Szczepan Twardoch: ślōnski pisŏrz

Szczepōn Twardoch (nar. 23 grudnia 1979 we Knurowie) to je ślōnski pisŏrz i publicysta. Zaôbycz pisze ôn we polskij gŏdce, nale czasym pisze tyż po ślōnsku. Z bildōngu je socjologym i filozofym.

Szczepan Twardoch
Szczepan Twardoch (2012)
Cołke miano	Szczepan Lech Twardoch
Data a plac narodzyniŏ	23 grudnia 1979 Knurōw
Fach	pisŏrz, publicysta
Nacyjŏ	ślōnskŏ
Ôbywatelstwo	Polska
Bildōng	Uniwerzytet Ślōnski we Katowicach
Galeryjŏ we Wiki Commons
Cytaty we Wikicytatach
Internetowŏ zajta

Familijŏ Twardocha je zwiōnzanŏ z Gōrnym Ślōnskym ôd – co nojmynij – 350 lŏt. Po narodzyniu we Knurowie bez rok miyszkoł z ôjcami we Gierałtowicach, niyskorzij zamiyszkali we Glywicach, a potym zaś do Gierałtowic. Antlich we 1987 roku przenieśli sie do Pilchowic. Skōńczōł socjologijõ na Miyndzywydziołowych Indywidualnych Sztudiach Humanistycznych na Uniwerzytecie Ślōnskim we Katowicach. Sam sztudiyrowoł tyż filozofijõ.

Publikowoł artykuły w cajtōngach: „Życie”, „Opcje”, „Fronda”, „44/Czterdzieści i Cztery”, „Nowa Gazeta Śląska”, „Arcana”, „Gazeta Wyborcza” i „Rzeczpospolia”, jako niyznŏleżny publicysta. Bōł redachtorym dziołu literackigo dwōmiesiyncznika „Christianitas”. Je feletiōnistōm dlŏ tydnikōw Polityka i „Wysokie Obcasy Extra”.

Ônego rozprŏwka Obłęd rotmistrza von Egern bōła nōminowanŏ do nadgrody Nautilus za 2003 rok i zajōnła 4. plac w welowaniu. Rozprŏwka pod tytułym Rondo dostało Nautilusa za nojlepszõ rozprŏwkã 2006 roku. Za Epifania wikarego Trzaski dostoł Strzybrne Wyrōżniynie Nadgrody Literackij im. Jerzego Żuławskigo we 2008 roku. We 2011 roku dostoł za rōman Wieczny Grunwald Wyrōżniynie Nadgrody im. Józefa Mackiewicza. Za zbiōr rozprŏwek Tak jest dobrze dostoł nōminacyjõ do Nadgrody Literackij Gdynia 2012. We 2013 roku bōł laureatym Paszportu ôd Polityki za 2012 rok we kategoryji literatura. Nadgrodã dostoł za rōman Morfina – rōman tyn bōł we finale Nadgrody Literackij „Nike” 2013, jak tyż dostoł nōminacyjõ do Nadgrody Literackij Gdynia 2013 i nōminacyjõ do Prix du Livre Européen / European Book Prize 2015. We 2014 roku wyszła ônego nowŏ ksiōnżka – Drach, kerŏ znŏdła sie we finale Nadgrody Literackij „Nike” 2015 a zdobyła miymieckõ nadgrodã literackõ Brücke Berlin 2016. We 2015 roku bōł laureatym Nadgrody ôd Kościelskich. We kwietniu 2017 roku dostoł nojwŏżniyjszõ nadgrodã we absztimōngu „O!Lśnienia 2016” we kategoryji „Literatura” ôd Onet.pl. We 2017 roku bōł nōminowany do Nadgrody Literackij Gdynia we kategoryji proza za rōman Król. We 2019 roku bōł laureatym polsko-miymieckij Nadgrody im. Samuela Bogumiła Lindego. Canal+ wyprodukowoł we 2019 roku serial Król, kery je ôparty na rōmanie ôd Twardocha.

Pisze ôn tyż specjalistyczne ksiōnżki i artykuły ô brōniach. Moc ônego ksiōnżek bōło przełożōne na inksze gŏdki, w tym na ślōnskõ, ynglandzkõ, francuskõ, miymieckõ.

Publicznie deklaruje przinŏleżność do ślōnskij nacyje. Miyszkŏ we Pilchowicach, je żyniaty a mŏ dwōch synkōw.

 

Rōmany

• Sternberg, superNOWA 2007
• Epifania wikarego Trzaski, Wydawnictwo Dolnośląskie 2007
• Przemienienie, Wydawnictwo Dębogóra 2008
• Zimne wybrzeża, Wydawnictwo Dolnośląskie 2009
• Wieczny Grunwald: powieść zza końca czasów, Narodowe Centrum Kultury 2010 (druge, trzicie i sztwŏrte wydanie – Wydawnictwo Literackie 2013, 2017, 2019)
• Morfina, Wydawnictwo Literackie 2012
• Drach, Wydawnictwo Literackie 2014
• Król, Wydawnictwo Literackie 2016
• Królestwo, Wydawnictwo Literackie 2018
• Pokora, Wydawnictwo Literackie 2020
• Chołod, Wydawnictwo Literackie 2022

Zbiory rozprŏwek

• Obłęd rotmistrza von Egern, Fabryka Słów 2005
• Prawem wilka, superNOWA 2008
• Tak jest dobrze, Powergraph 2011
• Ballada o pewnej panience, Wydawnictwo Literackie 2017

Dziynniki, eseistyka, poradniki

• Zabawy z bronią, Wydawnictwo Dębogóra 2009
• Wyznania prowincjusza, Fronda 2010
• Sztuka życia dla mężczyzn, Świat Książki 2013, spōłautōr: Przemysław Bociąga
• Wieloryby i ćmy, Wydawnictwo Literackie 2015
• Lepiej byś tam umarł, Wydawnictwo W.A.B. 2017, spōłautōr: Mamed Khalidov
• Jak nie zostałem poetą, Wydawnictwo Literackie 2019

Rozprŏwki

• Obłęd rotmistrza von Egern, „Science Fiction”, 23
• Gmina, „Science Fiction”, 30
• Cud domu brandenburskiego, „Nowa Fantastyka”, czerwiec 2004
• Historia prowincjonalna, opowiadanie w antologii Małodobry
• Królewskie pytanie, „Fahrenheit”, styczeń-luty 2005
• Quitzlalope, „Nowa Fantastyka”, marzec 2005
• Stille Nacht, opowiadanie w antologii Deszcze Niespokojne
• Exodus, FA-art, styczeń-luty 2006
• Rondo na maszynę do pisania, papier i ołówek, SFFH 12/2006
• Żywot i śmierć św. Felicjana, Fantastyka – wydanie specjalne zima 2006
• Dwie przemiany Włodzimierza Kurczyka, „Nowa Fantastyka”, czerwiec 2009
• Pola, „44/Czterdzieści i Cztery”, 2010
• Tak jest dobrze, Nowa Fantastyka, marzec 2011
• Fade to Black, opowiadanie w antologii Pożądanie