Felis Silvestris Catus: Felin domestego
El gato o gat (Felis silvestris catus) el xe un mamìfaro indomestegà, anca se ghe xe oncora racuante spese de gati selvàdeghi, de ła fameja dei Felidi.
  | |
| Rezistrasion | |
|---|---|
| |
| |
| Dati | |
| Perìodo de zestasion | 64 dìi |
| Speransa de vita | |
| Malatia | allergy to cats (en)  |
Origine
El gato che conosemo, el vien dał'antigo Exito e da ła Mexopotamia.
El peło
El cołor del peło e połe èsar moro, roso, grixo o bianco, tuti intieri o anca a righe o co łe mace.
Spetativa de vita
De sołito on gato el riva finmente a 16-17 ani, ma ghe xe anca gati veci de 20 - 25 ani. La gata pì vècia notada ła xe rivada a 36 ani.
Costumar
Seitare a łecarse
El peło, par el gato, el xe fondamentałe parchè el ghe tien regołà ła tenperadura corporea. Xe par cheło che el gato el sèvita a łecarse e tegnerse neto e moja ła peisa.
Łe fuxa
Co on gato el xe contento o el vol farse cocołar, el fa łe fuxa, che łe xe on rumor provocà da ła contrasion svelta e rìtmega dei muscołi del diaframa e de ła larinxa.
Pet therapy
Cosicome ła conpagnia de sta bestia morbida e riłasante ła fa star ben, el gato, cusì cofà anca el can e altre bestie, łe vien doparà inte ła cusì ciamada Pet Therapy, andove che se fa star insieme i małà co sti animałi che i xe boni trasmetar riłasamento e benstare. Ghin trae xovamento persone ipertexe e invàłide.
Proverbi
Co el gato dorme, i sorxe bała vol dir "Quando no ghe xe chi che ga da controłar el łaoro da fare, ghe xe senpre calchedun co ła broxa sol coło che el se inprofita e el scantona".
Ałerxia al gato
Ł'ałerxia al gato, ła pròvoca rinite, conxuntivite, asma. El costumar de ła xente el xe cheło de pensar ła sìpia łigà al peło del gato, siben che no ła xe ła vera cauxa scaenante. Difarenti studi i ga dimostrà che ła reałe cauxa de ałerxie al gato łe xe doveste a łe proteine de ła sałiva che el gato el se dasa sol peło e che co el całore łe evaporea finmente a dispèrdarse inte ł'ària. Łe xe on ałerxene racuanto forte e persistivo (el pol star in na caxa anca dopo tri mexi che xe ndaxesto via el gato).
Voxe corełà
Altri projeti
Wiki Commons el detien imàjini o altri file so gato
| Controło de autorità | LCCN (EN) sh85021262 · GND (DE) 4030046-8 · BNF (FR) cb12266539w (data) · BNE (ES) XX527377 (data) · NDL (EN, JA) 00568069 |
|---|
This article uses material from the Wikipedia Vèneto article Felis silvestris catus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnùo el xe disponibile soto CC BY-SA 4.0, almanco che no ghe sia scrito difarente. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vèneto (DUHOCTRUNGQUOC.VN) is an independent company and has no affiliation with Wiki Foundation.