ᱢᱮᱫ ᱫᱚ ᱧᱮᱞ ᱞᱟᱹᱜᱤᱫ ᱛᱮ ᱢᱤᱫ ᱟᱝᱜᱽ ᱠᱟᱱᱟ ᱾ ᱢᱟᱹᱱᱢᱤ ᱟᱨ ᱪᱮᱬᱮ ᱪᱤᱯᱨᱩᱡ ᱟᱨ ᱡᱤᱣᱤ ᱡᱤᱭᱟᱹᱞᱤ ᱠᱚᱣᱟᱜ ᱦᱚᱲᱢᱚ ᱨᱮᱱᱟᱜ ᱢᱤᱫ ᱟᱹᱰᱤ ᱞᱟᱹᱠᱛᱤᱭᱟᱱ ᱦᱟᱹᱴᱤᱧ ᱠᱟᱱᱟ ᱾ ᱱᱚᱣᱟ ᱫᱚ ᱧᱮᱞ ᱨᱮ ᱜᱚᱲᱚᱭ ᱮᱢᱟ ᱠᱚᱣᱟ ᱾ ᱢᱮᱫ ᱨᱮᱱᱟᱫ ᱥᱟᱢᱟᱝ ᱯᱟᱨᱫᱟ ᱠᱟᱸᱪ ᱞᱮᱠᱟ ᱥᱟᱯᱷᱟ ᱾ ᱚᱸᱰᱮ ᱫᱟᱜ ᱞᱮᱠᱟᱱᱟᱜ ᱯᱮᱨᱮᱡ ᱠᱚᱜ-ᱟ ᱟᱨ ᱚᱱᱟ ᱯᱟᱹᱪᱷᱞᱟᱹ ᱨᱮᱱᱟᱜ ᱯᱟᱨᱫᱟ ᱡᱟᱦᱟᱸ ᱫᱚ ᱟᱭᱨᱤᱥ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ ᱾ ᱚᱱᱟ ᱯᱟᱨᱫᱟ ᱨᱮᱱᱟᱜ ᱛᱟᱞᱟ ᱨᱮ ᱢᱤᱫᱴᱟᱝ ᱯᱷᱟᱝᱠᱟ ᱛᱟᱦᱮᱸᱱᱟ, ᱚᱱᱟ ᱫᱚ ᱯᱤᱣᱯᱩᱞ ᱠᱚ ᱢᱮᱛᱟᱜ-ᱟ ᱾ ᱱᱚᱶᱟ ᱯᱤᱣᱯᱩᱞ ᱫᱚ ᱠᱮᱢᱨᱟ ᱨᱮᱱᱟᱜ ᱥᱚᱴᱚᱨ ᱞᱮᱠᱟᱭ ᱠᱟᱹᱢᱤᱭᱟ ᱾ ᱰᱮᱦᱮᱨ ᱢᱟᱨᱥᱟᱞ ᱨᱮ ᱫᱚ ᱦᱩᱰᱤᱧᱚᱜ-ᱟ ᱟᱨ ᱢᱟᱨᱥᱟᱞ ᱠᱚᱢ ᱜᱮ ᱠᱷᱟᱱ ᱢᱟᱨᱟᱝᱚᱜ-ᱟ ᱾ ᱚᱱᱟ ᱯᱟᱹᱪᱷᱞᱟᱹ ᱨᱮ ᱫᱚ ᱞᱮᱱᱥ ᱟᱨ ᱞᱮᱱᱥ ᱯᱟᱹᱪᱷᱞᱟᱹ ᱨᱮ ᱫᱚ ᱵᱷᱤᱴᱨᱤᱭᱟᱥ ᱦᱭᱩᱢᱟᱨ ᱟᱨ ᱚᱱᱟ ᱯᱟᱹᱪᱷᱞᱟᱹ ᱨᱮ ᱫᱚ ᱨᱮᱴᱤᱱᱟ ᱛᱟᱦᱮᱸᱱᱟ ᱾ ᱢᱟᱨᱥᱟᱞ ᱮᱛᱚᱦᱚᱵ ᱢᱮᱫ ᱨᱮᱱᱟᱜ ᱠᱚᱨᱚᱱᱩᱭᱟ ᱥᱮᱫ ᱛᱚ ᱞᱮᱱᱥ ᱨᱮ ᱯᱟᱨᱚᱢ ᱞᱮᱱᱠᱷᱟᱱ ᱡᱚᱛᱚ ᱢᱟᱨᱟᱞ ᱥᱚᱡᱷᱚᱜ-ᱟ ᱾ ᱚᱱᱟ ᱚᱱᱟ ᱥᱚᱡᱷᱮ ᱢᱟᱨᱥᱟᱞ ᱨᱮᱴᱤᱱᱟ ᱪᱮᱛᱟᱱ ᱨᱮ ᱧᱩᱨ ᱞᱮᱱ ᱠᱷᱟᱱ ᱨᱮᱴᱤᱱᱟ ᱨᱤᱱ ᱡᱤᱣᱤᱫ ᱜᱟᱱᱛᱷᱟᱨ ᱠᱚ ᱪᱮᱸᱜᱷᱟ ᱨᱟᱠᱟᱵ-ᱟ ᱾
ᱢᱮᱫ | |
---|---|
ᱯᱟᱥᱱᱟᱣ ᱛᱮ | |
ᱥᱤᱥᱴᱮᱢ | ᱱᱟᱨᱵᱷᱤᱭᱚᱥ |
ᱪᱤᱱᱦᱟᱹᱯᱤᱫ | |
ᱞᱟᱛᱤᱱ | ᱚᱠᱭᱩᱞᱟᱥ (Oculus) |
ᱴᱤᱮ | A15.2.00.001 A01.1.00.007 |
Anatomical terminology |
ᱢᱮᱫ ᱨᱮ ᱢᱟᱨᱥᱟᱞ ᱥᱟᱵ ᱞᱟᱹᱜᱤᱫ ᱨᱮᱴᱤᱱᱟ ᱨᱮ ᱑᱓᱗ ᱜᱮᱞᱥᱟᱭ ᱥᱟᱥᱟᱭ ᱡᱤᱣᱤᱫ ᱜᱟᱱᱛᱷᱟᱨ ᱛᱟᱦᱮᱸᱱᱟ ᱾ ᱚᱱᱟ ᱢᱩᱸᱫᱽ ᱠᱷᱚᱱ ᱑᱓᱐ ᱜᱮᱞᱥᱟᱭ ᱥᱟᱥᱟᱭ ᱫᱚ ᱦᱮᱸᱫᱮ ᱟᱨ ᱯᱩᱸᱰ ᱪᱤᱱᱦᱟᱹᱣ ᱵᱟᱠᱷᱨᱟ ᱡᱤᱞᱤᱧ ᱡᱤᱞᱤᱧ ᱡᱤᱣᱤᱫ ᱜᱟᱱᱛᱷᱟᱨ ᱟᱨ ᱗ ᱜᱮᱞᱥᱟᱭ ᱥᱟᱥᱟᱭ ᱯᱤᱨᱟᱢᱤᱰ ᱞᱮᱠᱟᱱ ᱡᱤᱣᱤᱫ ᱜᱟᱱᱛᱷᱟᱨ ᱨᱩᱝᱜᱤᱱ ᱢᱟᱨᱥᱟᱞ ᱥᱟᱵ ᱞᱟᱹᱜᱤᱫ ᱾ ᱡᱤᱞᱤᱧ ᱡᱤᱞᱤᱧ ᱡᱤᱣᱤᱫ ᱜᱟᱱᱛᱷᱟᱨ ᱫᱚ ᱨᱮᱴᱤᱱᱟ ᱨᱮ ᱠᱚ ᱟᱴᱮᱫ ᱠᱚᱜ-ᱟ ᱟᱨ ᱯᱤᱨᱟᱢᱤᱰ ᱞᱮᱠᱟᱱᱟᱜ ᱫᱚ ᱢᱤᱫᱴᱷᱮᱱ ᱰᱩᱢᱵᱩᱜ ᱠᱚᱜ-ᱟ ᱾ ᱚᱱᱟ ᱴᱷᱟᱶ ᱫᱚ ᱠᱚ ᱢᱮᱛᱟᱜ ᱠᱟᱱᱟ ᱯᱷᱚᱵᱤᱭᱟ ᱾ ᱢᱮᱫ ᱢᱤᱫ ᱫᱤᱱ ᱨᱮ ᱑᱐,᱐᱐᱐ ᱫᱷᱟᱣ-ᱮ ᱟᱹᱪᱣᱨᱚᱜ-ᱟ ᱾
ᱡᱟᱹᱯᱤᱫ ᱠᱮᱫ ᱛᱟᱭᱚᱢ ᱢᱮᱫ ᱫᱚ ᱯᱩᱨᱟᱹᱭ ᱡᱤᱨᱟᱹᱣᱜ-ᱟ ᱾ ᱟᱨ ᱵᱮᱸᱜᱮᱫ ᱠᱟᱜ ᱡᱚᱠᱷᱟᱜ ᱫᱚ ᱱᱟᱥᱮ ᱱᱟᱥᱮ, ᱡᱚᱠᱷᱚᱱ ᱟᱵᱚ ᱢᱮᱫ ᱠᱩᱴᱤ ᱵᱚ ᱫᱷᱩᱞᱩᱯᱟ ᱩᱱ ᱡᱚᱠᱷᱟᱜ ᱾ ᱢᱤᱢᱤᱫ ᱫᱷᱟᱣ ᱵᱟᱱᱟᱨ ᱢᱮᱫ ᱯᱟᱹᱨᱤ ᱯᱟᱹᱨᱤ ᱠᱤᱱ ᱠᱟᱹᱢᱤᱭᱟ ᱾ ᱢᱤᱫ ᱢᱮᱫ ᱠᱩᱴᱤ ᱙᱐ ᱥᱟᱭᱠᱚᱨᱟᱭ ᱠᱟᱹᱢᱤ ᱠᱸᱟᱱ ᱟᱨ ᱢᱤᱫ ᱫᱚᱭ ᱞᱟᱢᱟᱴ ᱧᱚᱜᱚᱜ-ᱟ ᱾ ᱱᱚᱜ-ᱚᱭ ᱱᱚᱝᱠᱟ ᱵᱟᱱᱟᱨ ᱢᱮᱫ ᱦᱚᱲᱢᱚ ᱞᱟᱹᱜᱩᱫ ᱠᱟᱹᱢᱤ ᱨᱮ ᱪᱷᱩᱴᱟᱹᱣ ᱠᱚᱜ-ᱟ ᱾
ᱢᱮᱫ ᱨᱮᱱᱟᱜ ᱢᱮᱫ ᱫᱟᱜ ᱨᱮ ᱞᱟᱭᱥᱚᱡᱚᱢ ᱛᱟᱦᱮᱱᱟ, ᱡᱟᱦᱟᱸ ᱫᱚ ᱢᱮᱫ ᱨᱮᱱᱟᱜ ᱨᱩᱠᱷᱟᱭᱟᱹ ᱞᱟᱹᱜᱤᱫ-ᱮ ᱠᱟᱹᱢᱤᱭᱟ ᱾ ᱡᱟᱸᱦᱟᱸᱱ ᱛᱤᱡᱩ ᱠᱚ ᱢᱮᱫ ᱨᱮᱠᱚ ᱵᱚᱞᱚ ᱞᱮᱱᱠᱷᱟᱱ ᱚᱱᱟ ᱞᱟᱭᱥᱚᱡᱚᱢ ᱛᱮ ᱩᱱᱠᱩᱭ ᱜᱚᱡ ᱚᱪᱚ ᱠᱚᱣᱟ ᱟᱨ ᱢᱮᱫ ᱫᱚ ᱥᱟᱯᱷᱟᱭ ᱫᱚᱦᱚᱭᱟ ᱾
This article uses material from the Wikipedia ᱥᱟᱱᱛᱟᱲᱤ article ᱢᱮᱫ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.