Tahir Shtylla (Korçë, 19 janar 1899 - Romë, 22 qershor 1942) ka qenë diplomat dhe ministër i shtetit shqiptar.
Tahir Shtylla | |
---|---|
Ministër i Tokave të Lirueme | |
Në detyrë 3 dhjetor, 1941 – 31 korrik, 1953 | |
Paraprirë nga | Fejzi bej Alizoti komisar civil i Tokave të Lirueme |
Pasuar nga | Mustafa Kruja |
Të dhëna vetjake | |
U lind më | 19 janar 1899 Korçë, Perandoria Osmane |
Vdiq më | 22 qershor 1942 Romë, Mbretëria e Italisë |
Nënshtetësia | Shqiptar |
U lind më 19 janar 1899 në qytetin e Korçës. Ndoqi studimet në kolegjin e Shën Adrianit në Shën Mitër Koronë, Itali. Më 1925 mbaroi Fakultetin e Jurisprudencës në Universitetin e Romës.
Më 1926 qe sekretar i parë i legatës shqiptare në Bukuresht. Nga ai vit deri më 1929 u caktua sekretar i parë i legatës shqiptare në Beograd. Më 1929 e deri më 1933 qe sekretar i parë i legatës shqiptare në Romë. Nga 1933 u ngrit në gradën e të ngarkuarit me punë, dhe nisi shërbimin në Athinë. Vitin 1933 - 1934 qe i ngarkuar me punë në Sofie. Në vitet 1934 - 1936 qe kryekonsull në Bari dhe më 1937 - 1939 rikthehet në Beograd po si i ngarkuar me punë.
Më 1939 - 1941 qe funksionar i Zyrës së Likuidimit. Më 1941 u ngarkua me portofolin e ministrit fuqiplotë në Ministrinë e Punëve të Jashtme të Italisë. Më 1941 - 1942 qe ministër sekretar shteti i Tokave të Lirueme.
Ndërroi jetë në Romë më 22 qershor 1942, u varros në Shqipëri.
This article uses material from the Wikipedia Shqip article Tahir Shtylla, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.