Ingrid Av Danmark

mars 1910–7. november 2000) var ei svensk prinsesse og dansk dronning som ektefelle av Frederik IX frå 1947 til 1972. Ho var mor til den danske dronninga Margrethe II.

Ingrid av Danmark
Fødd	28. mars 1910 Stockholms slott
Død	7. november 2000 Fredensborg slott
Tittel	Consort of Denmark
Alle titlar	prinsesse av Sverige, kronprinsesse, Dronning, dronning av Danmark, enkedronning
Hus eller slekt	Bernadotte, Huset Glücksborg (Danmark)
Gravstad	Roskilde domkyrkje
Land	Sverige, Kongeriket Danmark
Mor	Margaret av Connaught
Far	Gustav VI Adolf av Sverige
Ektefelle	Fredrik IX av Danmark
Barn	Margrethe II av Danmark, Prinsesse Benedikte, Anne-Marie av Hellas

Bakgrunn

Ingrid var fødd på Stockholms slott som prinsesse av Sverige. Ho var den einaste dottera til kong Gustaf VI Adolf av Sverige og den første kona hans, Margaret. Ingrid var berre ti år då mora døydde, og tre år seinare gifta faren seg opp att med Louise Mountbatten.

Ekteskap med kronprins Frederik av Danmark

24. mai 1935 gifta prinsesse Ingrid seg med den danske kronprinsen Frederik. Vigselen fann stad i Storkyrkan i Stockholm.

Kronprinsparet fekk tre døtrer:

• Prinsesse Margrethe av Danmark (f. 1940), dronning Margrethe II av Danmark
• Prinsesse Benedikte av Danmark (f. 1944)
• Prinsesse Anne-Marie av Danmark (f. 1946), dronning Anne-Marie av Hellas

Dronning

20. april 1947 døydde kong Christian X av Danmark, og Frederik blei kong Frederik IX av Danmark med Ingrid som dronning. Sidan det nye kongeparet ikkje hadde nokon søner, måtte lova endrast i 1953. Lova gav òg kvinner arverett til trona, men likevel etter eventuelle brør. Dette medførte at prinsesse Margrethe blei tronfølgjar i staden for onkelen sin, prins Knud.

14. januar 1972 blei dronning Ingrid enke. Dottera hennar blei regjerande dronning med namnet Margrethe II.

Dronning Ingrid skulle leva livet som enke i nesten tretti år. Denne tida brukte ho særleg på familien sin, som med tida blei talrik. I tillegg til Margrethe sine to søner fekk Benedikte tre barn med den tyske ektemannen sin, medan Anne-Marie, som blei dronning av Hellas, fekk heile fem barn. Dronning Ingrid rakk òg å oppleva å bli oldemor.

• Steffen Heiberg (2004). Danske dronninger i tusind år (dansk). København: Gyldendal. s. 98–100. ISBN 87-02029-46-4. 

• Dronning Ingrid og det moderne monarkiet
• Biografi på Den store danske
• Gravstad.dk