Salima Ikram (lindur më 1965) është një profesoresh e Egjyptologjisë në Universitetin Amerikan në Kajro, një pjesëmarrëse në shumë projekte të arkeologjisë egjiptiane, autore e disa librave mbi arkeologjinë egjiptiane, një kontribuese në revista të ndryshme dhe një mysafire e shpeshtë në programe televizive.
Salima Ikram | |
---|---|
U lind në | 1965 (age 58–59) |
Kombësia | Pakistaneze |
Shkollimi | Bryn Mawr College, Pennsylvania Universiteti i Kembrixhit,UK |
Karriera shkencore | |
Fushat | Egjyptologjia |
Institucionet | Universiteti Amerikan në Kajro |
Faqja në rrjet | www |
Ikram ka lindur në Lahore, Pakistan në vitin 1965. Një vizitë në Egjipt, kur ajo ishte vetëm nëntë vjeçare nxiti interesin e saj për Egjyptologji.
Ikram studioi Egjyptologji dhe Arkeologji në Bryn Mawr College në Pensilvani, SHBA, duke fituar një A. B. në Arkeologji dhe Historinë Klasike dhe të Lindjes së Afërt. Ajo Vazhdoi studimet e saj në Universitetin e Kembrixhit, ku mori gradën M. Phil. dhe Ph. D. në Egjyptologji dhe në Studime Muzeale. Duke punuar për atë gradë Ph. D. ajo u aftësua edhe në fushën e analizës së faunës.
Ikram jeton në Kajro dhe është profesoreshë e Egjyptologjisë dhe Arkeologjisë në Universitetin Amerikan në Kajro, ku ajo tani është Profesoreshë ordinare e Egjyptologjisë. Ajo është edhe korrespondent për Kmt, një gazetë në fushën e Egjyptologjisë, dhe një kontribuese e shpeshtë në Egjipti Sot. Ajo është bashkë-drejtoreshë e Projektit Animal Mummy në Muzeun Egjiptian. Që nga viti 2001, Ikram së bashku, me Corinna Rossi, ka drejtuar North Kharga Oasis Survey (NKOS).
Kontributet e saj televizive përfshijnë Sekretet e Lashta Nëntokësore: Mumiet e Kashëve në Sci Channel, Kodi i Da Vinçit: i Dekoduar në Channel 4 Britani të Madhe, Varri i Kalorësve: Grabitja e të Vdekurve dhe Mbreti i Vërtetë Akrep të dy në History Channel dhe disa seri dhe speciale për Discovery Channel, History Channel, National Geographic Channel, BBC, Channel 4 Mbretëria e Bashkuar, Canal+ dhe shumë të tjera. Ajo ka shërbyer edhe si këshilltar në Universal Pictures për filmin hit Mummy.
This article uses material from the Wikipedia Shqip article Salima Ikram, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.