மீரா ராய்

இவர் பல சர்வதேச போட்டிகளில் பங்கேற்று பல விருதுகளை வென்றுள்ளார். அவர் 2017 ஆம் ஆண்டின் நேசனல் ஜியோகிரபி சாகச வெற்றியாளராக விளங்கினார். இவர் உலகின் மிகவும் சவாலான மலைப்பாதை ஓட்டப் பந்தயங்களில் கலந்து கொண்டவர்.

மீரா ராய்

தனிநபர் தகவல்
தேசியம்	நேபாளியர்
பிறப்பு	31 திசம்பர் 1988 (1988-12-31) (அகவை 35)
விளையாட்டு
நாடு	நேபாளம்
விளையாட்டு	மலைப்பாதை ஓட்டப் பந்தயம்
கழகம்	நேபாள மலைப்பாதை ஓட்டப் பந்தய மன்றம்

இளமை வாழ்க்கை

இமயமலையில் அமைந்த நேபாள மாநில எண் 1இல் உள்ள போஜ்பூர் மாவட்ட நிர்வாகத் தலைமையிடமான் போஜ்பூர் எனும் ஊரில் ஏழை விவசாயக் குடும்பத்தில் பிறந்தவர் மீரா ராய். 12 வயது வரை பள்ளிக்குச் சென்ற மீரா ராய், பின்னர் படிபை நிறுத்தி விட்டு, பெற்றோர்களுக்கு உதவிட, பண்ணைத் தோட்டத்தை கவனிக்கவும், சந்தைக்குச் செல்லவும் அன்றாடம் இமயமலையில் ஏறி-இறங்கத் துவங்கினார்.

மீரா ராய் தனது 14-வது வயதில் பெற்றோரிடம் தெரிவிக்காது, வீட்டை விட்டு வெளியேறி, மாவோ கம்யுனிஸ்ட் கட்சியில் சேர்ந்தார். பின்ன 18-வது வயதி நிறைந்த பின் நேபாள இராணுவத்தில் ஓரான்டு பணிபுரிந்தார். பின்னர் இராணுவத்திலிருந்து விலகி காட்மாண்டு நகரத்தில் கராத்தே மற்றும் ஓட்டப் பந்தயகளில் பயிற்சி பெற்றார்.

ஒரு நல்ல ஓட்டப் பந்தய வீராங்கனையாக மீரா ராயின் முதலாவது அல்ட்ரா-மராத்தான் ஓட்டப்பந்தயம் இமயமலையில் 50 கிலோ மீட்டர் தொலைவிற்கு சாதரணமாக பங்கேற்று வென்று அனைவரின் கவனத்தை ஈர்த்தார். பின்னர் முறையான டிரெயில் ஓட்டத்திற்கான தீவிர பயிற்சிக்குப் பிறகு, மீரா ராய் சர்வதேச அல்ட்ரா-மலைப்பாதை ஓட்டப் பந்தயப் போட்டிகளில் பங்கேற்க வெளிநாடுகளுக்கு பயணம் செய்யத் தொடங்கினார், அங்கு அவர் விரைவாக பல ஓட்டப் பந்தயங்களில் வென்று சாதனை படைத்தார்.

2016 ஆம் ஆண்டின் முற்பகுதியில், ஐக்கிய இராச்சியத்தில் நடைபெற்ற மலைப்பாதை ஓட்டப்பந்தயப் போட்டியில் ஓடிய போது இவரது முழங்காலில் காயம் ஏற்பட்டது. இதனால் சர்வதேச போட்டியில் இருந்து சிறிது நேரம் ஓய்வு எடுக்க வேண்டியிருந்தது. அந்த நேரத்தில், இவர் தனது கவனத்தை நேபாளம் முழுவதும் ஓடுவதை ஊக்குவிப்பதிலும், கிராமப்புற நேபாளத்தைச் சேர்ந்த மற்ற நம்பிக்கைக்குரிய இளம் பெண் விளையாட்டு வீரர்களை சர்வதேச அரங்கில் பங்கேற்கவும் உதவினார். நேபாள இளைஞர்களிடையே மலைப்பாதை ஓட்டப் பந்தய விளையாட்டை ஊக்குவிப்பதற்காக அவர் காட்மாண்டுவில் பல மலைப்பாதை ஓட்டப் பந்தயங்களுக்கு ஏற்பாடு செய்துள்ளார். மீரா ராய் தேசிய மற்றும் சர்வதேச ஊடகங்களில் இடம்பெற்றுள்ளார். இது ஒரு தொலைதூர மற்றும் கிராமப்புற கிராமத்திலிருந்து ஒரு தேசிய ஹீரோ வரை தனது வாழ்க்கையை உள்ளடக்கியது. ஒரு ஆணாதிக்க சமுதாயத்தில், இவர் நாடு முழுவதும் உள்ள பல சிறுமிகளுக்கு ஒரு எடுத்துக்காட்டாக விளங்கினார்.

2017 ஆம் ஆண்டில், மீரா போட்டியிடும் அல்ட்ரா-மலைப்பாதை ஓட்டப் பந்தயத்தில் மீண்டும் இணைந்தார். செப்டம்பர் 2017-ஆம் ஆண்டில் ஐக்கிய இராச்சியத்தின் ஸ்காட்லாந்தில் நடைபெற்ற 120 கிலோ மீட்டர் தொலைவிற்கான பென் நெவிஸ் அல்ட்ரா-மலைப்பாதை ஓட்டப் பந்தயத்தில், 14 மணி நேரம், 24 நிமிடங்களில் கடந்து புதிய சாதனை படைத்தார்.

மீரா ராயின் ஓட்டப் பந்தயச் சாதனைகள் கீழ்கண்டவாறு: