Ramadan Çitaku: Politikan shqiptar

Çitaku përfshihet në listën e përpiluar nga Instituti i Studimit të Krimeve dhe Pasojave të Komunizmit, që përmbledh pjesëmarrësit që kanë përgjegjësi direkte për krimet e Partisë Komuniste Shqiptare dhe të Ushtrisë Nacionalçlirimtare, duke qene, sipas ligjit nr. 41, anëtarë të strukturave politike dhe ushtarake “që kanë inspiruar, organizuar, urdhëruar, ekzekutuar ose ndihmuar forcat partizane në vepra kriminale”.

Më 20 nëntor 1941 në shtëpinë e Hasan Bajraktarit u bë mbledhja për krijimin e komitetit qarkor të Elbasanit, ku i deleguar ishte Çitaku. Ishte nëpunës i punëve botore deri në vitin 1942 në Tiranë dhe Elbasan.

Në Orenjë, më 15 gusht 1942, me vendim të komitetit qarkor të përkohshëm të Elbasanit, u krijua çeta e Çermenikës me 15 partizanë me komandant Kadri Hoxhën dhe komisar Ramadan Çitakun. Marsin e 1943 i caktohet detyra e organizimit të Konferencës së Labinotit.

• Ministër i Financave i Shqipërisë me mandat nga 22 tetori i vitit 1944 gjer më 10 janar të vitit 1946 si pjesë e kabinetit të Enver Hoxhës (22 tetor, 1944 gjer më 10 janar, 1946).
• Mnistër i Financave i Shqipërisë nga 11 janari i vitit 1946 gjer më 18 mars të vitit 1946
• Mnistër i Financave i Shqipërisë nga 22 marsi i vitit 1946 gjer më 1 tetor të vitit 1946