Tabacu
El tabacu (del árabe clásicu tub[b]āq, ﻕﺎﺒﺗ) ye un productu vexetal que s'obtién de les fueyes de delles plantes del xéneru Nicotiana, en concretu Nicotiana tabacum). Consúmese de delles maneres, siendo la principal, fumao. El so particular conteníu en nicotina conviértelu n'adictivu. Comercialízase, n'estremaes presentaciones, llegalmente en tol mundu magar qu'anguaño tien abondes torgues en munchos países, darréu que tien efeutos dañibles pa la salú pública.
| Tabacu | |
|---|---|
produce (en)  y estimulante (es) | |
 | |
 |
La so composición ta formada pol alcaloide nicotina, que s'alcuentra nes fueyes en proporciones variables(dende menos del 1% hasta'l 12%). El restu ye'l denomáu galipote, una sustancia escuro y breoso formao por dellos axentes químicos, munchos de los cuales xenérense como resultes de la combustión (cianuru d'hidróxenu, monóxidu de carbonu, dióxidu de carbonu, óxidu de nitróxenu, amoniacu, etc.)
El xéneru Nicotiana abarca más de 50 especies clasificaes en cuatro grupos principales: N. tabacum, N. petunoides, N. rustica y N. polidiclia. La especie N. tabacum, pue clasificase en cuatro variedaes: havanesis, brasilensis, virgínica y purpúrea, que son l'orixe de les distintes variedaes usaes na comercialización.
La población de Llaniu, nel conceyu de Salas algamó sonadía n'Asturies poles sos plantaciones de tabacu que se caltuvieron hasta los años ochenta del Sieglu XX.
Referencies
Enllaces esternos
Wiki Commons acueye conteníu multimedia sobre Tabacu 
.
This article uses material from the Wikipedia Asturianu article Tabacu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.