Mehmed Rasim Kalakula (Gjirokastër, 1882 - Tiranë, 1933) ka qenë nëpunës i administratës së Perandorisë Osmane si dhe kryetar i Bashkisë së Tiranës prej vitit 1928 deri në vitin 1930.
U lind më 1882 në Gjirokastër, i biri i Ahmed Shaban efendiut. U shkollua në ryzhdijen e vendlindjes, më pas në idadijen e Manastirit dhe më tej vijoi shkollimin e lartë në Shkollën Civile të Administratës Mbretërore "Mülkiye-i-Sehahané" në Stamboll për Shkenca Politike-Administrative, ku u diplomua në vitin 1906.
Stazhin e tij në administratën osmane e bëri në Janinë ndër vitet 1907-1910. Më pas nga maji i 1910 e deri më 1917 shërbeu si kajmekam në vende të ndryshme të Anadollit Lindor, më 1917 ndër provincat arabe dhe më 1918 deri në ardhjen e trupave greke shërbeu në Anadollin Perëndimor. Asokohe u largua për në Shqipëri, ku iu bashkua administratës së vendit.
Në vitet '20 u emërua prefekt ndër vende në Vlorë, Shkodër. Më 1926 u zgjodh kryetar i bashkisë së kryeqytetit të ri shqiptar, Tiranës.
Ndërroi jetë më 1933.
This article uses material from the Wikipedia Shqip article Rasim Kalakula, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.