Dakel
Dakel (mjym.: Dackel) to je rasa, a po prowdźe 9 ras psůw, kere charakteryzujům śe krůtkymi nůgůma, wydużůnym tułowjym, pyskym, a tyż dość dugim, prostym uogůnym.
Farba nojczyńśćij ryżobrůnotno abo czorno podhajcowano. Rozrůżńůmy rasy podug śerśći (krůtko, dugo, szorstko) i wjelgośći (karlik, mińatura i sztandard). Kůmbinacyje tych cech dowajům cuzamyn 9 ras.
Dakle pochodzům ze Mjymec, psy ze bezma idyntycznym wyglůndym znojdźono ale bůło we Egipće na rysunkach we śwjůntyńi Bescheb. We Mjymcach bůły uůne opisane we XIV storoczu.
Cechy ras daklůw:
- wysokość we kłymbje: 17 do 25 cm.
- uobwůd pjerśowyj klotki: karlik uod 30 cm; mińatura do 35 cm; sztandard wjyncyj jak 40 cm i uo wadze 8 kg.
- przećyntno dugość žyćo - 13-14 lot.
Dakel je psym na gůn.
Charakter
Dakel to pjes fest żywy, uodwažny, pozorny a inteligyntny. Je fest prziwjůnzany do swojigo włośćićela, zachowuje ale wrodzůno ńyzoleżność. Uod szczyńyńća wymogo kůnsekwyncyje przi chowańu a dobrego kůntaktu ze uopjekunym, skuli tego co inakszyj może śe uozwinůńć ńyprzijymny, zły charakter.
Linki zewnyntrzne
Mustry rasy:
This article uses material from the Wikipedia Ślůnski article Dakel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tekst udostympniany na licyncyji CC BY-SA 4.0, jeźli niy było podano inakszyj. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ślůnski (DUHOCTRUNGQUOC.VN) is an independent company and has no affiliation with Wiki Foundation.