Arkimed Lushaj, i njohur në skenë si Stresi, është këngëtar i rrymës hip hop nga Shqipëria.
Ai e nisi karrierën në vitin 2007, kur ishte 20 vjeç. Stresi është gjithashtu themeluesi i labelit muzikor Bad Boys 4 Life.
Stresi | |
---|---|
Emri i lindjes | Arkimed Lushaj |
Gjithashtu njohur si | Stresi |
Lindi | Tropojë, Shqipëri | 15 qershor 1987
Zhanret | Hip-Hop, Rap |
Këngëtar | |
Vitet aktik | 2004 - tani |
Labeli | Bad Boys 4 Life (BB4L) |
Website | www |
Stresi u angazhua me muzikën që në fëmijërinë e hershme. Ka kënduar dhe interpretuar në disa shfaqje që organizoheshin për shqiptarët e diasporës në kohën kur familja e tij kishte emigruar në Belgjikë. Gjatë karrierës së mëvonshme ka qenë pjesëmarrës në disa festivale nga ku është vlerësuar me çmimin “Best Hip Hop”. Albumet e tij janë “Rrugë pa kthim” dhe “Bad Boys In Town”.
Stresi lindi në 15 Qershor, 1986 në Tropojë. Aty kaloi pjesën më të madhe të fëmijërisë deri kur familja do largohej për në Belgjikë. Do të jetonte atje për disa vite deri në 2007-ën. Sapo u rikthye ishte koha për të nisur edhe karrierën muzikore.
Historia e emrit “Stresi” ka ardhur nga mënyra sesi e ëma e thërriste kur ishte i vogël. Djali çapkën kishte tentuar të largohej me shokët për në Greqi, ndaj mamaja e quante “Stresi”. Ai është fëmija më i vogël i familjes me tre fëmijë. Ka një motër më të madhe dhe një vëlla më të madh.
Përpos muzikës, Stresi ka përfunduar studimet e larta për Psikologji edhe pse asnjëherë nuk e ka ushtruar profesionin për shkak të karrierës muzikore.
Angazhimet e para muzikore kanë nisur në kohën kur jetonte në Belgjikë. Atje merrte pjesë në aktivitete të ndryshme që organizoheshin për shqiptarët e diasporës. Për publikun e gjerë u bë i njohur në vitin 2008. Ishte pjesëmarrës në Top Fest me këngën “Sonte është nata jem”. Po në të njëjtin vit publikoi klipin e parë “Si me lek Si pa lek”.
Stresi ka krijuar disa këngë dhe e para ka qenë “Unë jam”. E krijoi në vitin 2004 kur ende nuk ishte i njohur.
Ai numëron një sërë pjesëmarrjesh nëpër festivale nga ku ka dalë me çmime si “Best Hip Hop”. Bashkëpunimet gjatë gjithë karrierës janë të shumta edhe pse Stresi nuk ka qenë asnjëherë pjesë e ndonjë grupi muzikor. Ai është themelues i Labelit “Bad Boys For Life”.
Stresi ka publikuar dy albume. “Bad Boys in Town” dhe “Rrugë pa kthim”. Nga pjesëmarrjet në festivale ka dalë gjithmonë me çmime. Është vlerësuar dy herë me “Best Hip Hop” në “Top Fest” dhe 3 herë me “Best Hip Hop” në “Kënga Magjike”.
Menaxheri muzikor, aktual, është Flor Bana.
Viti | Festivali | Çmimi | Kënga |
---|---|---|---|
2018 | Kënga Magjike | Stresi - Te du mom | |
2017 | Kënga Magjike | Çmimi i Internetit | Stresi ft. Anxhelo Koci & Flor Bana - Sa her e don |
2015 | Kënga Magjike | Best Hip-Hop | Stresi - Mos Ma Luni Gocën |
2012 | Top Fest 9 | Best Hip-Hop & RnB | Stresi & Xheraldina - Lamtumirë |
2010 | Kënga Magjike | Best Hip-Hop | Stresi - Tik Tak |
2010 | Top Fest 7 | Stresi - My Love | |
2009 | Kënga Magjike | Stresi - Hi... | |
2009 | Top Fest 6 | Stresi & Alba G - Sonte eshte nata ime |
Stresi - Archimed (2023)
Stresi - Bad Boys (2011)
Stresi - Rruge Pa Kthim (2010)
Udhëtimet me aventura janë pasioni tjetër i Stresit veç muzikës.
Përpos muzikës, koncerteve, udhëtimeve, angazhimet e tij në çështje bamirësie janë të shpeshta edhe pse larg vëmendjes mediatike. Në to ka gjithmonë shoqëruese të ëmën.
• Profili zyrtare në Instagram: Stresi
• Faqja zyrtare në Facebook: Stresi
• Kanali zyrtar në YouTube: StresiOfficial
• Webfaqja zyrtare: www.stresi.al
This article uses material from the Wikipedia Shqip article Stresi (këngëtar), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.