Sastra Padalangan

ini pahatu lalis, artinya tidak ada artikel lain yang berpaut ke halaman ini. Bantulah menambah pranala ke artikel ini dari artikel yang berhubungan; atau coba peralatan pencari pranala sebagai saran.

Jenis sastra padalangan biasa dibagi janten dalapan, nyaéta murwa, nyandra, suluk (kakawen), pocapan, antawacana, rumpaka, sora, sareng carita.

Murwa mangrupi suluk bubuka pagelaran anu dilagukeun ku ki dalang dina miwitan caritana. Murwa kasup salah sahiji jenis puisi padalangan. Jenis lainna sendon sareng gregetsaut. Di handap hiji conto murwa anu dicatet ti dalang Dédé Amung Sutarya dina lakon Jaya Renyuan:

Adam adam babuh hawa

Siskang danur wilis

Ingkang ngagelaraken cahya nur cahya

Dangiang wayang wayanganipun

Perlambang alam sadaya

Semar sana ya danar guling

Basa sem pangangen-angen

Mareng ngemaraken Dzat Kang Maha Tunggal

Wayang agung wineja wayang tunggal

Wayang tunggal

Nyandra hartosna paparan carita anu mangrupi janturan sareng pocapan. Janturan basa prosa dalang pikeun caritakeun jejer atawi adegan hiji nagara, kaayan panggonan, watak wayang, sareng perkawis anu dirembag ngangge iringan gamelan. Pocapan mirip sareng janturan nanging teu ngangge iringan gamelan, saukur ngangge iringan dodogan cempala. Di handap conto nyandra adegan nagara Dwarawati anu dicatet tina nyandra dalang Dede Amung Sutarya:

Swuh rep data pitana. Anenggih pundi wau kocapa negara ing pundi ingkang kaeka adi dasa nama purwa, eka sawiji adi linuwih dasa sapuluh nama iku panjenengan, purwa nami wiwitan. Sandyan katah titahing dewa kasongan ing akasa, sinangga ing pertiwi, kaideng ing samudra, tebih ing parang muka, dasar negara Dwarawati silokane jero tancebe, jembar laladane, gedé obore, duwur kukuse, padang jagate, adoh kakoncarane. Sigeg ingkang murweng kawi paparab kang dadi nalendra, inggih kang ngarenggani pura, jejeneng Sri Maha Batara Kresna ya Prabu Jenggalamanik, Prabu Harimurti, Prabu Padmanaba, Prabu Basudewaputra, saweg dipunadep dening ingkang rayi Arya Setiyaki lan ingkang raka Patih Udawa. Sreg tumengkul kaya kuncim pertala, mukanipun sarta kadia tata malih krama paningalipun Padmanegara lan Udawa saking ajrih dateng pangkonan. Samya prapta ngabiyantara, jajar denira pinara.

Sarengsena nyandra biasana dilajengken kana kakawen anu disaluyukeun sareng nyandrana. Upami bade mungkas nyandra biasana dalang ngangge kakawen sapertos di handap:

Saur nira tan ana panjang

Sinenggih sabda uninga

Wis mamang

Ulun layu dening teki

Wala bakti dening asih

Ya dening asih

Wong asih ora katara

Dilajengkeun kana suluk sapertos:

Betet ijo kapodang ulese kuning

Abang manuke wulung

Sumirat lan sumamburan

Sandang rawit beter gemeke ya lurik lurik

Dadanira ya kinuwungan

Kadya bocah ngangge kakalung

Ningsor waringin wulung

Teras dipungkas ku suluk:

Sri tinon ing pasewakan

Busana manekawarna

Seba kapuspiteng hudiana

Miang hanjrah ing sarwa rukma

Sri tinon ing pasewakan

Busana manekawarna

Murub mubyar socanira

Kadya parada tinabur

Kadya kunang-kunangan

Sekar wijaya kusuma lawan

Ramyang ramyang cinandak

Ya sinungkeman

Samia prapta ngabiyantara

Jajar denira pinara

Samia pada gabagea sakabeh

Sarengsena suluk, dilajengkeun kana pocapan anu patali sareng antawacana. Pocapan ieu pikeun nganteur kana caturan wayang. Contona:

Sri Maha Betara Kresna, sampun wonten ing sitinggil binatu rata lenggah ing dedampar denta pinda lipit ing kancana rinengga nawa retna. Lemek babut prang wedani ginanda wida kajebad kasturi lan sinebaran sari-sari. Dipun hadep Arjuna Panengah Pandawa. Pun nira hangandika kawedaling lisan mekaten pangandikanipun...

Antawacana, nyaéta caturan wayang dina adegan. Antawacana sami sareng dialog dina drama, bentena dialog drama diucapkeun ku lobaan, sedengkeun antawacana dicaturkeun ku sorangan. Dina antawacana dalang kedah tiasa ngolah wanda sorana sangkan benten dina caturan wayang-wayangna. Bentenna wanda sora ngan aya dina basa lesan; sedengkeun dina basa tulis dibentenkeun ku jeneng wayang sareng logat tulisanna.

Di handap conto antawacana anu dicatet ti dalang Dede Amung Sutarya.

Kresna: Eladalah, Yayi, Yayi Setiaki.

Setiaki: Kaula nun.

Kresna: Kakang Patih Udawa.

Udawa: Lo, lo, lo, Hahahah… pun kakang Patih Udawa.

Kresna: Marajeng ka payun calikna.

Rumpaka mangrupi kakawihan anu biasa dihaleuangkeun ku juru kawih sareng ku alok. Nanging rumpaka aya ogé anu kalebet rumpaka dalang nyaéta, kakawihan anu dihaleuangkeun ku dalang atanapi sok diangge dina bodoran. Panakawan biasa sempal kapiguyon sareng kakawihan.

 

Kakawihan anu biasa diangge dina bodoran loba jenisna, ti kawit kakawihan klasik dugi kana lagu-lagu modérn. Conto rumpaka di handap, "Lagu Nu Nguseup" dikawihkeun ku Si Cepot dina lakon Jaya Renyuan garapan Dede Amung Sutarya:

Barung herang liar mijah

Clom kiriwil ari anclom ngagiriwil

Mawa eupan rupa-rupa

Clom kurunyud lamun anclom sok ngurunyud

Plung kecemplung plung kecemplung

Eupan teuleum kukumbul ambul-ambulan

Kenur manteng jeujeur jeceng

Leungeun lempeng panon mah naksir nu mandi

Kop tah lauk mere dahareun

Mangga mangga mangga geura tuang

Geura raos ditanggung deudeuieun

Mangga mangga ulah isin-isin

Eupan cangkilung wungkul dilangkung

Eupan papatong kalah dipelong

Ku eupan colek kalah ngadelek

Lekcom lekcom panon belek nyambel oncom

Atanapi kawih anu Bapa Dalang Asep Sunandar Sunarya anu biasana dihaleuankeun ku Si Cepot:

Dengdelet dengdeleteng

Tumbila reungit tuma

Dengdelet dengdeleteng

Tumbila reungit tuma oh sayang

Boneka cantik

Dari Cibungur

Boleh dilirik

Ayeuna direbut batur

Salian ti murwa, nyandra, antawacana, sareng rumpaka, sastra padalangan ogé ngangge sora anu nyarengan sabetan dina adegan bandayuda ogol begalan pati. Sora bisa mangrupi aukan, aduhan, lalaran sareng onomatopia. Sora dina bandayuda pagelaran wayang jadi leuwih rame lantaran diiringan kugamelan anu saluyu sareng adeganna. Sedengkeun sora dina basa tulis tiasa ngangge téhnik tatatulis komik. Conto sora basa tulis di handap dicatet tina Lakonet garapan Ki Harsono Siswocarito:

“Khhk-cuah! Buta edan!”—(Clap!)—“Ciiaatt!”—(Jder!) Adujotos bedas! (Bet!)—“Hih!”—(Dez! Dig! Bugh!)—“Hegkh!”—(Bruk!)

“Ayo montekar, Dewa!” + “D-du-uh… tob-ba-at….”

Didupak galak! (Brak!)—“Aakkhh!”

“Ayo maju, Dewa!” + “Wani ka Brama?” + “Brama? O, iyeu jago Deksinapati: Dewa api kok kakubeku? Ayo maju! Heaah!”—(Clap!) Serbutinju (Bugh!) sepakporak (Blak!)—“Rasakeun dewa—heaah!”—(Blar!) tamparmemar! “Tobaatt!”

Wanda sora dina antawacana aya sababaraha rupa: 1. Sora biasa (satria lungguh), 2. Bengék (satria ladak), 3. Gangsa (ponggawa lungguh/dangah), 4. Falséto (sora palsu nu diréka deui dipapantes jeung rupa tokoh buta nu awakna leutik).

Carita Sastra Padalangan ngawengku carita pakem, gubahan, sareng carangan. Carita pakem nyaéta carita anu saluyu sareng kitab-kitab pawayangan sapertos Mahabarata, Ramayana, Pustaka Rajapurwa, sareng lainna. Carita gubahan nyaéta carita anu parantos direkacipta luyu sareng jamanna. Sedengkeun carita carangan mangrupi carita gagrag anyar anu sanggitanna saluyu sareng sastra padalangan gagrag anyar.

Tangtos sastra padalangan leuwih maneka warna. Di Tatar Sunda aya padalangan gaya Bandung, gaya Bogor, gaya Subang, gaya Karawang sareng gaya Cirebon. Di DKI aya gaya Betawi. Di Jawa Tengah aya gaya Surakarta, gaya Yogyakarta, sareng gaya Banyumas. Di Jawa Timur aya gaya Jawi Wetanan. Di luar Jawa, aya gaya Bali, gaya Banjar di Kalimantan, gaya Sasak di Nusa Tenggara. Sadayana éta janten buktos kabinekaan sastra padalangan Indonésia.