Prometheus
Prometheus (Graece Προμηθεύς) in mythologia Graeca fuit unus ex Titanis, natus ab Iapeto et matre utrum Theme (sorore Iapeti) an Clymene ex Asia (quae ambae erant Oceanidae).
Prometheus (vel Vulcanus) caput Iovis praecidisse dicitur ut Athena ex eo gigneretur. Prometheus notissimus est adiutor hominum, quos ex argilla vel luto candido formasse et igne divino animasse dicitur. Non solum vitam ignemque hominibus dedit, sed etiam bene vivendi instrumenta. Homines enim docuit quomodo igni uti possent, quem Prometheus ipse ex caelo subduxerat. Propter ignis furtum Iuppiter furens fulmine Prometheum adflixit et vinculis adamantis in monte Caucaso vincit, ubi vultur esuriens eius iecur semper recrescens cotidie edebat. Tandem Hercules iussu Iovis eum catenis ac vulture liberavit, e qua fabula Aeschylus argumentum tragoediae duxit, cui titulus Prometheus vinctus est.
Vide etiam paginam discretivam: Prometheus (discretiva)
Et Maria Shelley suam mythistoriam Frankenstein "vel modernus Prometheus" scripsit.
Fontes
- Aeschyli, Prometheus Vinctus.
- Hesiodi, Theogonia 507–616.
- Hesiodi, Opera et Dies, 47–105.
- Apollodori bibliotheca 1.2.3, 1.3.6, 1.7.1–2, 2.5.4, 2.5.11, 3.13.5.
- Hygini Fabulae 54, 144.
- Hygini Poetica Astronomica 2.6, 2.15, 2.42.
- Pausanias, Descriptio Graeciae 1.30.2, 2.19.5, 2.19.8.
- Valerius Flaccus, Argonauticon IV,58–80 et V 154–176.
Plura legere si cupis
- D. Briquel,"« Mahābhārata », crépuscule des dieux et mythe de Prométhée", Revue de l'histoire des religions, 1978ː 165-185
Nexus externi
 | Vicimedia Communia plura habent quae ad Prometheum spectant. |
This article uses material from the Wikipedia Latina article Prometheus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.