wät Is Wikipedia Nit
Woudebouk.
Wiki is NEEN:
Ieuwenske dät Enzyklopädie-Projekt Wikipedia rakt dät uk n Woudebouk-Projekt Wiktionary, wier wie fielicht noch moal ne Seelter Version fon moakje konnen. Deer heere dan Seeken oane do Woud-spezifisk tou dwoon hääbe mäd Grammatik, Satse un Betjuudenge, wier ne Enzyklopädie sik moor ap Seeken belukt.
Diskussions- af Näis-Forum. Wan me uk Meenengen häd uur dät Subjekt fon ne Siede, so skäl me deer daach objektiv blieuwe. Dät gungt bloot uum Information.
Webportal. Wan me uk wäil moal Ferwiese ätter buuten touföigje kon, so skäl die Text sälwen daach die wichtichste Paat fon n Artikkel bildje.
Textsammelenge. Dät kon weese dät fon ne literariske Oarbaid af n uur Text n litjet Stuk anfierd wäd as Biespil. Man Wikipedia is neen Sammelsteede fon Bouke af Läidertexte. Fonsälwen kon me n Uursicht moakje uur n Skriftstaaler mäd n Uursicht fon sien Oarbaiden, man do Texte sälwen skällen uurswain unnerbroacht wäide.
Enzyklopädie fon Seelterlound. Seelter Seeken wäide fonsälwen oafte eer anfierd as Seeken uut uur Loundere, man dät Siel is dätsälge as dät fon uurssproakige Wikipedia's: Ne Enzyklopädie uur ju ganse Waareld. Deer is alsoo Plats foar Information uur Seelterlound, man dät is juust so goud wan du Information uur uur Seeken biedreege wolt.
This article uses material from the Wikipedia Seeltersk article Wiki:Wät is Wikipedia nit, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Seeltersk (DUHOCTRUNGQUOC.VN) is an independent company and has no affiliation with Wiki Foundation.