Katariina Styeres
Katariina II ađai Katariina Styeres (š.
Sophie Auguste Friederike von Anhalt-Zerbst; 2. vyesimáánu 1729 Stettin, Preussi – 17. skammâmáánu 1796 Piättâr, Ruošâ kiäisárkodde) lâi Ruošâ kiäisárroonnig iivij 1762–1796.
Katariina šoodâi vyesimáánu 2. peeivi 1729 aatellii perrui Stettinist. Suu vaanhimeh láin saksalâš prinssâ Christian August von Anhalt-Zerbst já Johanna Elisabeth von Holstein-Gottorp. Ive 1744 Katariina vuolgij enijnis Ruošân já čuávuváá ive sun naajâi Ruošâ ruuvnâprinssâ Piättâráin. Piättâr šoodâi kiäisárin kiäisárroonnig Elisabet jäämmim maŋa ive 1762. Sun lâi kuittâg hiäjus haldâšeijee ige sun lamaš piivnoh suátivievâ, pappâkode tâi aatellij kooskâst. Syeinimáánu 9. peeivi 1762 Katariina pajanij vááldán suátivievâ iššijn. Piättâr morhedui käävci peivid vääldičovádem maŋa. Katariina II ruvnájááh lijjii siämmáá ive čohčâmáánust Moskovast. 34-ihásii väldipaje ääigi Katariina viigâi nanodiđ Ruošâ ekonomia sehe ovdediđ taiđuu, kulttuur já čuovviittâs jurduid enâmist. Katariina tiervâsvuotâ hiäjunij skammâmáánust 1796 já sun jaamij skammâmáánu 17. peeivi Piättârist.
Käldeeh
| |||||
This article uses material from the Wikipedia Anarâškielâ article Katariina Styeres, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisältö on käytettävissä lisenssillä CC BY-SA 4.0, ellei toisin mainita. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Anarâškielâ (DUHOCTRUNGQUOC.VN) is an independent company and has no affiliation with Wiki Foundation.