Стамбул

İstanbul), зындгонд у куыд Константинополь дæр (гр. Κωνσταντινούπολις) у Турчы тæккæ дынджырдæр сахар, Византия æмæ Османты империйы кæддæры сæйраг сахар. Цæрынц дзы 15 милуан адæймаджы бæрц, уымæй у Европæйы стырдæр сахар. Стамбул лæууы Босфоры былтыл æмæ у дунейы ахсджиагдæр порттæй иу.

Сахар
Стамбул
тур. İstanbul
HGЯO
Паддзахад	Турк
Регион	Мармæр денджызы регион
Ил	Стамбул
Истори æмæ географи
Бындурæвæрд	1453-æм азы 29 майы
Раздæры нæмттæ	330 азы агъоммæ — Византий 1930 азы агъоммæ — Константинополь
Фæзуат	5343 км²
Сахатон таг	UTC+3:00
Цæрджытæ
Цæрджытæ	▼15 462 452 ад. (2020)
Цифрон идентификатортæ
Телефонон код	212, 216
Посты индекс	34000–34990
ibb.istanbul​(турк.) ibb.istanbul/en​(англ.)
Викикъæбицы медиа

Турчы кæддæры сæйраг сахар, 1923-æм азæй фæстæмæ сси хуымæтæджы сахар (ныр бæстæйы сæйраг сахар у Анкара). Ныры ном (İstanbul) йын официалон æгъдауæй радтой 1930-æм азы.

Стамбулы историон районтæ æмæ сыхтæ

Европæ:

• Султанахмет
• Галатæ
• Бейоглу
• Бешикташ
• Вефа
• Фатих
• Таксим
• Лалели
• Эминёню
• Сулукуле
• Долмбахче
• Айвансарай
• Касымпаша
• Джибали
• Чукурджума
• Каракёй
• Зейрек
• Кабаташ
• Фенер
• Балат
• Эйюп
• Ортакёй
• Влахерны
• Бебек

Ази:

• Ускюдар
• Кадыкёй

Стамбул у Турчы зонадон центр. Сахары мидаг ис цалдæр паддзахадон университеты, уыдоны ’хсæн сты: Стамбулы университет, Стамбулы техникон университет, Мармарæ æмæ Богазичийы университет. Стæй ма Стамбулы ис Стамбулы экономикæйы академи, Уæлдæр техникон скъола, Аивады академи, Стамбулы консерватори æмæ æндæр уæлдæр ахуыргæнæндæттæ.

Сахары архайынц цалдæр зонадон æхсæнады: Турчы медицинон æхсæнад, Турчы биологон æхсæнад, Турчы химион æхсæнад. Сахары стырдæр библиотекæтæ сты Стамбулы университеты библиотекæ æмæ Стамбулы техникон университеты библиотекæ, Сулейманиейы библиотекæ, Баязиды библиотекæ.

Музейтæ

Сахары сæйрагдæр музейтæ: Æрвхуыз мæзджыт, Сулейманиейы мæзджыт, Сыгъдæг Софияйы Аргъуаны Музей, Стамбулы археологон музей, Нывкæнынад æмæ скульптурæйы музей, Топкапыйы галуаны музей, Мозаикæйы музей, Туркаг æмæ пысылмон культурæйы музей æмæ æндæртæ.

Стамбул у Турчы экономикон центр æмæ сæйраг индустрион сахар. Паддзахады стырдæр банктæ, фæсарæйнаг æхсæнæдтæ æмæ агенстæдтæ сты Стамбулы.

Сæйраг уац: Стамбулы цæрджытæ

Стамбул у Европæйы стырдæр сахар. Сахары цæрынц 15 млн. адæймаджы.

Стамбул у Турчы стырдæр транспортон æлхынцъ. Ис дзы дыууæ æхсæнадæмон аэропорты — Ататюрчы аэропорт (IST) (Atatürk International Airport) æмæ Сабиха Гёкчены номыл аэропорт (SAW) (Sabiha Gökçen International Airport).

Стамбулы кусы метрополитен.