26. August: Doatum
Die 26.
August is die 238. Dai fon dän Gregorioanske Kalänner (die 239. in Skaltjiere), somäd blieuwe noch 127 Deege bit tou dät Jierseende tou.
Skjonisse
- 1726: In Dresden wäd die Gruundsteen foar ju Frouwensäärke laid.
- 1806: Die Boukpränter Johann Philipp Palm wäd ap Befeel fon Napoleon in Braunau oun'n Inn waigjuchted, uumdät hie een Pamphlet juun him pränted hiede.
- 1883: Die Fjuurspäiende Bierich Krakatau bräkt uut. Deerap foulget, dät hie ap dän touken Dai in sik touhoope faalt un aan Tsunami feruurseeket, in dän duusende Ljuude ap Java un Sumatra ferdrinke.
- 1914: Eersten Waareldkriech - Ätter dät Ientringen fon ruske Troppen in Aastprüüsen begint ju Slacht bie Tannenberg twiske düütske un ruske Troppen.
- 2008: Ruslound ärkoant do fon Georgien beanspröäkede separatistiske Regionen Abchasien un Suudossetien as Stoaten oun.
- 2021: Ounsleek bie dän Lufthoawen fon Kabul 2021: Die sonaamde Islamisken Stoat begungt aan Bumben-Ounsleek tichte bie dän Iengong tou dän Lufthoawen fon ju afghaniske Haudstääd Kabul, wier ätter ju Moacht-Uurnoame fon do Taliban juust ju Evakuierenge fon wäästelk Personoal, man uk ienheemske Hälpere un Fluchtlinge in'n Gong is. Deerbie kuume touminst 183 Ljuude uum't Lieuwend, deerbie 170 Afghanen un 13 US-Suldoaten. Moor as 150 Ljuude wuuden ferseerd, deerunner uk 18 US-Suldoaten juust so as Taliban-Kampere.
Tou Waareld keemen
- 1862: Theodor Siebs, düütsken Germanist.
Stuurwen
- 2002: Rosemarie Fuchs, düütske Politikerske (FDP)
This article uses material from the Wikipedia Seeltersk article 26. August, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Seeltersk (DUHOCTRUNGQUOC.VN) is an independent company and has no affiliation with Wiki Foundation.