Seul

Seul (kor. 서울특별시, Seoul, Sŏul; posuchej) – to uod přez 600 lot stolica Koryje. Uod kůńca II wojny śwjatowyj po roztajlowańu Půuwyspu Koryjańskigo na dwa państwa Seul zostou stolicům Republiki Koryjańskij (Koryje Pouedńowyj), a Pjůngang stou śe stolicům Koryjańskij Republiki Ludowyj (Koryje Půunocnyj). Bez čas wojny koryjańskij na krůtki čas Seul bůu zajynty bez kůmůńistyčnych uokupantůw, a stolica Korei Pouedńowyj přyńyśůno do inkšygo mjasta.

Seul 서울특별시
Gangnam-gu, nowe cyntrum handlowe Seulu
Państwo	Połedniowŏ Koryjŏ
Rygjůn	Capital area
Plac	614 km²
Położyńe	37°33' N 126°59' E
Ludźi (2003) • liczba ludźi • gynstość • aglomeracyja	10 276 968 16738 os./km² 23 000 000
Mjasta partnerske	Tajpej Ankara Honolulu San Francisco São Paulo Bogotá Džakarta Tokjo Moskwa Sydney Paryž Waršawa Pekin Uůan Bator Hanoi Kajir Řim Astana Guam Wašyngtůn Buenos Aires
Położyńe na karće kraju Seul 서울특별시
Neczajta mjasta
Galeryjo zdjyńć w Wiki Commons

Seul znojduje śe we cyntralno-zachodńij tajli Půuwyspu Koryjańskigo. Mjasto pouožůne je ńydaleko na pouedńe uod strefy zdymilitaryzowanyj (DMZ) a ležy nad řykům Han. Seul je polityčnym, spouečnym a ekůnůmičnym cyntrům Pouedńowyj Koryje.

Seul s gynstośćům zaludńyńo powyžej 15 tys/km² je jydnym s nojbardźij zatuočůnych mjast na śwjeće. Jednočeśńy pośado nojwjynkšo na śwjeće ilość šybkych uůnč internecowych a půnktůw dostympowych WiFi. W Seulu je tyž zarejerowane přez 1 mln pojazdůw mechańičnych.