Kass
Kass (Felis catus) om kodoelläi.
Tä või ollaq väega karvanõ, a tä või ollaq ka ilma karvulda.
Kassi tiinüs kest keskmädselt 62 päivä.
Võromaal võidas kassi kotsilõ üteldäq viil tiide, tiids'u, tsiids'o vai tsiidsi.
Kassõ nimeq
Vanast panti Võromaal kassõlõ sääntsit nimmi: Ants, Ints, Miisu, Kati, Kiti. Vahtsõmbist kassi- ja pininimist või lukõq Võro-Seto tähtraamatust 2008. aastaga pääle.
Kassiq ilokirändüsen
Üts kuulsampi kassist kirotõt jutuisi om prantsusõ kiränigu Perrault' Charlesi kirotõt jutus "Saapidõga tiide".
Mõistatuisi kassi kotsilõ
- Nupp iih, nuul takah, hiirekeldri keskpaigah? (Kass. Põlva kihlkund, 1966.)
- Nutt iin, nui takah, hiirekeller keskeh? (Kass. Rõugõ kihlkund, 1889.)
- Nudi iin, saivas takan, hiirekeller keskpaigan? (Kass. Urvastõ kihlkund, 1890.)
- Tomp iin, toru takan, hiirekarp keskel? (Kass. Kanepi kihlkund, 1896.)
- Kerä iih, ora takah, hiirekeldre keskpaigah? (Kass. Räpinä kihlkund, 1875.)
- Üteh otsah ora, tõõsõh kerä, keskpaigah hiirekeldri? (Kass. Setomaa, 1929.)
Lätteq
This article uses material from the Wikipedia Võro article Kass, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksti või pruukiq litsendsi CC BY-SA 4.0 perrä, ku olõ-õi tõisildõ üteld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Võro (DUHOCTRUNGQUOC.VN) is an independent company and has no affiliation with Wiki Foundation.