru hazi gac ku nici squ kawas tay sazing syan ru mqiru’ kawas ga, wahan pcyaqih na bayhuy Morakot, qwalax kya Kgi’ ruw rayrgyax na Takaw ru Hituw ga hmzinas sa qutux syan msyaw rngu’ krahu’ qalax pspngan na sinmung smpung sa kinkrahu’ qwalax squ qutux ryax nanak sa haci nici’ qasa.

psmsum squ pinbahuw na ppqumah squ wal mshiriq ru wal mhiriq kinbalay sa kensec tay Minsyo ga psqunun niya’ pllpuw ga mawpuw mqiru’ mang sazing syan ru mawpuw mpitu’ oku pila’(mszik sa hinriqan bayhuy Herp), nanu’ qu hiriqan na ppqumah hya’ ga wayal sa kbhul mpusal mqiru’ oku pila’, hinriqan na ptqulih hya’ ga wal sa mspatul mpitu’ oku pila’, hinriqan na sm’an sa ssin’anan hya’ ga wayal sa mawpuw mqiru’ oku pila’ kwara’.

Psqunun kwara’ qu wayal mhuqil ha mtzyu’ kbhul mpitu’ pgan mspat hi’wayal mhuqil squliq mtzyul cyugal hi’ qu magal qilis, ka giway maki’ squ Kagi’, Taynang, Takaw, Hituw, Nanto kwara’.（psmsmun kwara’ nqu Cyu’o saygay E-heng cyusing mucing squ gaygbyan na ryax squ niseng tobi kyu neng haci gac nizyuhaci nici’ nana zi’）

kmal qu Gyose’ing maha aring haci gat nizyu ni nici’ ruw nizyu yon nici’ ga, pbzqanay ta smka’ kinwagiq na slawa’ kwara’ Kokka’ ta’ niwan ’nukuh ta’ squ wayal mhuqil sa dewayal qani.

kbalay niwan kineng koyeng qalang na Syawrinn

ki’a qutux kobu’ ru nana bu’ kin whci’ qu rhzyal, ga sawbih haci bu’ qu kikak ssyan lupi’ hya’, kbalay qutux ka yan qalang Sawrin sraral ka mksawbih cikay sa mkura’ cikay sa hlahuykakko niya’. aki’ pmhyan squ kbhul mspat pgan ru qutux knawr qhuniq hlapaw na Taiwan balay, gi qutux qutux puqing hlapaw ga niwan qutux qutux ngasal nqu wayal mhuqil, skahul squ kinmtalah phpah na hlapaw niwan kinramat naha’ squ kungyen qasa, aki’ maras cikay kinlhbaw inlungan na lpyung mwah cisal ru squliq tay cinqalang sqaniy.

pins’rux lwax na kineng

nanu’ qu rhzyal ssyan squ lwax na kineng qasa ga, mqiru’ Meta’ kinwagiq, ru ‘nutu’ nqu inrasan Bayhuy na Morokot pinqhuzyaw squ bbtunux rgyax na Syetu’ qasa ga, niwan snku’ niya sa rngu’ squ awsa’ ps’rux lawziy qalang na minsyuw.