Michael Adams

Michael Adams

mhtuw sa ryax na 19 byacing tay 1 kawas na 1963 ga, sinsyuw na ptkura’ mari’ ruw kyoreng na syokugyo na ptkura’ mari’ na Amirika’ sraral.

kinwagiq niya’ ga 178 senci’, ruw kinz’usuw niya’ ga 73 kiro gramu.

kki’an niya’ sa tkura’ mari’ ga pklahang tay suruq hiya’.

banggo’ na lukus niya’ ga 10 ruw 14 ruw 23.

maki’ sa pgwazyaw giqas sinsyuw na NBA sa kawas tay 1985 ga, maki’ sa mintaytzyul mshwiru’ ga syun squw tay 66 bikgan quw lalu’ niya’ ruw galun kya na King of Sacramento la.

nanu’ squw pspngan na sinsyuw giqas hga, siy praytay kmal ga inxalan niya msmung ga 2.2 galun niya’ tins’, aw’ ga hmzinas iyal blaq ginlgan niya’ sa simmung ptkura’ mari’ squw babaw niya’ ka mluw sa gluw tay bzinah la.

ryax na ginlgan niya’ sa sinmung ptkura’ mari’ squw tay sazing kawas ga gmluw squw Washington Bulls ha, aring squw kawas tay 1987 squw 1991 ga mluw squw Denver gold team.

maki’ squw Gold team hga, tmrang squw aring kawas sa 1990ruw mucing kawas tay 1991ga yasa quw spzyang blaq balay cinkura’ niya’ mari’, iy siy ptnaqiy pllpuw sa inxalan niya’ mspung ga 26.5 galun niya’ tins’ (minxal quw pzyang balay wal niya’ pthkun kinblayqan ‘nagal niya’ ga 54 teng ’nagal niya’) ruw 10.5 quw rnaw niya’ sa gluw niya’.

wal quw maymaw balay mkilux ruw smyax balay na pspngan na tkura’ mari’ lga, musa’ mzyup lawziy sa Washington Bulls squw kawas sa 1992 quw Adams, ruw musa’ mspung sa psspung na pbzyagan naha’ sa hayyo na NBA sa kawas qasa.

kawas tay 1996 quw knaki’ niya’ sa Charlotte Hornets, ruw tmrang kya sa kawas qasa skayal niya’ kya maha m’alax sa tkura’ mari’ kiya. ryax knaki’ niya’ sa tkura’ mari’ qaniy ga 9,621 kwara’ ‘nagal niya’ tns’, ruw 4,209 ruw rnaw niya’ sa gluw niya’.

spzyang niya’ lluhay ’agal  tins’ ga 3 ting, nau’ tmrang squw aring sa ryax tay 28 byacing tay 1 na kawas tay 188 ruw tayhuk sa ryax sa 23 sa byacing tay 1 na kawas sa 1989 ga min 79 kay musa’ mspung ga yasa siy pslluhing tkura’ sa 3 ting ’nagal niya’. 

• Lists of National Basketball Association players