19 Januari
19 Januari nyaéta poé ka-19 dina sataun dina kalénder Gregorian, sésana 346 poé (347 dina taun kabisat).
| ||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||
Kajadian
- 1419 – Perang Saratus Taun: Rouen nyerah ka Henry V ti Inggris, nganggeuskeun panalukan deui Inggris ka Normandia.
- 1817 – Pasukan nu diwangun ku 5.423 soldadu, dipingpin ku Jénderal José de San Martín, meuntas Pagunungan Andes ti Argéntina pikeun ngabébaskeun Chili sarta tuluy Péru.
- 1839 – Pausahaan Dagang India Wétan Inggris, ngarebut Aden.
- 1871 – Perang Perancis-Prusia: Dina pangepungan Paris, Prusia meunangkeun Patempuran St. Quentin. Sedeng usaha Perancis pikeun kaluar tina pangepungan dina Patempuran Buzenval gagal dina poé isukna.
- 1883 – Sistém panyaangan listrik nu maké kabél di luhur, beunang Thomas Édison, mimiti jalan di Roselle, New Jersey.
- 1915 – Georges Claude maténkeun néon tabung sangkan bisa dimangfaatkeun dina iklan.
- 1915 – Dina Perang Dunia I, kapal zeppelin Jérman ngaboman kota Great Yarmouth jeung King's lynn di Karajaan Inggris, nelasan saheunteuna 20 jalma, minangka pangeboman ti awang-awang ka targét sipil nu munggaran.
- 1917 – Beledugan Silvertown: Hiji jeleguran pabrik mésiu di London nelasan 73 jalma sarta ngabalukarkeun leuwih ti 400 lianna tatu. Seuneu nu dihasilkeunna ngakibatkeun karusakan leuwih ti £2 juta.
- 1920 – Sénat AS milih teu asup kana Liga Bangsa-Bangsa.
- 1945 – Perang Dunia II: Pasukan Soviét ngabébaskeun Łódź Ghetto. Tina leuwih ti 200.000 pangeusina, kurang ti 900 nu hirup kénéh nalika pangdiukan Nazi.
- 1946 – Jénderal Douglas MacArthur ngadegkeun Pangadilan Militer Internasional Wétan Jauh di Tokyo pikeun nyidang para penjahat perang Jepang.
- 1960 – Jepang jeung Amérika Sarikat néken Perjangjian Kaamanan Mutual AS-Jepang.
- 1974 – China ngawasa Kapuloan Paracel sabada hiji patelak antara armada laut China jeung Viétnam Kidul.
- 1977 – Présidén Gerald Ford ngahampura Iva Toguri D'Aquino (alias "Tokyo Rose").
- 1981 – Krisis sandera Iran: Pajabat AS jeung Iran néken pasini pikeun ngabébaskeun 52 sandera Amérika nu geus ditahan salila 14 bulan.
- 1983 – Kriminal perang Nazi, Klaus Barbie ditéwak di Bolivia.
- 1983 – Apple Lisa, komputer pribadi munggaran ti Apple Inc. nu ngabogaan GUI jeung mos dibéwarakeun.
- 1986 – Virus komputer IBM munggaran dipedalkeun. Virus boot sector nu katelah ku (c)Brain, di jieun ku Farooq Alvi sadulur, cenah pikeun nyegah pangopian ilegal kana software buatan maranéhna.
- 1991 – Perang Teluk: Irak némbakeun rudal Scud nu kadua ka Israél, ngakibatkeun 15 urang cidera.
- 1997 – Yasser Arafat mulang ka Hébron sabada leuwih ti 30 taun sarta tuluy ngilu kana parayaan pikeun panyérénan kota pamungkas nu dicepeng ku Israél di Sisi Kulon.
- 2007 – Jurnalis Turki-Arménia, Hrant Dink ditelasan di hareupeun kantorna di Istambul ku ultra nasionalis Turki, rumaja 17 taun, Ogün Samast.
- 2012 – Situs pangbagi file nu ngamarkas di Hong Kong, Megaupload, ditutup ku FBI.
- 2014 – Hiji serangan bom ka konpoy/aleutan tentara di Kota Bannu, Pakistan, nelasan 26 soldadu Pakistan sarta nyideraan 38 séjénna.
Nu babar
- 1798 – Auguste Comte, ékonom, sosiolog tur philosop Perancis (td. 1857)
- 1807 – Robert E. Lee, akademisi tur jéndral Amérika (td. 1870)
- 1809 – Edgar Allan Poe, pangarang Amérika (td. 1849)
- 1946 – Dolly Parton, tukang ngawih Amérika
- 1972 – Angham, tukang ngawih, aktris Mesir
- 1980 – Jenson Button, tukang balap mobil Inggris
- 1983 – Hikaru Utada, panyanyi Amérika-Jepang
- 1986 – Claudio Marchisio, Pamaén bola Italia
- 1992 – Logan Lerman, aktor Amérika
- 1992 – Mac Miller, rapper Amérika
Nu pupus
- 2013 – A. Rafiq, tukang ngawih dangdut (l. 1946)
Poé peré / poé panginget-nginget
Tumbu luar
 | Artikel ngeunaan kalénder ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
This article uses material from the Wikipedia Basa Sunda article 19 Januari, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eusi nu nyangkaruk ditangtayungan ku CC BY-SA 4.0 iwal lamun disebutkeun béda. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Sunda (DUHOCTRUNGQUOC.VN) is an independent company and has no affiliation with Wiki Foundation.