Holocaust
Ing Holocaust (ibat king Griegong ὁλόκαυστον (Holókauston): holos, mabilug o ngan ampong kaustos, mesilab), a ausan da muring Shoah (Hebreo: השואה, Latinized ha'shoah; Yiddish: חורבן, Latinized churben or hurban) ing katayang gagamitan da para king pamakamate kareng anam a miliung Judiong Europeo aniang Kaduang Gerang Pangyatu, metung a tangkang sistematicung pamangisan ning metung a lahi a dapat ning kapamahalan a Nazi ning Alemani, king lalam nang Adolf Hitler, deng kayang kakampi, ampo reng talausig king kalaba (collaborators).
Agpang kareng mapilang matenakan king paksa (scholars), kailangang iyabe king kabaldugan ning Holocaust ing sistematicung pamakamate da reng Nazi kareng aliwang grupu, kayabe la reng Catolico, lahing Polaco, deng Romani, civilian a Soviet, Soviet a mesucul king gera, deng taung maki kapansanan, deng binabai, deng Saksi nang Jehovah, ampo reng aliwang kalaban a political ampong relihiosu da reng Nazi. Nung tukian ya iting kabaldugan, miras la king pilatan ning 11 miliun ampong 17 miliun a tau.
Bagia-bagia, o e misanan, ing miliaring pamanalipit ampong laganas a pamacamate. Pilang banua bayu ing umpisa ning Kaduang Gerang Pangyatu, pepaliari da no reng leyi ba lang ikawani deng Judio king sociedad. Mitikdo lang concentration camp nung nu la megobrang anting alipan deng makasukul anggang mete la king pagal o sakit. Aniang mekasakup yang bayung teritoriu ing Katlung Reich king aslagang Europa, pete do reng Judio ampo reng kalaban king pulitica deng makabukud a unit a ausan dang Einsatzgruppen kapamilatan ning pang-maragul a pamamaril. Kilung do kareng ghetto deng Judio ampong Romani bayu ro dela kareng extermination camp kapamilatan da reng tren a magdalang carga, at nung kinabie la king biahi, pete da la kareng gas chamber demg keraklan. Atin yang papil ing balang sanga ning kapamahalan ning Alemaniang Nazi king pamaniapat king pangkabilugan a pamakamate, ania megi yang ausan dang "estadung mangisan lahi" ("a genocidal state") ing kapamahalan ning Alemaniang Nazi.
Makaugneng suglung
Dalerayan
Karagdagang babasan
- Deng suglung king kilual, dalerayan, ampong aliwang pikuanan, makalista la king Holocaust (resources).
Template:World War II Template:Nazism Template:Antisemitism topics Template:Racism topics Template:Jews and Judaism
This article uses material from the Wikipedia Kapampangan article Holocaust, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kapampangan (DUHOCTRUNGQUOC.VN) is an independent company and has no affiliation with Wiki Foundation.