Mirela Kumbaro (Tiranë, 4 mars 1966) është pedagoge dhe përkthyese shqiptare.
Më 2013 ajo u emërua ministre e Kulturës e shtetit shqiptar.
Mirela Kumbaro | |
---|---|
Ministër i Kulturës | |
Në detyrë 14 shtator 2013 – 17 janar 2019 | |
Paraprirë nga | Visar Zhiti |
Pasuar nga | Elva Margariti |
Të dhëna vetjake | |
U lind më | 4 mars 1966 Tiranë, Republika Popullore e Shqipërisë |
Nënshtetësia | shqiptar |
Ka lindur në Tiranë, në vitin 1966. Ajo mban titullin Profesore e Asociuar, të fituar në vitin 2012 në Universitetin e Tiranës, në fushën e gjuhësisë. Në vitin 2009 ka mbrojtur titullin Doktor i Shkencave në fushën e Studimeve Përkthimore pranë Universitetit të Tiranës. Ka mbrojtur Diplomën për Master në Përkthim dhe Komunikim Ndërkulturor në vitin 1994, në E.S.I.T - Paris III, Universiteti i Sorbonne - Nouvelle, në Paris, Francë. Ka kryer studimet universitare dhe është diplomuar në Universitetin e Tiranës, në Fakultetin e Gjuhëve të Huaja, në fushën e letrave frënge, në vitin 1988.
Znj. Mirela Kumbaro Furxhi nuk vjen nga radhët e politikës, por nga karriera akademike dhe nga një angazhim i gjatë e aktiv në shoqërinë civile ku ka kontribuar në fushat e kulturës, arsimit dhe problemeve sociale.
Znj. Kumbaro është përkthyese, publiciste dhe eksperte ndërkombëtare për projekte ndërkulturore dhe për programe kërkimore universitare, të ndërmarra nga organizatat ndërkombtare si Bashkimi Evropian, Organizata Ndërkombtare e Frankofonisë.
Mirela Kumbaro në vitin 2013 zgjidhet në krye të Ministrisë së Kulturës e Shqipërisë.
This article uses material from the Wikipedia Shqip article Mirela Kumbaro, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.