Jutry: Křesćanski swjedźeń

Jutry (łaćonsce pascha, wot hebrejskeho פסח pessach) je w křesćanstwje lětny wopomnjenski swjedźeń zrowastaća Jězusa Chrystusa, kotryž je po Nowym zakonju jako syn Boži smjerć přewinył.

Jutry: Křesćanski swjedźeń
Zrowastaće (Dieric Bouts, wokoło 1455)

Dokelž běštej Jězusowa smjerć a zrowastaće po Nowym zakonju runje za čas tydźenja pesach, postaji termin tutoho wulkeho židowskeho swjedźenja tež datum jutrow. Datum postaji so po lunisolarnym kalendru a padnje w zapadnej cyrkwi stajnje na njedźelu po prěnim połnym měsačku w nalěću; w gregorianskim kalendru potajkim najzašo na 22. měrc a najpozdźišo na 25. apryl. Po tym maja so tež daty swjedźenjow w jutrownym róčnym času.

Wot 4. lětstotka sem so najwyši swjaty dźeń w cyrkwinskim lěće jako třidnjowski swjedźeń, t.mj. triduum sacrum, swjeći. Bože mšě wotměwaja so wot toho časa we wjetšinje liturgijow wot poslednjeje wječerje na zelenym štwórtku – t.j. předwječor wulkeho pjatka – přez ćichu sobotu dnja rowoweho měra Knjeza, hač k spočatkej noweho tydźenja na jutrownej njedźeli.

Z jutrownej njedźelu zahaji so jutrowny čas, kotryž ze swjatkami pjećdźesat dnjow traje. W srjedźowěku wuwiwaše so z poprawneho triduuma swójski jutrowny triduum, kotryž prěnje tři dny w jutrownej oktawje wot tamnych dnjow wotzběhny. Pozdźišo buchu tute dźěła swobodne dny skrótšene, doniž jenož hišće jutrowna póndźela jako zakonski swjaty dźeń zwosta.

Jutrownu njedźelu hromadźa so we Łužicy křižerjo při wósom katolskich farskich cyrkwjach a w klóštrje Marijina hwězda, zo bychu w formje procesiona a ze žohnowanjom fararja spěwajo poselstwo „Chrystus z mortwych stanył je“ do susodneje wosady donjesli. Dalše serbske, jutrowne nałožki su debjenje jejkow, jutrowne spěwanje, jutrowna woda, klepotanje a walkowanje.

Jutrowny datum

  • 2020: 12. apryla (zapadne cyrkwje) / 19. apryla (wuchodne cyrkwje)
  • 2021: 4. apryla / 2. meje
  • 2022: 17. apryla / 24. apryla
  • 2023: 9. apryla / 16. apryla
  • 2024: 31. měrca / 5. meje
  • 2025: 20. apryla
  • 2026: 5. apryla / 12. apryla

Wotkaz

Jutry: Křesćanski swjedźeń  Commons: Jutry – Zběrka wobrazow, widejow a awdiodatajow

Tags:

HebrejšćinaKřesćanstwoNowy zakońŁaćonšćina

🔥 Trending searches on Wiki Hornjoserbsce:

Budyšin4. januaraYouTubeSergej Bagapš1997Ludwig van BeethovenPawel Pjetrowič Bažow31. měrcaAleksander Wasiljewič SuworowRiga5. oktobra1745Přirodna ličba1. julijaKarlowa uniwersitaSomališćinaAlbanšćinaSwahilšćinaWaliziskaMadagaskarČesničkaEuropska unijaTripolisAleksander VII.BaribalSebastián PiñeraWjesHorni jězorDetroitAsam2010HaitiHugo ChávezArabšćinaRadworHandrij ZejlerPalmowe rostliny19. junijaPětš JanašSwjate romske mócnarstwoJakub NowakHamburg2001Gustaw Alwin Mjerwa1945Sudan19161850BrazilskaBoris Leonidowič PasternakŠpaniskaInternetMalajzijaSłonowinowy pobrjóhWysoka fijałkaCherson1936CypernskaRumunšćina197320212019FinskaSkoričnik🡆 More