ஒடிசா (Odisha, பழைய பெயர் ஒரிசா (Orissa)), இந்தியாவின் கிழக்குப் பகுதியில் அமைந்த மாநிலமாகும்.
ஒடிசா, தாதுவளம் நிறைந்த மாநிலமாகும். இங்கு இரும்புத்தாது கிடைப்பதாக கண்டறியப்பட்டுள்ளது. ஒடிசாவின் தலைநகர் புவனேசுவரம். கட்டக், கொனார்க், புரி ஆகியவை மற்ற நகரங்கள். புரியிலுள்ள செகன்னாத் புரி கோவில் மிகவும் புகழ் பெற்றது. இங்கு பேசப்படும் மொழி ஒடியா. ஒடிசாவின் வடக்கில் சார்க்கண்ட் மாநிலமும், வடகிழக்கில் மேற்கு வங்காளமும், கிழக்கு, தென்கிழக்கில் வங்காள விரிகுடாவும், தெற்கில் ஆந்திரப் பிரதேசமும், மேற்கில் சத்தீசுகர் மாநிலமும் அமைந்துள்ளன.
ஒடிசா ஒரிசா | |
---|---|
மாநிலம் | |
மேலிருந்து கடிகார திசையில்:புரி கடற்கரை, முக்தேசுவரா கோயில், பிதர்கனிகா தேசியப் பூங்கா, தௌலி, சில்கா ஏரி,ஜெகன்நாதர் கோயில், ராஜாராணி கோயில், மகாநதி, ஈராக்குது அணை, கந்ததர் நீர்வீழ்ச்சி (சுந்தர்கர்), கொனார்க் சூரியக் கோயில் | |
சின்னம் | |
பண்: பாண்டே உத்கலா சனானி (அன்னை உத்கலா, நான் உன்னை வணங்குகிறேன்! ) | |
ஒடிசா வரைபடம் | |
நாடு | இந்தியா |
பகுதி | கிழக்கு இந்தியா |
நிறுவப்பட்ட நாள் | 1 ஏப்ரல் 1936 (ஒடிசா நாள்) |
தலைநகரம் மற்றும் மிகப்பெரிய நகரம் | புவனேசுவர் |
மாவட்டங்கள் | 30 மாவட்டங்கள் |
அரசு | |
• நிர்வாகம் | ஒடிசா அரசு |
• ஆளுநர் | கணேசி லால் |
• முதலமைச்சர் | நவீன் பட்நாய்க் |
• சட்டப் பேரவை | ஒடிசா சட்டமன்றம் ஓரவை (147 உறுப்பினர்கள்) |
• நாடாளுமன்ற தொகுதிகள் |
|
• உயர் நீதிமன்றம் | ஒரிசா உயர் நீதிமன்றம் |
பரப்பளவு | |
• மொத்தம் | 1,55,707 km2 (60,119 sq mi) |
பரப்பளவு தரவரிசை | 8வது |
மக்கள்தொகை (2011) | |
• மொத்தம் | 4,19,74,218 |
• தரவரிசை | 11வது |
GDP (2021–22) | |
• மொத்தம் | ₹5.86 டிரில்லியன் (US$73 பில்லியன்) |
• தனிநபர் மொத்த உள்நாட்டு உற்பத்தி | ₹1,27,383 (US$1,600) |
மொழி | |
• அலுவல்மொழி | ஒடியா மொழி |
நேர வலயம் | இசீநே (ஒசநே+05:30) |
தொலைபேசி | +91 |
ஐ.எஸ்.ஓ 3166 குறியீடு | IN-OR |
வாகனப் பதிவு | OR |
மனித மேம்பாட்டுச் சுட்டெண்(2018) | 0.606 medium · 32வது |
படிப்பறிவு | 73.45% |
இணையதளம் | odisha |
சின்னங்கள் | |
சின்னம் | ஒடிசா அரசு சின்னம் |
பாடல் | பாண்டே உத்கலா ஜனானி |
நடனம் | ஒடிசி |
விலங்கு | கடமான் |
பறவை | பனங்காடை |
Fish | மகாநதி மஹ்சீர் |
மலர் | அசோகு |
மரம் | அரச மரம் |
ஒரிசா 30 வருவாய் மாவட்டங்களை கொண்டது. அவையாவன:
2011 ஆம் ஆண்டு இந்திய மக்கள் தொகை கணக்கெடுப்பின் படி மாநிலத்தின் மொத்த மக்கள் தொகை 41,974,218 ஆக உள்ளது. நகர்புறங்களில் 16.69% மக்களும்; கிராமப்புறங்களில் 83.31% மக்களும் வாழ்கின்றனர். கடந்த பத்தாண்டுகளில் (2001-2011) மக்கள் தொகை வளர்ச்சி விகிதம் 14.05% ஆக உயர்ந்துள்ளது. மக்கள் தொகையில் 21,212,136 ஆண்களும் மற்றும் 20,762,082 பெண்களும் உள்ளனர். பாலின விகிதம் ஆயிரம் ஆண்களுக்கு 979 பெண்கள் வீதம் உள்ளனர். மக்கள் தொகை அடர்த்தி ஒரு சதுர கிலோ மீட்டரில் 270 பேர் வீதம் வாழ்கின்றனர். இம்மாநிலத்தின் சராசரி படிப்பறிவு 72.87% ஆகவும், ஆண்களின் படிப்பறிவு 81.59% ஆகவும், பெண்களின் படிப்பறிவு 64.01% ஆகவும் உள்ளது. ஆறு வயதிற்குட்பட்ட குழந்தைகளின் எண்ணிக்கை 5,273,194 ஆக உள்ளது.
இம்மாநிலத்தில் இந்து சமயத்தவரின் மக்கள் தொகை 39,300,341 (93.63%) ஆகவும், இசுலாமிய சமய மக்கள் தொகை 911,670 (2.17%) ஆகவும், கிறித்தவ சமயத்தினரின் மக்கள் தொகை 1,161,708 (2.77%) ஆகவும், சீக்கிய சமய மக்கள் தொகை 21,991 (0.05%) ஆகவும், சமண சமய மக்கள் தொகை 9,420 (0.02%) ஆகவும், பௌத்த சமய மக்கள் தொகை 13,852 (0.03%) ஆகவும், பிற சமயத்து மக்கள் தொகை 478,317 (1.14%) ஆகவும் மற்றும் சமயம் குறிப்பிடாதவர்கள் மக்கள் தொகை 76,919 (0.18%) ஆகவும் உள்ளது.
இம்மாநிலத்தின் ஆட்சி மொழியான ஒரியா மொழியுடன், வங்காளம், தெலுங்கு, இந்தி மற்றும் உருது மொழிகளும் பேசப்படுகிறது.
ஒரிசாவில் பார்க்க வேண்டிய முக்கிய இடங்கள்; கொனார்க் சூரியக் கோயில், புரி செகன்நாதர் கோயில் மற்றும் லிங்கராசர் கோயில்
ஒரிசாவின் புரி நகரத்தில் ஆண்டுதோறும் நடைபெறும் நடைபெறும் புரி செகன்நாதர் தேரோட்டம் புகழ் வாய்ந்தது.
ஒரிசா மாநிலத்தின் சிறப்பான நடனம் ஒடிசி ஆகும்.
This article uses material from the Wikipedia தமிழ் article ஒடிசா, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.