U larguan nga zona e Korçës, menjëherë pas pushtimit turk dhe për 200 vite jetuan në Bullgari.
Më pas një pjesë u zhvendosën në Ukrainë dhe kanë 300 vite që jetojnë aty. Numri i shqiptarëve që jetojnë në Ukrainë arinë në 5000.
Shqiptarët fillimisht u vendosën 220 km në veri të Odesës në fshatin Karakurt së bashku me bullgarët dhe gagauzët. Në fillim të vitit 1860 një pjesë e fshatit Karakurti sot Zhovtnjovoje u shpërngul në rajonin e brigjeve të detit Azov rreth 10 km larg brigjeve, ku u themeluan 3 fshatra: Taz sot Devnenskoje, Tyshki sot Gjeorgjevka, Xhandran sot Gamovra, ku jetojnë edhe sot që këtë tokë ua dhuroi Katerina II e Rusisë. Banorët janë toskë, të shpërngulur nga rajoni i Pogradecit dhe Korçës, si pasojë e përndjekjes osmane. Pas një rrugëtimi nëpër Greqi, Bullgari e Rumani përfunduan në Ukrainë. Gjuha që flitet sot në këto 4 fshatra, Karakurt (Zhovtnjovoje), Taz (Devneskoje), Tyshki (Gjeorgjevka) dhe Xhandran (Gamovra), është një përzierje e shqipes toskë me rusishten. Por megjithatë zakonet, veshjet dhe tiparet dalluese mbeten të njëjta. Banorët e këtyre fshatrave e identifikojnë veten si shqiptarë.
Ata kanë nevojë për përkrahje, pasi nuk kanë njeri për ti mësuar gjuhën shqipe. Në arkivin e tyre ruhen një numër i madh fotografish të vjetra dhe kostume prej 195 vitesh që kur janë zhvendosur. Duke mos pasur një dorë përkujdesje dhe kushte ekonomike, kjo degë kulture shkon drejt asimilimit.
Palina Kostandini - Punonte në biblotekë.
Radion Pandor - Jurist.
Ivan Karmyelyev - Ishte kryetar komune për 15 vite.
Petre Popov - Nënpunës.
Vitor Stamat - Punonte në zyrën e turizmit si dhe ishte kryetar i shoqatës së shqiptarëve të Ukrainës "Iliria".
Gjuha shqipe ka pësuar pak ndryshime, si pasojë e lidhjeve të ngushta me bullgarishten, gagauzishten, ukrainishten dhe rusishten. Janë formuar edhe raste të veçanta të fjalës («(n)ga tant»— dmth shqiptar, з наших), dhe format lokale të emrave: Ано (Аня), Доча (Дуся), Сандьо (Сашко). Shkrimi arkaik në mesin e pakicës shqiptare mungon me shkrim, sepse ata kryesisht përdorin alfabetin cirilik.
shqip | ukrainisht |
---|---|
А mіre dite! | Добрий день! |
Tshko puna? | Як справи? |
puna mir. | Добре. |
pr shendet! | За здоров'я! |
pr kesmet! | За долю! |
This article uses material from the Wikipedia Shqip article Shqiptarët në Ukrainë, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.